Connect with us

Technology

Neuralink Bionic Eyes : చిప్‌తో చూపు.. ఎలన్‌ మస్క్‌ న్యూరాలింక్‌ మరో ఆవిష్కరణ..

Published

on

Neuralink Bionic Eyes : టెక్నాలజీ సృష్టిస్తున్న అద్భుతాల గురించి ఎంత చెప్పినా తక్కువే.. అసాధ్యం అనుకున్నవి ఎన్నో సుసాధ్యం చేస్తోంది. అలాంటిదే మానవ మెదడులో చిప్ అమర్చి ఆలోచనలతోనే కంప్యూటర్, మౌస్‌ని నియంత్రించడం.. ఆవిష్కరణలకు పెద్ద పీట వేసే టెస్లా కంపెనీ అధినేత ఎలన్ మస్క్ ఆధ్వర్యంలోని న్యూరోలింగ్ కంపెనీ ఈ ప్రక్రియను విజయవంతం చేసింది. తదుపరి ఆవిష్కరణగా కంటిచూపు కోల్పోయిన వారు శాశ్వతంగా చూడగలగడంపై పరిశోధనలు చేస్తుంది. వివాటెక్‌లో ఈ విషయాన్ని ప్రకటించారు.

బ్రెయిన్ కంప్యూటర్ ఇంటర్ఫేస్ కంపెనీ న్యూరాలింక్ మరో అద్భుత ఆవిష్కరణపై దృష్టి పెట్టింది. అనుకోని ప్రమాదాల్లో చూపు కోల్పోయిన వారు, పుట్టుకతో చూపు లేనివారు పూర్తిగా చూడగలిగే పరికరం తయారీపై దృష్టి పెట్టింది. మెదడు నుంచి కంటికి సంకేతాలు అనే ప్రాంతంలో ఏర్పాటు చేసే ఈ చిప్ అంధులకు మళ్లీ ఈ ప్రపంచాన్ని చూసే అందరిలా జీవించే అవకాశం కల్పిస్తుంది. బ్రెయిన్ లోని ఆప్టికల్ ప్రాసెసింగ్ ప్రాంతాలతో ఇది నేరుగా అనుసంధానమై ఉంటుందని వివాటెక్‌లో మస్క ప్రకటించారు. మెదడు లేదా వెన్నెముక గాయాలను పూర్తిస్థాయిలో నయం చేయడం ద్వారా అంధులు తిరిగి చూడగలుగుతారని తెలిపారు.

దశాబ్దాలుగా చీకట్లో మగ్గుతున్న వారి జీవితాల్లో వెలుగు నింపడమే ఈ పరిశోధన ఉద్దేశమని న్యూరాలింపు పరిశోధకులు గతంలో చెప్పారు. రెండు నెలల క్రితమే మస్క్ చూపు తెప్పించే ఈ బ్రెయిన్ చిప్ గురించి మాట్లాడారు. కళ్లు లేని కోతులకు ఈ చిప్ అమర్చగా అవి చూడగలుగుతున్నాయని తెలిపారు. ప్రస్తుతానికి విజన్ అస్పష్టత ఉన్నప్పటికీ మనిషి మెదడులో ఈ చిప్ అమర్చే సమయానికి నాణ్యత మెరుగుపడుతుందన్నారు. ఈ చిప్ అమర్చిన తర్వాత ఏ కోతి చనిపోవడం గానీ తీవ్రంగా గాయపడటం కాని జరగలేదన్నారు. మస్క్ చెప్పినట్లుగా ఈ చిప్ అందుబాటులోకి వస్తే అభిప్రాయం వ్యక్తం అవుతుంది.

