Sunita Williams Space Video : భారత సంతతి వ్యోమగామి సునీతా విలియమ్స్ అంతర్జాతీయ అంతరిక్ష కేంద్రం (ISS) చేరుకున్నారు. ఆమెతో పాటు మరో వ్యోమగామి బుచ్‌ విల్‌మోర్‌లు సైతం ప్రయాణించిన బోయింగ్‌ స్టార్‌లైనర్‌ వ్యోమనౌక గురువారం విజయవంతంగా ఐఎస్‌ఎస్‌కు అనుసంధానమైంది. ఈ సందర్భంగా వ్యోమగాములకు అక్కడ ఘన స్వాగతం లభించింది. సుదీర్ఘకాలంగా కొనసాగుతున్న సంప్రదాయం ప్రకారం గంటకొట్టి వారిని ఆహ్వానించారు.

సునీత డ్యాన్స్ సూపర్!
ఐఎస్‌ఎస్‌కు చేరుకున్న సునీత డ్యాన్స్‌ చేసి తన ఆనందాన్ని వ్యక్తం చేశారు. అక్కడే ఉన్న మరో ఏడుగురు వ్యోమగాములను ఆలింగనం చేసుకొని తన సంతోషాన్ని వ్యక్తపర్చారు. దీనికి సంబంధించిన వీడియోను బోయింగ్‌ స్పేస్‌ తన ఎక్స్‌ ఖాతాలో పంచుకోగా ప్రస్తుతం అది వైరలవుతోంది. సునీత చేసిన డ్యాన్స్‌ అందరినీ ఆకట్టుకుంటోంది. అనంతరం ఆమె మాట్లాడుతూ, ఐఎస్‌ఎస్‌లో ఉన్న వారంతా తన కుటుంబ సభ్యుల్లాంటి వారని పేర్కొన్నారు. వారిని కలిసిన సందర్భంగా తాను ఆ విధంగా వేడుక చేసుకున్నానని తెలిపారు.

Hugs all around! The Expedition 71 crew greets Butch Wilmore and @Astro_Suni aboard @Space_Station after #Starliner docked at 1:34 p.m. ET on June 6. pic.twitter.com/wQZAYy2LGH

— Boeing Space (@BoeingSpace) June 6, 2024

గంట ఆలస్యమైనప్పటికీ!
అయితే బోయింగ్‌ సంస్థ రూపొందించిన స్టార్‌లైనర్‌కు ఇది తొలి మానవసహిత యాత్ర. అంతకుముందు హీలియం లీకేజీ కారణంగా వ్యోమనౌకలోని గైడెన్స్‌-కంట్రోల్‌ థ్రస్టర్లలో ఇబ్బందులు తలెత్తాయి. ఫలితంగా గంట ఆలస్యమైనప్పటికీ ఐఎస్‌ఎస్‌తో అనుసంధానం కాగలిగింది. ఐఎస్‌ఎస్‌కు చేరే క్రమంలో వ్యోమనౌకలోని నియంత్రణ వ్యవస్థలను సునీత, విల్‌మోర్‌లు కొద్దిసేపు పరీక్షించారు. మార్గమధ్యంలో కూడా ఈ క్యాప్సూల్‌ను హీలియం లీకేజీ సమస్య వేధించింది. అయితే దీనివల్ల వ్యోమగాములకు ఎలాంటి ఇబ్బంది లేదని బోయింగ్‌ ప్రతినిధి తెలిపారు. వ్యోమనౌకలో పుష్కలంగా హీలియం నిల్వలు ఉన్నాయని చెప్పారు.

గణేశుడి విగ్రహాన్ని!
భారత సంతతికి చెందిన సునీతా విలియమ్స్‌కు ఇది మూడో రోదసి యాత్ర. గతంలో ఆమె 2006, 2012లో ఐఎస్‌ఎస్‌కు వెళ్లారు. మొత్తం 50 గంటల 40 నిమిషాల పాటు స్పేస్‌వాక్‌ నిర్వహించారు. 322 రోజలపాటు అంతరిక్షంలో గడిపారు. ఆమె ఒక మారథాన్‌ రన్నర్‌. ఐఎస్‌ఎస్‌లో ఓసారి మారథాన్‌ కూడా చేశారు. మునుపటి అంతరిక్ష యాత్రలో ఆమె భగవద్గీతను వెంట తీసుకెళ్లారు. ఈసారి గణేశుడి విగ్రహాన్ని తీసుకెళ్తున్నట్లు ఓ ఇంటర్వ్యూలో వెల్లడించారు.

