RRB Technician Recruitment 2024: నిరుద్యోగులకు పండగలాంటి వార్త.. రైల్వేలో 9,144 పోస్టులకు నోటిఫికేషన్‌ విడుదల! టెన్త్, ఇంటర్‌ అర్హత

ఇటీవల 5 వేలకు పైగా అసిస్టెంట్‌ లోకో పైలట్‌ ఉద్యోగాలకు దరఖాస్తులు స్వీకరించిన రైల్వే శాఖ.. తాజాగా మరో భారీ ఉద్యోగ నోటిఫికేషన్‌ విడుదల చేసింది. ఈ సారి ఏకంగా 9.144 టెక్నీషియన్‌ పోస్టులను దేశవ్యాప్తంగా అన్నీ రైల్వే రీజియన్లలో వివిధ విభాగాల్లో భర్తీకి రైల్వే శాఖ (రైల్వే రిక్రూట్‌మెంట్‌ బోర్డు) నోటిఫికేషన్‌ విడుదల చేసింది. వీటిల్లో టెక్నీషియన్‌ గ్రేడ్‌-1 సిగ్నల్‌ పోస్టులు 1092 ఉండగా.. టెక్నీషియన్‌ గ్రేడ్‌ 3 ఉద్యోగాలు 8,052 వరకు ఉన్నాయి..

ఇటీవల 5 వేలకు పైగా అసిస్టెంట్‌ లోకో పైలట్‌ ఉద్యోగాలకు దరఖాస్తులు స్వీకరించిన రైల్వే శాఖ.. తాజాగా మరో భారీ ఉద్యోగ నోటిఫికేషన్‌ విడుదల చేసింది. ఈ సారి ఏకంగా 9.144 టెక్నీషియన్‌ పోస్టులను దేశవ్యాప్తంగా అన్నీ రైల్వే రీజియన్లలో వివిధ విభాగాల్లో భర్తీకి రైల్వే శాఖ (రైల్వే రిక్రూట్‌మెంట్‌ బోర్డు) నోటిఫికేషన్‌ విడుదల చేసింది. వీటిల్లో టెక్నీషియన్‌ గ్రేడ్‌-1 సిగ్నల్‌ పోస్టులు 1092 ఉండగా.. టెక్నీషియన్‌ గ్రేడ్‌ 3 ఉద్యోగాలు 8,052 వరకు ఉన్నాయి. దేశ వ్యాప్తంగా 21 RRB రీజియన్ల ద్వారా ఈ పోస్టులను భర్తీ చేయనుంది. దరఖాస్తు స్వీకరణ మార్చి 9వ తేదీ నుంచి ప్రారంభమైంది.

ఆర్‌ఆర్‌బీ రీజియన్ వారీగా పోస్టుల వివరాలు..

• మొత్తం పోస్టుల సంఖ్య: 9,144.
• ఆర్‌ఆర్‌బీ అహ్మదాబాద్ పోస్టులు: 761
• ఆర్‌ఆర్‌బీ అజ్‌మేర్ పోస్టులు: 522
• ఆర్‌ఆర్‌బీ బెంగళూరు పోస్టులు: 142
• ఆర్‌ఆర్‌బీ భోపాల్ పోస్టులు: 452
• ఆర్‌ఆర్‌బీ భువనేశ్వర్ పోస్టులు: 150
• ఆర్‌ఆర్‌బీ బిలాస్‌పూర్ పోస్టులు: 861
• ఆర్‌ఆర్‌బీ చండీగఢ్ పోస్టులు: 111
• ఆర్‌ఆర్‌బీ చెన్నై పోస్టులు: 833
• ఆర్‌ఆర్‌బీ గువాహటి పోస్టులు: 624
• ఆర్‌ఆర్‌బీ జమ్ము అండ్‌ శ్రీనగర్ పోస్టులు: 291
• ఆర్‌ఆర్‌బీ కోల్‌కతా పోస్టులు: 506
• ఆర్‌ఆర్‌బీ మాల్దా పోస్టులు: 275
• ఆర్‌ఆర్‌బీ ముంబయి పోస్టులు: 1284
• ఆర్‌ఆర్‌బీ ముజఫర్‌పూర్ పోస్టులు: 113
• ఆర్‌ఆర్‌బీ పట్నా పోస్టులు: 221
• ఆర్‌ఆర్‌బీ ప్రయాగ్‌రాజ్ పోస్టులు: 338
• ఆర్‌ఆర్‌బీ రాంచీ పోస్టులు: 350
• ఆర్‌ఆర్‌బీ సికింద్రాబాద్ పోస్టులు: 744
• ఆర్‌ఆర్‌బీ సిలిగురి పోస్టులు: 83
• ఆర్‌ఆర్‌బీ తిరువనంతపురం పోస్టులు: 278
• ఆర్‌ఆర్‌బీ గోరఖ్‌పూర్‌ పోస్టులు: 205