చిప్‌తో అంధులు సాధారణ మనుషుల్లా చూడొచ్చు :
చూపును తెప్పించే బ్రెయిన్ కంప్యూటర్ ఇంటర్ ఫెస్ పరికరంపై చాలా ఏళ్లుగా పరిశోధనలు జరుగుతున్నాయి. బ్రెయిన్ ఇంప్లాంట్ ద్వారా 2020లో ఆస్ట్రేలియా శాస్త్రవేత్తలు బయోనిక్ ఐ రూపొందించారు. 2021లో స్పెయిన్ శాస్త్రవేత్తలు ఆర్టిఫిషియల్ రెటీనా అమర్చారు. కళ్ళజోడుకు అమర్చిన ఈ ఆర్టిఫిషియల్ రెటినా గుర్తించి ఎలక్ట్రికల్ సిగ్నల్స్ ద్వారా సమాచారాన్ని మెదడుకు అందిస్తుంది. అయితే మస్క్ అభిప్రాయం ప్రకారం. ఈ పరికరాల వల్ల కలుగుతున్న ఉపయోగం చాలా తక్కువ. న్యూరాలింక్ తయారు చేసిన చిప్‌తో అంధులు సాధారణ మనుషుల్లా చూడొచ్చు అన్నది మస్క్ చెబుతున్న మాట. అయితే ఈ చిప్‌పైన ప్రపంచవ్యాప్తంగా అనేక సందేహాలు వ్యక్తమవుతున్నాయి. పుట్టుకతోనే చూపు లేదా మధ్యలో చూపు కోల్పోయాయా? చిప్ అమర్చిన కోతులు ఇక ఎప్పటికీ చూపుకోల్పోయే ప్రమాదం లేదా? వంటి సందేహాలు కలుగుతున్నాయి.

బ్లైండ్ సెట్ చిప్ ఎలా పనిచేస్తుంది అనేది ఇప్పటికైతే స్పష్టత లేదు. అయితే, మెదడు నుంచి కంటికి సంకేతాలు పంపగలడం ద్వారా సాధ్యమైతే కనుక కోట్ల మంది అందులో జీవితాలలో వెలుగు వచ్చినట్టే. సైన్స్ ఫిక్షన్ కథలకు సాంకేతిక ఆవిష్కరణలకు మధ్య దూరం జరిగిపోతున్న కాలమిది. ఈ దూరాన్ని చెరిపేయడంలో మస్క్ ముందున్నారు. ఈ క్రమంలోని ఆయన న్యూరాలింక్‌లో భారీగా పెట్టబడులు పెట్టారు. న్యూరాలింక్ ఆవిష్కరణలు మనుషుల జీవితాలను మెరుగుపరిచేలా చేయడంపైనే దృష్టి పెడుతున్నాయని మస్క్ అంటున్నారు. ఇదే సమయంలో ఆయన ఓ హెచ్చరిక కూడా చేస్తున్నారు. ఏఐ కాలంలో బ్రెయిన్ కంప్యూటర్ ఇంటర్ఫేస్‌ను జాగ్రత్తగా నైతిక నిబంధనలకు అనుగుణంగా ఉపయోగించాల్సి ఉందన్నారు.

Advertisement

ఆలోచనలతో కంప్యూటర్ ఆపరేటింగ్ :
బ్లైండ్ సైడ్ షిప్ ఆవిష్కరణకు ముందు న్యూరాలిక్ మెదడులో చీఫ్ అమర్చే ప్రయోగం విజయవంతంగా పూర్తి చేసింది. ఈ జనవరిలో ఓ వ్యక్తికి అమర్చిన న్యూరోచిప్ ఆధారంగా అతను ఆలోచనల ద్వారా కంప్యూటర్ ఆపరేట్ చేయగలుగుతున్నారు. పక్షవాతం వచ్చిన రోగుల్లో వెన్నెముక బలహీనత ఉన్న రోగుల్లో ఈ చిప్ అమర్చుట వల్ల అద్భుతాలు సృష్టించవచ్చని మస్క్ అంటున్నారు. మెదడు వెన్నెముక గాయాలని సరి చేసే ఈ సాంకేతికతతో మానవజాతికి గొప్ప మేలు జరుగుతుందని మస్క్ నమ్ముతున్నారు. 8 ఏళ్ల క్రితం ఓ ప్రమాదంలో ఆయన వెన్నుముకకు గాయమైంది. ఆసుపత్రి నుంచి డిశ్చార్జ్ అయ్యారు.