Solar Storm 2024 : రెండు దశాబ్దాలలో చూడని శక్తిమంతమైన సౌరతుపాను భూమిని తాకింది. దీనివల్ల పుడమి చుట్టూ ఉన్న అంతరిక్ష వాతావరణం గత రెండు దశాబ్దాల్లో ఎన్నడూ లేనిస్థాయిలో ప్రభావితమైంది. ఫలితంగా భారత్‌లోని లద్దాఖ్‌తో పాటు ప్రపంచవ్యాప్తంగా పలు ప్రాంతాల్లో ఆకాశంలో అరోరాలు ఏర్పడుతున్నాయి. దీనివల్ల కొన్నిచోట్ల విద్యుత్‌ గ్రిడ్లకు, కమ్యూనికేషన్‌, ఉపగ్రహ పొజిషనింగ్‌ వ్యవస్థల్లో స్వల్ప అవరోధాలు ఏర్పడ్డాయి. కానీ, పెద్ద ఇబ్బందులేమీ తలెత్తలేదు. ఆదివారం కూడా ఇవి కొనసాగుతాయని అమెరికాలోని నేషనల్‌ ఓషనిక్‌ అండ్‌ అట్మాస్పియరిక్‌ అడ్మినిస్ట్రేషన్‌ (ఎన్‌వోఏఏ) పేర్కొంది.

నాసా విడుదల చేసిన ఫోటో (APTN)

రంగు రంగుల్లో ఆకాశం
ఉత్తర ఐరోపా నుంచి ఆస్ట్రేలియా వ‌ర‌కు ఆకాశం రంగు రంగుల్లో ద‌ర్శనమిచ్చింది. దీనికి సంబంధించిన ఫొటోలు సామాజిక మాధ్యమాల్లో విస్తృతంగా వైర‌ల్ అవుతున్నాయి. నార్తర్న్‌ లైట్స్‌ను చూసేందుకు జ‌నం ఎగ‌బ‌డ్డారు. ఆ లైట్స్ కంటికి నేరుగా క‌నిపించిన‌ట్లు బ్రిట‌న్‌లో స్థానికులు చెప్పారు. టాస్మానియాలో మాత్రం శనివారం తెల్లవారుజామున నాలుగు గంట‌ల‌కే ఆకాశంలో ఆరోరాలు ద‌ర్శనమిచ్చాయి. లద్దాఖ్‌లోని హాన్లే డార్క్‌ స్కై రిజర్వు ప్రాంతంలో శనివారం మధ్యాహ్నం ఒంటి గంట నుంచి ఆకాశం అరుణ వర్ణపు శోభను సంతరించుకుంది.

సౌర తుపాను వల్ల ఏర్పడ్డ అరోరాలు (APTN)

తాజా సౌర తుపానుకు సౌరగోళంలోని ఏఆర్‌13664 అనే ప్రాంతంలో ఏర్పడ్డ ఒక సౌరమచ్చ కేంద్రంగా ఉంది. సౌర తుఫాన్ వ‌ల్ల అయ‌స్కాంత క్షేత్రంలో మార్పులు సంభ‌వించే అవ‌కాశాలు ఉంటాయ‌ని, అందుకే శాటిలైట్ ఆప‌రేట‌ర్లు, ఎయిర్‌లైన్స్‌, ప‌వ‌ర్ గ్రిడ్ సంస్థలు అప్రమత్తంగా ఉండాల‌ని అధికారులు ఆదేశాలు జారీ చేశారు. క‌రోనాల్ మాస్ ఎజెక్సన్స్‌ సూర్యుడి నుంచి వెలుబ‌డ్డన‌ట్లు నేష‌న‌ల్ ఓసియానిక్ అండ్ అట్మాస్పియ‌రిక్ అడ్మినిస్ట్రేష‌న్ అంచ‌నా వేసింది. అయితే సౌర తుఫాన్ తీవ్రంగా ఉండటం వల్ల ఎక్స్‌ట్రీమ్ జియోమాగ్నిక్ స్టార్మ్‌గా అప్‌గ్రేడ్ చేశారు. రానున్న రోజుల్లో మ‌రిన్ని క‌రోనాల్ మాస్ ఎజెక్సన్స్‌ భూమిని తాకే అవ‌కాశాలు ఉన్నట్లు హెచ్చరించారు.

అరోరాలు (APTN)

వ్యోమగాములు సేఫ్
మరోవైపు అంతర్జాతీయ అంతరిక్ష కేంద్రంలో ఉన్న ఏడుగురు వ్యోమగాములకు ఈ సౌర తుపాను వల్ల ఎలాంటి ముప్పు వాటిల్లలేదని నాసా తెలిపింది. రేడియేషన్​ స్థాయిలు పెరగడం ఆందోళ కలిగించే విషయమేనని, అవసరమైతే సిబ్బందిని స్టేషన్​లోని సురక్షిత భాగానికి తరలిస్తామని పేర్కొంది.