టెక్నీషియన్ గ్రేడ్-I సిగ్నల్ పోస్టులకు దరఖాస్తు చేసుకునే వారు బీఎస్సీ, బీఈ/ బీటెక్‌, డిప్లొమా (ఫిజిక్స్/ ఎలక్ట్రానిక్స్/ కంప్యూటర్ సైన్స్/ ఐటీ/ ఇన్‌స్ట్రుమెంటేషన్)లో ఉత్తీర్ణలై ఉండాలి. టెక్నీషియన్ గ్రేడ్-III పోస్టులకైతే మెట్రిక్యులేషన్ లేదా ఎస్‌ఎస్‌ఎల్‌సీ, ఐటీఐలో (ఎలక్ట్రీషియన్, వైర్‌మ్యాన్, ఎలక్ట్రానిక్స్ మెకానిక్, మెకానిక్ పవర్ ఎలక్ట్రానిక్స్, మెకానిక్, ఫిట్టర్, వెల్డర్, పెయింటర్ జనరల్, మెషినిస్ట్, కార్పెంటర్, ఆపరేటర్ అడ్వాన్స్‌డ్ మెషిన్ టూల్, మెషినిస్ట్, మెకానిక్ మెకానిక్, మెకానిక్ మెకాట్రానిక్స్‌, మెకానిక్ డీజిల్‌, మెకానిక్ మోటార్ వెహికిల్, టర్నర్, ఆపరేటర్ అడ్వాన్స్‌డ్‌ మెషిన్ టూల్, గ్యాస్ కట్టర్, హీట్ ట్రీటర్, ఫౌండ్రీమ్యాన్, ప్యాటర్న్ మేకర్, మౌల్డర్ తదితర బ్రాంచ్‌లలో ఏదైనా ఒకదానిలో ఉత్తీర్ణత) లేదా 10+2 (ఫిజిక్స్, మ్యాథ్స్‌) లో తప్పనిసరిగా ఉత్తీర్ణులై ఉండాలి.

వయోపరిమితి: జులై 1, 2024 నాటికి టెక్నీషియన్ గ్రేడ్-I సిగ్నల్ పోస్టులకు 18 నుంచి 36 ఏళ్లు నిండి ఉండాలి. టెక్నీషియన్ గ్రేడ్-III పోస్టులకు 18 నుంచి 33 ఏళ్ల మధ్య వయసు ఉండాలి. ఇక ఎస్సీ/ఎస్టీలకు అయిదేళ్లు, ఓబీసీలకు మూడేళ్లు, దివ్యాంగులకు 10 నుంచి 15 ఏళ్ల వరకు వయోపరిమితిలో సడలింపు ఉంటుంది. ఆసక్తికలిగిన వారు ఏప్రిల్ 8, 2024వ తేదీలోపు దరఖాస్తు చేసుకోవచ్చు. దరఖాస్తు ఫీజు కింద ఎస్సీ/ ఎస్టీ/ మాజీ సైనికోద్యోగులు/ మహిళలు/ ట్రాన్స్‌జెండర్‌/ మైనారిటీ/ ఈబీసీ అభ్యర్థులకు రూ.250, ఇతరులు రూ.500 చొప్పున చెల్లించాలి. కంప్యూటర్‌ బేస్డ్‌ ఆప్టిట్యూడ్‌ రాత పరీక్ష, మెడికల్ ఎగ్జామినేషన్ ఆధారంగా ఎంపిక చేస్తారు. ఎంపికైతే నెలకు టెక్నీషియన్ గ్రేడ్-I సిగ్నల్ పోస్టులకు రూ.29,200. టెక్నీషియన్ గ్రేడ్-III పోస్టులకు రూ.19,900 జీతంగా చెల్లిస్తారు.

ముఖ్యమైన తేదీలు..
ఆన్‌లైన్ దరఖాస్తులకు ప్రారంభ తేదీ: మార్చి 9, 2024.
ఆన్‌లైన్ దరఖాస్తుకు చివరి తేదీ: ఏప్రాల్‌ 08, 2024.