World Longest Football Match : ప్రపంచంలోనే అత్యధిక అభిమానులు, వేల కోట్ల రూపాయల భారీ సంపాదన ఫుట్‌బాల్ సొంతం. మెస్సీ, రొనాల్డో, ఎంబాపే ఇలా స్టార్‌ ఆటగాళ్లకు ఉన్న అభిమానసంద్రాన్ని చూస్తే ఆశ్చర్యమేస్తుంది. అయితే సాధారణంగా ఫుట్‌బాల్‌ మ్యాచ్‌ 90 నిమిషాల్లో ముగుస్తుంది. 90 నిమిషాల వరకు ఇరు జట్లు గోల్స్‌ చేయకపోతే అదనపు సమయాన్ని ఇస్తారు. అప్పుడు కూడా గోల్స్‌ నమోదు కాకపోతే పెనాల్టీ షూటౌట్‌ ద్వారా విజేతను నిర్ణయిస్తారు. ఎలా చూసినా ఫుట్‌బాల్‌ మ్యాచ్‌ రెండు గంటల్లోపే పూర్తవుతుంది. కానీ ఇప్పుడు చెప్పబోయే మ్యాచ్‌ గురించి తెలిస్తే మీరు ఆశ్చర్యపోవాల్సిందే. ఎందుకంటే ఈ మ్యాచ్‌ జరిగిన సమయం నమోదైన గోల్స్‌ అన్నీ రికార్డు సృష్టించాయి. అదే రష్యాలో జరిగిన 26 గంటల మ్యాచ్‌ ప్రపంచం దృష్టిని ఆకర్షించింది.

2014 రికార్డ్ బ్రేక్
ప్రపంచంలోనే సుదీర్ఘంగా సాగిన ఫుట్‌బాల్‌ మ్యాచ్‌ రష్యాలో జరిగింది. ఆల్-రష్యన్ ఫుట్‌బాల్ దినోత్సవం సందర్భంగా ఈ మ్యాచ్‌ నిర్వహించారు. మాస్కో శివార్లలోని లుజ్నికి ఒలింపిక్ స్పోర్ట్స్ కాంప్లెక్స్‌లో ఈ లాంగ్‌ మ్యాచ్‌ను నిర్వహించారు. ఏడు మంది ఆటగాళ్లతో కూడిన రెండు జట్లు లుజ్నికి ఒలింపిక్ స్పోర్ట్స్ కాంప్లెక్స్‌లో ఈ సుదీర్ఘమైన మ్యాచ్‌ను ఆడాయి. ఈ మ్యాచ్‌కు భారీగా అభిమానులు హాజరయ్యారు. శనివారం మధ్యాహ్నం 12 గంటలకు మొదలైన మ్యాచ్‌ ఆదివారం మధ్యాహ్నం రెండు గంటలకు ‌అంటే సుమారు 26 గంటలపాటు నిర్విరామంగా సాగింది. ఈ మ్యాచ్‌ ప్రపంచంలోనే సుదీర్ఘంగా సాగిన మ్యాచ్‌గా చరిత్ర సృష్టించింది. 2014లో రెండు జట్లు 24 గంటల పాటు ఆడి నెలకొల్పిన రికార్డును ఈ మ్యాచ్‌ బద్దలు కొట్టింది.

ప్లేయర్స్ ఏడుగురే
సుమారు 26 గంటలపాటు సాగిన ఈ మ్యాచ్‌లో ఇరు జట్లు 825 గోల్స్‌ చేశాయి. రెడ్ టీమ్ 409 గోల్స్‌ చేయగా, వైట్‌ టీమ్ 416 గోల్స్‌ చేసింది. దీంతో రెడ్‌ టీమ్‌పై వైట్‌ టీమ్‌ తొమ్మిది గోల్స్‌ తేడాతో ఘన విజయం సాధించింది. అయితే ఇరు జట్లలో కేవలం ఏడుగురు. దీంతో ఈ మ్యాచ్‌ను అధికారికంగా గుర్తించలేదు. అందుకే ఎలాంటి అంతర్జాతీయ ఫుట్‌బాల్‌ సమాఖ్య వద్ద ఎలాంటి రికార్డులు నమోదు కాలేదు. కానీ సుదీర్ఘంగా సాగిన ఫుట్‌బాల్‌ మ్యాచ్‌గా ఇది గిన్నిస్ రికార్డ్స్ సృష్టించింది. రష్యన్ బుక్ ఆఫ్ రికార్డ్స్‌లోనూ ఈ మ్యాచ్‌ నమోదైంది. 26 గంటలపాటు సాగిన ఆటలో ప్రతీ రెండు గంటలకు ఒకసారి ఆటగాళ్లకు ఎనిమిది నిమిషాల విరామం ఇచ్చారు.

