ఈ యుగంలో బాక్సాఫీస్ బిగ్గెస్ట్ స్టార్ ప్రభాస్ అని అన్నారు డైరెక్టర్ నాగ్ అశ్విన్. ప్రస్తుతం పాన్ ఇండియా బాక్సాఫీస్ వద్ద కల్కి సినిమా కలెక్షన్స్ పరంగా సరికొత్త రికార్డులు సృష్టిస్తోందని.. ఆ రికార్డులకు కారణం ప్రభాస్ అంటూ డార్లింగ్ పై ప్రశంసలు కురిపించారు. కల్కి సినిమాతోపాటు ప్రభాస్ గురించి చెబుతూ తన ట్విట్టర్ ఖాతాలో ఆసక్తికర ట్వీట్ చేశారు. “ఈ విజయాలన్నింటికీ కారణం కారణం అక్కడ క్యాజువల్ గా కూర్చొన్న వ్యక్తే. ఆయన ఈ యుగంలోనే బిగ్గెస్ట్ బాక్సాఫీస్ స్టార్. నాకు దర్శకత్వంలో చాలా స్వేచ్ఛనిచ్చారు. మేకింగ్ విషయంలో ఎన్నో విలువైన సూచనలు చేశారు. మనందరి డార్లింగ్. భైరవ (కల్కిలో ప్రభాస్ పేరు) ఇప్పుడు K____” అంటూ ఇంట్రెస్టింగ్ ట్వీట్ చేశారు.

This man sitting casually there is the reason for all this, unbiasedly the biggest box office star of this era… He gave our production the confidence to do what we did, he gave me the freedom to do what I did… and so many intelligent inputs helped guide the film to what it is…… pic.twitter.com/9w1Ex4flF8

— Kalki 2898 AD (@Kalki2898AD) July 3, 2024

ఇదంతా పక్కన పెడితే ప్రభాస్ పాత్ర గురించి అభిమానుల్లో ఆసక్తిని రేకెత్తించారు. కల్కి సినిమాలో భైరవగా అలరించిన ప్రభాస్.. కొద్ది సమయంపాటు కర్ణుడిగా కనిపించిన సంగతి తెలిసిందే. ఆలస్యమయ్యిందా ఆచార్య పుత్రా అంటూ చివరి పది నిమిషాలలో కర్ణుడిగా కనిపించి గూస్ బంప్స్ తెప్పించారు. ‘ఆలస్యమైందా ఆచార్య పుత్ర’ అంటూ ప్రభాస్‌ విల్లు పట్టుకుని రథంపై నిలబడితే థియేటర్ మొత్తం అరుపులతో దద్ధరిల్లింది. దీంతో కల్కి పార్ట్ 2లో కర్ణుడిగా ప్రభాస్ కనిపించడం ఖాయమనుకున్నారంతా. ఇక ఇప్పుడు అదే విషయాన్ని నాగ్ అశ్విన్ కూడా క్లారిటీ ఇచ్చినట్లు తెలుస్తోంది. కల్కి పార్ట్ 2లో ప్రభాస్ అదే పాత్రలో కనిపించనున్నాడనే ఉద్దేశంతోనే నాగ్ అశ్విన్.. ప్రభాస్ భైరవ.. ఇప్పుడు K అంటూ ఆసక్తి కలిగించాడని అంటున్నారు ఫ్యాన్స్.