Boeing Starliner launch : భారత సంతతి వ్యోమగామి సునీత విలియమ్స్​ 3వ స్పేస్​ మిషన్​.. చివరి నిమిషంలో రద్దు అయ్యింది. మరో వ్యోమగామితో కలిసి ఆమె ప్రయాణించాల్సిన బోయింగ్​ కంపెనీకి చెందిన స్టార్​లైనర్​ రాకెట్​లో సాంకేతిక లోపాలు తలెత్తడంతో మిషన్​ని నిలిపివేశారు!

బోయింగ్​ స్టార్​లైనర్​కు అడుగడుగునా అడ్డంకులు..
తొలి మానవసహిత స్టార్​లైనర్​​ మిషన్​ని బోయింగ్​ కంపెనీ.. అత్యంత ప్రతిష్ఠాత్మకంగా తీసుకుంది. కానీ ఈ మిషన్​కి అడుగడుగునా అడ్డంకులు ఎదరవుతూ వచ్చాయి. ఫలితంగా.. రాకెట్​ లాంచ్​ చాలాసార్లు వాయిదా పడుతూ వచ్చింది. ఇక అంతా సిద్ధం అనుకున్న సమయంలో.. సునీత విలియమ్స్​ 3వ స్పేస్​ మిషన్​ రద్దు అయ్యింది. అట్లాస్​ వీ రాకెట్​ పైభాగంలోని వాల్వ్​లో అనుమనాస్పద ప్రవర్తన కారణంగా.. లాంచ్​కి కొన్ని గంటల ముందు కౌంట్​డౌన్​ని నిలిపివేశారు.

ఈ అట్లాస్​ వీ రాకెట్​ని.. బోయింగ్​-లోక్​హీడ్​ మార్టిన్​ జాయింట్​ వెంచర్​ అయిన యునైటెడ్​ లాంచ్​ అలయెన్స్​ రూపొందించింది. అంతరిక్షంలోకి వెళ్లిన తర్వాత.. కాప్సూల్​లోని సిబ్బంది.. మేన్యువల్​గా ఆపరేట్​ చేసి, దీని శక్తిసామర్థ్యాలను లెక్కిస్తారు.

మరి ఈ లాంచ్​ మళ్లీ ఎప్పుడు ఉంటుంది? అనేది బోయింగ్​ ఇంకా చెప్పలేదు. కానీ బ్యాకప్​ డేట్​లు.. మే 7, మే10, మే11గా ఉన్నాయి.

మానవసహిత రాకెట్​ లాంచ్​ కోసం చాలా సంవత్సరాలుగా బోయింగ్​ తీవ్రంగా కృషి చేస్తూ వచ్చింది. సునీత విలియమ్స్​, బుచ్​ విల్​మోర్​లు ఈ మిషన్​ కోసం ఎంపికయ్యారు. అంతర్జాతీయ స్పేస్​ స్టేషన్​కి వెళ్లి, తిరిగి వెనక్కి రావడం.. ఈ మిషన్​లో భాగం.

లాంచ్​కి రెడీ అయిన సునీత విలియమ్స్​, బుచ్​లు.. సీట్లల్లో కూర్చుని లిఫ్ట్​ ఆఫ్​కు సిద్ధమయ్యారు. కానీ మిషన్​ని రద్దు చేయాల్సి వచ్చింది.

“ఇవాల్టి లాంచ్​ని నిలిపివేస్తున్నాము. మేము ముందు చెప్పినట్టు.. మా మొదటి ప్రాధాన్యత భద్రత. రెడీగా ఉన్నప్పుడే వెళతాము,” అని నాసా చీఫ్​ బిల్​ నెల్సన్​ తెలిపారు.

సేఫ్టీ విషయంలో బోయింగ్​ ఇప్పటికే తీవ్ర విమర్శలు ఎదుర్కొంటోంది. ఇక ఇప్పుడు స్టార్​లైనర్​ లాంచ్​ రద్దు అవ్వడం.. కమర్షియల్​ ఏవియేషన్​ విభాగంపై మరింత ప్రభావం చూపించే అవకాశం ఉంది.

నాసాపైనా దీని ప్రభావం ఉండొచ్చు! వ్యోమగాములను ఐఎస్​ఎస్​కి తీసుకెళ్లేందుకు రెండో కమర్షియల్​ పార్ట్​నర్​ కోసం చూస్తోంది నాసా. కానీ బోయింగ్​ మిషన్​కు అడుగడుగునా ఇబ్బందులు ఎదురవూతూనే వచ్చాయి.

2020లో తన స్పేస్​ఎక్స్​ డ్రాగన్​ క్యాప్సూల్​తో వ్యోమగాములను ఐఎస్​ఎస్​కి పంపించారు ఎలాన్​ మస్క్​. ఫలితంగా.. ఈ విషయంపై రష్యా మీద ఆధారపడే అవసరం తగ్గింది. చివరికి.. స్పేస్​ షటిల్​ ప్రోగ్రామ్​ రద్దు అయ్యింది.