అప్పటినుంచి ఇప్పటివరకు ఎలాంటి సమస్యలు రాలేదని ఎవరితో పని లేకుండా తన పనులు తానే చేసుకో గలుగుతున్నారు. ఆలోచనలను నియంత్రించే ఈ చిప్ టెలిపతిగా పిలుస్తున్నారు. ఈ చిప్ అమర్చిన వ్యక్తులు ఆలోచనల ద్వారా ఫోన్లు కంప్యూటర్లను నియంత్రించగలరు. పక్షవాతం రోగుల్లో శరీరా నియంత్రణ వ్యవస్థను పునరుద్ధరించడంలో ఈ చిప్ అద్భుతంగా పనిచేస్తుందని మస్క్ అంటున్నారు. వీలైనప్పుడల్లా మస్క్ వివరిస్తున్నారు. పుర్రెలో చిన్న భాగాన్ని తొలగించి అమర్చిన ఈ ఎలక్ట్రోలను మెదడులోకి చొప్పిస్తారు.

మెదడులోని న్యూరాల మధ్య ప్రచారం అవుతున్న సందేశాలను గుర్తించి ఆదేశాలిస్తోంది. మెదడు వెన్నుముక గాయాలను సరిచేయడం మనుషులను ఆర్టిఫిషియల్ ఇంటెలిజెంట్‌తో అనుసంధానించడం న్యూరాలింక్ అసలు ఏమని మస్క్ అంటున్నారు. 2016 నుంచి న్యూరాలింక్ ప్రయోగాలు చేస్తోంది మనిషిని రక్షించడమే తన లక్ష్యమని మాస్క్ అంటున్నారు మెదడు మిషన్ కలయికతో అద్భుతాలు సృష్టించవచ్చన్నది ఆయన అభిప్రాయం.

Technology

టార్గెట్ బీజేపీ? ఈవీఎంలపై ఎలాన్ మస్క్ సంచలన ఆరోపణల వెనుక అనేక అనుమానాలు

Published

on

Evm Hacking Row : ఈవీఎంలపై మస్క్ వ్యాఖ్యలను ఇండియా కూటమి సమర్థిస్తోంటే అధికార బీజేపీ, దాని మిత్రపక్షాలు మాత్రం వ్యతిరేకిస్తున్నాయి. మస్క్ వ్యాఖ్యలను కేంద్రం తరపున ఎలక్ట్రానిక్స్, ఐటీశాఖ మాజీ మంత్రి రాజీవ్ చంద్రశేఖర్ తోసిపుచ్చారు. హ్యాకింగ్‌పై ఎలాంటి ఆధారాలు లేనప్పటికీ మస్క్ చాలా తేలిగ్గా ఆరోపణలు చేస్తున్నారని మండిపడ్డారు. ఈవీఎంలను హ్యాకింగ్ చేయగలిగినప్పుడు టెస్లా కార్లనూ హ్యాక్ చేసే అవకాశం ఉంటుంది కదా అని కౌంటర్ ఇచ్చారు. రాహుల్ వ్యాఖ్యలపై మహారాష్ట్ర ముఖ్యమంత్రి ఏక్‌నాథ్‌శిండే స్పందించారు. ఈవీఎంలపై అనుమానాలు వ్యక్తంచేస్తున్న రాహుల్ గాంధీ తాను పోటీ చేసిన రెండు స్థానాల నుంచి రాజీనామా చేస్తారా అని సవాల్ విసిరారు.

