International
Robert Fico: స్లొవేకియా ప్రధాని రాబర్ట్ ఫికోపై దుండగుల కాల్పులు.. పరిస్థితి విషమం..
Slovak PM Robert Fico: స్లోవేకియా ప్రధాని రాబర్ట్ ఫికోపై దుండగులు కాల్పులకు తెగబడ్డారు. ఈ కాల్పుల్లో రాబర్ట్ ఫికో తీవ్రంగా గాయపడ్డాడు. హాండ్లోవాలో మంత్రి మండలి సమావేశంలో పాల్గొని తిరిగి వస్తుండగా అగంతకులు దాడి చేశారు. మీటింగ్‌ అనంతరం బయటకు వెళ్తున్న ఫికోపై దుండగుడు తన వెంట తెచ్చుకున్న గన్‌తో పలుమార్లు షూట్ చేశాడు. దీంతో ఫికో ఒక్కసారిగా కుప్పకూలిపోయాడు. ప్ర‌ధానికి పొట్ట, త‌ల భాగంలో గాయాల‌య్యాయి. వెంటనే అప్ర‌మ‌త్త‌మైన భ‌ద్రతా సిబ్బంది ఆయ‌న‌ను ఆసుప‌త్రికి త‌ర‌లించారు.
BREAKING: VIDEO OF SLOVAKIA PRIME MINISTER ROBERTO FICO BEING DRAGGED AWAY AFTER HE WAS SHOT MULTIPLE TIMES pic.twitter.com/Sm2eSYisLe
— Sulaiman Ahmed (@ShaykhSulaiman) May 15, 2024
ఆయన పరిస్థితి విషమంగా ఉందని.. చికిత్స అందుతోందని ప్రభుత్వ వర్గాలు తెలిపాయి. ఈ ఘ‌ట‌న‌ను ఆ దేశ అధ్య‌క్షుడు జుజానా కాపుటోవా ఖండించారు. ప్రధాని ఫికో త్వ‌ర‌గా కోలుకోవాల‌ని ఆకాంక్షించారు. మ‌రోవైపు పోలీసులు కాల్పులు జ‌రిపిన నిందితుడిని అదుపులోకి తీసుకుని విచారిస్తున్నారు.