RCB : ఎట్ట‌కేల‌కు రాయ‌ల్ ఛాలెంజ‌ర్స్ బెంగ‌ళూరు అభిమానులు ఎంతో సంతోషంగా ఉన్నారు. ఈ సీజన్‌లో రెండో విజ‌యాన్ని బెంగ‌ళూరు న‌మోదు చేయ‌డ‌మే అందుకు కార‌ణం. గురువారం ఉప్ప‌ల్ మైదానంలో స‌న్‌రైజ‌ర్స్ హైద‌రాబాద్ తో జ‌రిగిన మ్యాచ్‌లో 35 ప‌రుగుల తేడాతో ఆర్‌సీబీ గెలుపొందింది. ప్లేఆఫ్స్ ఆశ‌లు అడుగంటిన త‌రుణం ఈ విజ‌యంతో రేసులోకి వ‌చ్చింది ఆర్‌సీబీ. ఇప్ప‌టి వ‌ర‌కు తొమ్మిది మ్యాచులు ఆడ‌గా రెండు మ్యాచుల్లోనే గెలుపొందిన ఆర్‌సీబీ మిగిలిన మ్యాచుల్లో గెలిచి కాస్త అదృష్టం తోడైతే ప్లే ఆఫ్స్‌కు చేరుకోవ‌చ్చు.

ఈ క్ర‌మంలో ఆర్‌సీబీ ఫ్యాన్స్ ప్ర‌స్తుతం ఓ కొత్త ప్ర‌తిపాద‌న‌ను తెర‌పైకి తీసుకువ‌చ్చాడు. ఐపీఎల్ ఫైన‌ల్ తేదీని ఖ‌చ్చితంగా మార్చాల్సిందేన‌ని వారు ప‌ట్టుబ‌డుతున్నారు. షెడ్యూల్ ప్ర‌కారం ఐపీఎల్ ఫైన‌ల్ మ్యాచ్ మే 26న జ‌ర‌గాల్సి ఉంది. అయితే.. ఒక రోజు ముందుగా అంటే మే 25న నిర్వ‌హించాల‌ని ప‌ట్టుబ‌డుతున్నారు. అలా చేస్తే త‌మ జ‌ట్టు ఐపీఎల్ ట్రోఫీని గెలుస్తుంద‌ని వారు అంటున్నారు. ఇందుకు ఓ లాజిక్‌ను చూపెడుతున్నారు.

వాస్త‌వానికి ఆర్‌సీబీ ఈ సీజ‌న్‌లో ఇప్ప‌టి వ‌ర‌కు రెండు మ్యాచుల్లో పంజాబ్ కింగ్స్‌, స‌న్‌రైజ‌ర్స్ హైద‌రాబాద్ పై గెలిచింది. మార్చి 25న పంజాబ్‌తో ఏప్రిల్ 25న స‌న్‌రైజ‌ర్స్ హైదారాబాద్ పై విజ‌యాల‌ను సాధించింది. అంటే.. ప్ర‌తి నెల‌లో 25వ తేదీన ఆర్‌సీబీ ఖ‌చ్చితంగా గెలుస్తోంది. ఈ లెక్క‌న ఐపీఎల్ ఫైన‌ల్ ను మే 25న నిర్వ‌హించాల‌ని అంటున్నారు. దీన్ని చూసిన కొంత మంది ఆర్‌సీబీ ఫ్యాన్స్ అంటున్న దానిలో న్యాయం ముంది అని అంటుంటే.. ఆర్‌సీబీ ఫైన‌ల్‌కు చేరుకోవాలంటే ముందు ఫ్లే ఆఫ్స్‌కు చేరుకోవాలి గ‌దా అంటూ మ‌రికొంద‌రు వ్యంగ్యంగా కామెంట్లు చేస్తున్నారు.