భారత్‌లో ఈవీఎంల వాడకం 2004లో మొదలు..
భారత్‌లో ఈవీఎంల వాడకం 2004లో మొదలైంది. ఆ ఏడాది జరిగిన సార్వత్రిక ఎన్నికల్లో, ఉమ్మడి ఆంధ్రప్రదేశ్‌తో పాటు మరికొన్ని రాష్ట్రాలకు జరిగిన అసెంబ్లీ ఎన్నికల్లో తొలిసారిగా ఈవీఎంలను ఉపయోగించారు. ఆ ఎన్నికల్లో కేంద్రంలో అధికారంలో ఉన్న NDA ఓడిపోయింది. ఉమ్మడి ఆంధ్రప్రదేశ్‌లో అధికారంలో ఉన్న తెలుగుదేశం ఘోర పరాజయం పొందింది. కేంద్రంలో కాంగ్రెస్ ఎక్కువ స్థానాలు గెలిచి యూపీఏ ప్రభుత్వాన్ని ఏర్పాటు చేసింది.

బీజేపీ ఘనవిజయం తర్వాత ఈవీఎంలకు వ్యతిరేకంగా బలంగా వాదనలు..
2004 నుంచి దేశంలో ఎన్నికలన్నీ ఈవీఎంల ద్వారానే జరుగుతున్నాయి. మొదటినుంచీ ఈవీఎంలపై సందేహాలు వ్యక్తమవుతూనే ఉన్నాయి. అయితే 2014 ఎన్నికల్లో బీజేపీ ఘనవిజయం తర్వాత ప్రతిపక్షాలు ఈవీఎంలకు వ్యతిరేకంగా బలంగా వాదనలు వినిపించడం మొదలైంది. అసెంబ్లీ ఎన్నికల్లో, సార్వత్రిక ఎన్నికల్లో ఓడిన పలు పార్టీలు ఈవీఎంలపై సందేహాలు వ్యక్తంచేస్తూనే ఉన్నాయి. అలాగే తాము గెలిచినప్పుడు ఒకలా, ఓడినప్పుడు మరోలా మాటలు మారుస్తూనే ఉన్నాయి.

ఎప్పటిలాగే ఎన్నికలు ముగియగానే ఈవీఎంలపై ఆరోపణలు..
2024 సార్వత్రిక ఎన్నికల షెడ్యూల్ విడుదలైనప్పటి నుంచి రాహుల్ గాంధీ ఈవీఎంలపైనా, ఎన్నికల కమిషన్‌పైనా ఆరోపణలు చేస్తున్నారు. ఈ ఎన్నికల ఫలితాల్లో నిజానికి కాంగ్రెస్ బాగా బలపడింది. 2014 తర్వాత తొలిసారి 99 స్థానాలను సొంతంగా సాధించింది. కాంగ్రెస్ ప్రధాన భాగంగా ఉన్న ఇండియా కూటమి విజయం సాధించలేనప్పటికీ.. ఊహించని దాని కన్నా బలపడింది. అయినప్పటికీ ఈవీఎంలపై విమర్శలు ప్రతిపక్షం తరుపు నుంచి ఆగలేదు. ఈవీఎంలను ప్రవేశపెట్టిన ఇన్నేళ్ల తర్వాత కూడా ఆ వ్యవస్థపై ఇంకా అనుమానాలు వ్యక్తం చేయడం తగదని సుప్రీంకోర్టు వ్యాఖ్యానించింది. అయినప్పటికీ ఎప్పటిలానే ఎన్నికలు ముగియగానే ఈవీఎంలపై విమర్శలు, విశ్లేషణలు, ఆరోపణలు మొదలయ్యాయి. ఈవీఎంలలో పోలైన ఓట్లకు, కౌంటింగ్ రోజు లెక్కించిన ఓట్లకు మధ్య అంతరం ఉందని కొన్ని వార్తా సంస్థలు కథనాలు రాశాయి. మొత్తం 542 నియోజకవర్గాల్లో 538 నియోజకవర్గాల్లో ఈ తేడాలున్నాయని తెలిపాయి.