మొత్తానికి కల్కి పార్ట్ 2లో ప్రభాస్ పాత్రపై క్లూ ఇస్తూ ప్రేక్షకులలో మరింత క్యూరియాసిటినీ కలిగించాడు. ఇదిలా ఉంటే ప్రస్తుతం పాన్ ఇండియా బాక్సాఫీస్ వద్ద కల్కి 2898 ఏడి విధ్వంసం సృష్టిస్తున్న సంగతి తెలిసిందే. అటు విదేశాల్లోనూ కలెక్షన్ల వర్షం కురిపిస్తుంది కల్కి. జూన్ 27న ప్రపంచవ్యాప్తంగా విడుదలైన ఈ మూవీ బాక్సాఫీస్ ను షేక్ చేస్తుంది. వైజయంతి బ్యానర్ పై నిర్మించిన ఈ సినిమా ఇప్పటికే రూ.500 కోట్లకు పైగా వసూళ్లు రాబట్టింది. ఇందులో కమల్ హాసన్, అమితాబ్, దీపికా పదుకొణె, దిశా పటానీ, దుల్కర్ సల్మాన్, విజయ్ దేవరకొండ కీలకపాత్రలు పోషించిన సంగతి తెలిసిందే.

Anupam Kher Mumbai Office Robbed : బాలీవుడు స్టార్ న‌టుడు అనుప‌మ్ ఖేర్ ఆఫీసులో దొంగ‌లు ప‌డ్డారు. త‌లుపులు ప‌గుల‌కొట్టి లోనికి ప్ర‌వేశించిన దొంగ‌లు సినిమా నెగిటివ్స్ దొంగించారు. దీనిపై పోలీసుల‌కు ఫిర్యాదు చేయ‌గా.. కేసు న‌మోదు చేసిన పోలీసులు ద‌ర్యాప్తు చేప‌ట్టారు. ఈ విష‌యాన్ని తెలియ‌జేస్తూ అనుప‌మ్ ఖేర్ ఓ వీడియోను పోస్ట్ చేశాడు. ఇద్ద‌రు దొంగ‌లు ఈ ప‌ని చేసిన‌ట్లుగా చెప్పాడు.

View this post on Instagram

A post shared by Anupam Kher (@anupampkher)

వీడియోలో ఏం చెప్పాడంటే.. ‘వీర దేశాయ్ రోడ్‌లోని నా ఆఫీసులో దొంగ‌లు ప‌డ్డారు. ఇద్ద‌రు దొంగ‌లు త‌లుపు ప‌గుల‌గొట్టి లోప‌లికి వ‌చ్చి అకౌంట్ డిపార్ట్‌మెంట్ సెక్యూరిటీలో ఉన్న సినిమా నెగిటివ్స్‌ను దొంగిలించారు. విలువైన ప‌త్రాల‌ను ప‌ట్టుకుపోయారు. ఈ విష‌య‌మై పోలీసుల‌కు ఫిర్యాదు చేయ‌గా ఎఫ్ఐఆర్ న‌మోదు చేశారు. దొంగ‌ల‌ను త్వ‌ర‌లోనే ప‌ట్టుకుంటామ‌ని పోలీసులు హామీ ఇచ్చారు. కాగా.. ఇద్ద‌రు దొంగ‌లు ల‌గేజీతో ఆటోలో వెళ్లిన‌ట్లు సీసీటీవీ కెమెరాలో క‌నిపించింది. పోలీసులు ఘటనా స్థలానికి చేరుకోక‌ముందు నా ఆఫీసులో పనిచేసేవారు తీసిన వీడియో ఇది’. అని అనుప‌మ్ ఖేర్ చెప్పాడు.

Salman Khan: బాలీవుడ్ నటుడు సల్మాన్ ఖాన్ ను హత్య చేయడానికి కుట్ర పన్నిన ప్రఖ్యాత లారెన్స్ బిష్ణోయ్ ముఠాకు చెందిన నలుగురు సభ్యులను నవీ ముంబై పోలీసులు శనివారం అరెస్టు చేశారు. వీరు పన్వేల్ లో సల్మాన్ కారుపై కాల్పులు జరపడానికి కూడా ప్రణాళిక రచించారు. ఈ కేసుకు సంబంధించి లారెన్స్ బిష్ణోయ్, అన్మోల్ బిష్ణోయ్, సంపత్ నెహ్రా, గోల్డీ బ్రార్ సహా ఈ కేసుతో సంబంధం ఉన్న 17 మందిపై ఎఫ్ఐఆర్ నమోదైంది.

