National
Lok Sabha Elections Phase 2 : లోక్సభ ఎన్నికల రెండో దశ పోలింగ్ షురూ..
Lok Sabha Elections 2024 phase 2 live updates : ప్రధాని మోడీ వర్సెస్ కాంగ్రెస్ మధ్య మాటల యుద్ధం నెలకొన్న తరుణంలో 2024 లోక్సభ ఎన్నికల రెండో దశ పోలింగ్పై ఫోకస్ పెరిగింది. రెండో దశ పోలింగ్ లైవ్ అప్డేట్స్ కోసం ఈ హెచ్టీ తెలుగు పేజ్ని ఫాలో అవ్వండి.
ఓటేసిన సుధా మూర్తి..
ప్రముఖ రచయిత్రి, ఇన్ఫోసిస్ నారాయణ మూర్తి సతీమణి సుధా మూర్తి.. బెంగళూరులో తన ఓటు హక్కును వినియోగించుకున్నారు. ప్రతి ఒక్కరు ఓటు వేయాలని విజ్ఞప్తి చేశారు.
పోలింగ్ షురూ..
2024 లోక్సభ ఎన్నికల రెండో దశ పోలింగ్ ప్రక్రియ ప్రారంభమమైంది. ప్రజలు తమ ఓటు హక్కును వినియోగించుకుంటున్నారు. మణిపూర్లో ఓ 94ఏళ్ల వృద్ధురాలు.. తన ఓటు హక్కును వినియోగించుకున్నారు.
7 దశల్లో పోలింగ్..
2024 లోక్సభ ఎన్నికలు మొత్తం 7 దశల్లో జరగనుంది. మూడో దశ పోలింగ్ మే 7న జరుగుతుంది. జూన్ 4న ఫలితాలు వెలువడతాయి.
1,210 మంది అభ్యర్థులు..
రెండో దశ పోలింగ్లో మొత్తం 1,210 మంది అభ్యర్థులు బరిలో దిగారు. వీరిలో 74 మంది బీఎస్పీ, 69 మంది బీజేపీ, 68 మంది కాంగ్రెస్ టికెట్తో పోటీ చేస్తున్నారు.
మాక్ డ్రిల్స్..
2024 లోక్సభ ఎన్నికల రెండో దశ పోలింగ్ ఉదయం 7 గంటలకు ప్రారంభం అవుతుంది. ఈ నేపథ్యంలో.. అన్ని పోలింగ్ స్టేషన్స్లో మాక్ డ్రిల్స్ జరుగుతున్నాయి.
89 స్థానాల్లో..
వాస్తవానికి ఈ దఫా పోలింగ్లో 89 సీట్లకు పోలింగ్ జరగాల్సి ఉంది. కానీ మధ్యప్రదేశ్ బేటుల్ నియోజకవర్గం పోలింగ్ని మే 7కు వాయిదా వేశారు. బీఎస్పీ అభ్యర్థి మరణం ఇందుకు కారణం.
బరిలో ప్రముఖులు..
2024 లోక్సభ ఎన్నికల రెండో దశ పోలింగ్లో చాలా మంది ప్రముఖులు బరిలో ఉన్నారు. ముఖ్యంగా.. కాంగ్రెస్ సీనియర్ నేత రాహుల్ గాంధీ పోటీ చేస్తున్న కేరళ వయనాడ్లో శుక్రవారం పోలింగ్ జరగనుంది. కాంగ్రెస్ నేత శశిథరూర్, బజేపీ హేమ మాలిని కూడా నేడు తమ అదృష్టాన్ని పరీక్షించుకోనున్నారు.
మొత్తం 88 సీట్లు..
మొత్తం 20 రాష్ట్రాల్లో శుక్రవారం ఎన్నికలు జరగనున్నాయి. వీటిల్లో 14 సీట్లు కర్ణాటకలో, 13 సీట్లు రాజస్థాన్లో, 8 సీట్లు ఉత్తర్ ప్రదేశ్లో, 8 సీట్లు మహారాష్ట్రలో, 7 సీట్లు మధ్యప్రదేశ్లో ఉన్నాయి.
రెండో దశ పోలింగ్కు వేళాయే..
భారత్లో మరో రసవత్తర పోరుకు సమయం ఆసన్నమైంది. శుక్రవారం.. 2024 లోక్సభ ఎన్నికల రెండో దశ పోలింగ్కు సమయం ఆసన్నమైంది. ఈ దఫా పోలింగ్లో మొత్తం 88 సీట్లకు ఎన్నికలు జరగనున్నాయి. తొలి దశ పోలింగ్ ఏప్రిల్ 19న ముగిసిన విషయం తెలిసిందే.
Read also:
- 🗳తెలుగు రాష్ట్రాల్లో ముగిసిన నామినేషన్ల పర్వం.. పెద్ద ఎత్తున పోటీ పడ్డ స్వతంత్య్ర అభ్యర్థులు.. https://infoline.one/telugu-states-nominations-end/
- Lok Sabha elections: లోక్ సభ ఎన్నికల్లో బోణీ కొట్టిన బీజేపీ; గుజరాత్ లో తొలి విజయం https://infoline.one/lok-sabha-elections/