ఈవీఎంలపై కొన్ని జాతీయ మీడియా సంస్థల్లో పరిశోధనాత్మక కథనాలు ప్రచురితమవవడం, ఆ తర్వాత మస్క్ వ్యాఖ్యలు చేయడం మరింత గందరగోళానికి తావిచ్చాయి. ఇది చాలదన్నట్టు ఈవీఎంలకు సంబంధించిన ఓ కేసులో మంగేశ్ పాండిల్కర్ అనే వ్యక్తిపై పోలీసులు కేసు నమోదు చేశారు. వాయువ్య ముంబై లోక్‌సభ స్థానంలో ఈ ఎన్నికల్లో శివసేన షిండే వర్గం అభ్యర్థి రవీంద్ర వైకర్ 48 ఓట్ల తేడాతో గెలిచారు. శివసేన ఉద్ధవ్ వర్గానికి చెందిన అమోల్ గజానన్‌ కీర్తికర్‌పై స్వల్ప మెజార్టీతో వైకర్ గెలిచిన దగ్గరి నుంచి.. ఆ పార్టీలో నేతలు ఈవీఎంలపై సందేహాలు వ్యక్తంచేయడం మొదలుపెట్టారు.

Advertisement

ఫోన్ ద్వారా ఈవీఎం ఓపెన్ చేశారని ఆరోపణలు..
నిజానికి మహారాష్ట్ర ఎన్నికల్లో శివసేన షిండే వర్గం కన్నా శివసేన ఉద్ధవ్ వర్గమే ఎక్కువ సీట్లు గెలుచుకుంది. అయినా వారు ఈవీఎంల విశ్వసనీయత, భద్రతపై అనుమానాలు వ్యక్తంచేస్తున్నారు. మంగేశ్ పాండిల్కర్ గోరేగావ్ కౌంటింగ్ కేంద్రంలో ఫోన్‌ను ఉపయోగించి ఓటీపీ జనరేట్ చేసి ఈవీఎంను తెరిచారన్నది శివసేన ఉద్ధవ్ వర్గం ఉపయోగం. ఈ ఫోన్‌ను ఎంపీ బంధువులు ఇంకా ఉపయోగిస్తున్నారని ఆరోపణలు చేస్తున్నారు ఉద్ధవ్ వర్గం నేతలు. కౌంటింగ్ కేంద్రంలో ఫోన్ ఉపయోగించారన్నదానిపై పోలీసులు కేసు నమోదు చేసి దర్యాప్తు చేస్తున్నారు.

అయితే ఫోన్ ద్వారా ఈవీఎంలు తెరిచే అవకాశమే ఉంటే.. రవీంద్ర వైకర్ 48 ఓట్ల మెజార్టీతో ఎందుకు ఆగిపోతారని, భారీ మెజార్టీ సాధించేలా ఈవీఎంలను హ్యాకింగ్ చేసి ఉండేవారు కదా అన్న సందేహాలు వ్యక్తమవుతున్నాయి. మరోవైపు ఈవీఎంను తెరిచేందుకు ఓటీపీని జనరేట్ చేశారన్న ఆరోపణలను ఎన్నికల సంఘం తోసిపుచ్చింది. డేటా ఎంట్రీకి తప్ప అసలు ఈవీఎంలను తెరిచేందుకు ఓటీపీ అవసరమే లేదని చెప్పింది. గోరేగావ్ కౌంటింగ్ కేంద్రంపై తప్పుడు కథనం ప్రచురించిన పత్రికకు పరువు నష్టం నోటీసు పంపామని తెలిపింది.