సల్మాన్ ఖాన్ హత్యకు పాకిస్తాన్ నుంచి ఏకే 47
సల్మాన్ ఖాన్ (Salman Khan) ను హత్య చేయడానికి ఈ నలుగురు నిందితులు పాకిస్తాన్ నుంచి ఏకే 47 సహా పలు ఆయుధాలు తెప్పించుకున్నారు. సల్మాన్ ఖాన్ ను హత్య చేసిన అనంతరం శ్రీలంకకు పారిపోవాలని వారు ప్లాన్ చేసినట్లు సమాచారం. ఈ నలుగురిని ముంబై పోలీసులు శనివారం అరెస్టు చేశారు. వారు ధనుంజయ్ అలియాస్ అజయ్ కశ్యప్, గౌరవ్ భాటియా అలియాస్ నహ్వీ, వాస్పీ ఖాన్ అలియాస్ వసీం చిక్నా, రిజ్వాన్ ఖాన్ అలియాస్ జావేద్ ఖాన్ గా గుర్తించారు.

సల్మాన్ ఖాన్ ఇంటి వద్ద రెక్కీ
దాడి చేసేందుకు నిందితులు సల్మాన్ ఖాన్ (Salman Khan) ఇంటి వద్ద, ఫాంహౌస్ వద్ద రెక్కీ నిర్వహించాచారని పోలీసులు తెలిపారు. నిందితుడు అజయ్ కశ్యప్ వీడియో కాల్ ద్వారా పాకిస్తాన్ లోని డోగర్ అనే వ్యక్తిని సంప్రదించి, ఏకే-47 వంటి ఆయుధాలను ఆర్డర్ చేశాడని పోలీసులు తెలిపారు. లారెన్స్ బిష్ణోయ్, సంపత్ నెహ్రా ముఠాకు చెందిన సుమారు 60 నుంచి 70 మంది బాలురు ముంబై, రాయ్ గఢ్, నవీ ముంబై, థానే, పుణె, గుజరాత్ నుంచి వచ్చారని, వారంతా సల్మాన్ ఖాన్ పై నిఘా పెట్టారని పోలీసులకు సమాచారం అందింది. విక్కీ గుప్తా, సాగర్ పాల్ అనే ఇద్దరు నిందితులను గుజరాత్ లో పోలీసులు అరెస్టు చేశారు. వీరిద్దరికీ లారెన్స్ బిష్ణోయ్ ముఠాతో సంబంధాలు ఉన్నట్లు భావిస్తున్నారు. ఈ కేసులో మూడో నిందితుడు అనూజ్ థాపన్ ను ఏప్రిల్ లో అరెస్టు చేశారు. అయితే, అనూజ్ థాపన్ మే 1న ముంబై పోలీసు క్రైమ్ బ్రాంచ్ లాకప్ లోని టాయిలెట్లో మరణించాడు.

కన్యాకుమారి నుంచి పారిపోయే ప్లాన్
సల్మాన్ ఖాన్ పై దాడి చేయడానికి మైనర్లను ఉపయోగించుకోవాలని నిందితులు పథకం వేశారని నవీ ముంబై పోలీసులు పేర్కొన్నారు. తమిళనాడులోని కన్యాకుమారి నుంచి బోటులో శ్రీలంకకు పారిపోవాలని నిందితులు ప్లాన్ చేశారు. సల్మాన్ ఖాన్ నివసిస్తున్న బాంద్రాలోని గెలాక్సీ అపార్ట్ మెంట్ వెలుపల బైక్ పై వచ్చిన ఇద్దరు వ్యక్తులు పలు రౌండ్లు కాల్పులు జరిపారు. ఈ ఘటనకు సంబంధించిన సీసీటీవీ ఫుటేజీలో ఏప్రిల్ 14న హౌసింగ్ సొసైటీ వెలుపల ఉన్న ఖాన్ ఇంటి వైపు ఒక వ్యక్తి కాల్పులు జరిపినట్లు కనిపించింది.