ఇక మ్యాచ్ విష‌యానికి వ‌స్తే.. విరాట్ కోహ్లి (51; 43 బంతుల్లో 4 ఫోర్లు, 1 సిక్స్‌), ర‌జ‌త్ పాటిదార్ (50; 20 బంతుల్లో 2 ఫోర్లు, 5 సిక్స‌ర్లు) లు అర్ధ‌శ‌త‌కాలు బాద‌డంతో తొలుత‌ బ్యాటింగ్ చేసిన ఆర్‌సీబీ నిర్ణీత 20 ఓవ‌ర్ల‌లో ఏడు వికెట్లు కోల్పోయి 206 ప‌రుగులు చేసింది. అనంత‌రం ల‌క్ష్య ఛేద‌న‌లో స‌న్‌రైజ‌ర్స్ హైద‌రాబాద్‌ నిర్ణీత 20 ఓవ‌ర్ల‌లో 8 వికెట్ల నష్టానికి 171 ప‌రుగులకే ప‌రిమిత‌మైంది. ఆర్‌సీబీ బౌలర్లలో స్వప్నిల్‌ సింగ్‌, కరణ్‌ శర్మ, లాకీ ఫెర్గూసన్ త‌లా రెండేసి వికెట్లు తీశారు. విల్‌ జాక్స్‌, యశ్‌ దయాళ్‌ ఒక్కో వికెట్‌ పడగొట్టారు.

Next win for @RCBTweets will be on May 25, @IPL pls reschedule one of #RCB matches on this date https://t.co/NgvceoCJdh

— M Anil Kumar (@AniltheMatrix) April 26, 2024

Advertisement

View this post on Instagram

A post shared by Epic Cricket Comments (@epic.cricket_comments)

Paris Olympics: నేషనల్ రైఫిల్ అసోసియేషన్ ఆఫ్ ఇండియా (NRAI ) ఇటీవల షూటర్ కోసం నిబంధనలను మార్చింది. షూటర్స్ తక్కువ స్కోరు ఉన్నప్పటికీ పారిస్ ఒలింపిక్ ట్రయల్స్‌లో పాల్గొనడానికి అనుమతి ఉంటుంది. NRAI పారిస్ ఒలింపిక్స్‌కు ఎంపిక ట్రయల్స్‌కు సంబంధించిన ప్రమాణాలపై కోర్టు పోరాటం చేస్తోంది. వాస్తవానికి, ట్రాప్ షూటర్ కరణ్ రెండు పాయింట్ల తేడాతో షాట్‌గన్ ఎంపిక ట్రయల్స్ కోసం NRAI ప్రమాణాలను కోల్పోయాడు. అయితే, అతను ఒలింపిక్ ట్రయల్స్‌లో పాల్గొనడానికి అనుమతి ఉంది. కాగా, గతేడాది జాతీయ ఛాంపియన్‌షిప్‌లో ఇలాంటి స్కోర్లు సాధించిన పలువురు షూటర్ల పేర్లను పరిగణనలోకి తీసుకోలేదు.

NRAI గత ఏడాది నవంబర్‌లో జారీ చేసిన సర్క్యులర్‌లో ‘షాట్‌గన్ ఎంపిక ప్రమాణాల ప్రకారం ఎంపిక ట్రయల్స్ 2024’ అని ప్రకటించింది. అతని ప్రకారం, 66వ జాతీయ ఛాంపియన్‌షిప్ సమయంలో సీనియర్ పురుషుల ట్రాప్‌లో 110 స్కోర్‌తో షూటర్లు డిసెంబర్ 2023 నుంచి మార్చి 2024 మధ్య జరిగే ప్రాక్టీస్‌కు అర్హులు. అయితే, ఆర్మీ షూటర్ కరణ్ 108 మాత్రమే స్కోర్ చేశాడు. అయినప్పటికీ, NRAI అతన్ని అనుమతించింది. ట్రయల్స్‌లో పాల్గొనడానికి అనుమతించింది.

సైన్యం నుంచి సిఫార్సు..
నాలుగు సెలెక్షన్ ట్రయల్స్ సిరీస్‌లో కరణ్ ప్రస్తుతం 15వ ర్యాంక్‌లో ఉన్నాడు. జాతీయ జట్టులో కూడా స్థానం సంపాదించలేకపోయాడు. ఇప్పుడు దీని వెనుక ఉన్న కారణాన్ని వివరిస్తూ, NRAI కార్యదర్శి రాజీవ్ భాటియా పీటీఐతో మాట్లాడుతూ.. కరణ్ ‘రైజింగ్’ షూటర్, అతని సిఫార్సు ఆర్మీ నుంచి వచ్చింది. అతను ఎమర్జింగ్ మంచి షూటర్ కాబట్టి మేం మినహాయింపు ఇచ్చాం. కేవలం రెండు పాయింట్ల తేడా ఉండడంతో మంచి స్కోరు సాధిస్తున్నాడు. అందుకే మేం అతనిని ప్రపంచ కప్, ప్రపంచ ఛాంపియన్‌షిప్, ఒలింపిక్స్ ట్రయల్స్‌లో చేర్చుకున్నాం’ అని తెలిపాడు.