Pushpa 2: అల్లు అర్జున్ ఫ్యాన్స్ కు గుడ్ న్యూస్.. పుష్ప 2 టీజర్ వచ్చేస్తోంది, ఎప్పుడంటే?

స్టైలిష్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కిన పుష్ప 2: ది రూల్ ఆగస్టు 15న ప్రపంచవ్యాప్తంగా థియేటర్లలో సందడి చేయబోతున్న విషయం తెలిసిందే. ఈ సినిమాలో అల్లు అర్జున్ కు జోడీగా రష్మిక మందన్న నటిస్తోంది. అయితే ఈ మూవీ కీలక అప్డేట్స్ కోసం అల్లు అర్జున్ అభిమానులు ఎంతగానో వెయిట్ చేస్తున్నారు. 2024 ఏప్రిల్ 8న అల్లు అర్జున్ బర్త్ డే సందర్భంగా ఈ సినిమా టీజర్ విడుదల కానున్నట్టు టాక్ వినిపిస్తోంది. అయితే త్వరలోనే మేకర్స్ అఫీషియల్ ఎనౌన్స్ మెంట్ ఇచ్చే ఛాన్స్ ఉంది.

అల్లు అర్జున్, రష్మిక మందన్నతో పాటు ఫహద్ ఫాజిల్, అనసూయ భరద్వాజ్, సునీల్, అజయ్ తదితరులు నటిస్తున్నారు. మైత్రీ మూవీ మేకర్స్ నిర్మిస్తోన్న ఈ సినిమాకు దేవిశ్రీ ప్రసాద్ మ్యూజిక్ అందిస్తున్నాడు. ఈ పాన్ ఇండియా సినిమా రిలీజ్ డేట్ దగ్గర పడుతుండటంతో అభిమానులు ఆసక్తితో ఉన్నారు. అయితే రిపోర్ట్స్ ప్రకారం.. పుష్ప: ది రూల్ సినిమా విడుదలకు నాలుగు నెలల ముందు అంటే ఏప్రిల్ లో టీజర్ విడుదలయ్యే అవకాశం ఉన్నట్టు తెలుస్తోంది.

కాగా అల్లు అర్జున్ సినిమా ఇండస్ట్రీకి వచ్చి 21 ఏళ్లు పూర్తి చేసుకున్న సందర్భంగా ఆయనకు ఇది స్పెషల్ ఇయర్. అల్లు అర్జున్ కెరీర్ లోనే అత్యధిక వసూళ్లు సాధించిన పుష్ప పార్ట్1 నిలిచిన విషయం తెలిసిందే. ఇక పుష్ప 2 విడుదల కానుండటంతో 2024 ఆయనకు మరింత స్పెషల్ గా మారనుంది. అల్లు అర్జున్ తొలి చిత్రం గంగోత్రి 21 ఏళ్ల క్రితం మార్చి 28న విడుదలైంది. సినీ పరిశ్రమలో రెండు దశాబ్దాలు పూర్తి చేసుకున్న సందర్భంగా అభిమానులకు ఈ ఐకాన్ స్టార్ సర్ ప్రైజ్ లు ఇచ్చే అవకాశం ఉంది.