ఇంటర్నెట్ లేకుండా ఈవీఎం హ్యాకింగ్ అసాధ్యం..
మస్క్ ట్వీట్, మహారాష్ట్ర ఘటనపై కేంద్రం స్పందించింది. హ్యాకింగ్‌పై ఎలాంటి ఆధారాలు లేనప్పటికీ మస్క్ చాలా తేలిగ్గా ఆరోపణలు చేస్తున్నారని కేంద్ర ఎలక్ట్రానిక్స్ ఐటీ శాఖ మాజీ మంత్రి రాజీవ్ చంద్రశేఖర్ ఆరోపించారు. ఈవీఎంలకు ఇతర ఏ పరికరాలతో అనుసంధానం ఉండదని, విద్యుత్ సరఫరాతో పని లేకుండా బ్యాటరీ ఆధారంగా పని చేస్తాయని, కనెక్టివిటీ, బ్లూ టూత్, వైఫై, ఇంటర్నెట్ లేకుండా హ్యాకింగ్ అసాధ్యమని, వీటికి రీ ప్రోగ్రామింగ్ కూడా ఉండదని మాజీ మంత్రి తేల్చి చెప్పారు. పేపర్ బ్యాలెట్లతో పోలిస్తే ఇది విశ్వసనీయమైన ఓటింగ్ పద్ధతని స్పష్టం చేశారు. అవసరమైతే మస్క్‌కు శిక్షణ ఇచ్చేందుకు సిద్ధంగా ఉన్నామని తెలిపారు.

టెస్లా కార్లను కూడా హ్యాక్ చేయవచ్చని మస్క్ కు కౌంటర్..
సాధారణ కంప్యూటర్లు వాడి, ఇంటర్నెట్‌కు అనుసంధానించేలా తయారు చేసిన ఈవీఎంలను ఉపయోగించే అమెరికా, ఇతర దేశాలకు మస్క్ వ్యాఖ్యలను అన్వయించవచ్చు కానీ భారత్‌లో ఉపయోగించే ఈవీఎంలకు కాదని అన్నారు. రాజీవ్ చంద్రశేఖర్ వ్యాఖ్యల తర్వాత మస్క్ దేన్నయినా హ్యాక్ చేయవచ్చు అంటూ మరో ట్వీట్ చేశారు. అయితే టెస్లా కార్లను కూడా హ్యాక్ చేయవచ్చని ఎవరైనా చెప్పొచ్చంటూ రాజీవ్ చంద్రశేఖర్ కౌంటర్ వేశారు. కాలిక్యులేటర్, ఎలక్ట్రానిక్ టోస్టర్ వంటి వాటిని హ్యాక్ చేయలేమని రాజీవ్ చంద్రశేఖర్ తెలిపారు. మస్క్ వ్యాఖ్యలను సమర్థిస్తున్న రాహుల్ గాంధీకి మహారాష్ట్ర ముఖ్యమంత్రి ఏక్‌నాథ్ శిండే కౌంటర్ ఇచ్చారు. రాహుల్ గాంధీ రెండు లోక్‌సభ నియోజకవర్గాల్లో రాజీనామా చేస్తారా అని సవాల్ విసిరారు.

ఎలాన్ మస్క్ వ్యాఖ్యలను మరో కోణంలో చూడాలని అంతర్జాతీయ నిపుణులు అంటున్నారు. టెస్లా కార్లను భారత్‌లో అమ్మకాలకు వీలుగా దిగుమతి సుంకం తగ్గించాలని మస్క్ చేస్తున్న విజ్ఞప్తిని భారత్ పట్టించుకోవడం లేదని, అలాగే చైనాలో తయారుచేసి భారత్‌లో అమ్ముతామన్న ప్రతిపాదననూ తోసిపుచ్చిందని, భారత్‌లో తయారీ యూనిట్ పెట్టాల్సిందేనని మస్క్‌కు షరతు విధించిందని.. ప్రపంచాన్ని శాసిస్తున్నట్టుగా తనకు తాను భావించుకునే మస్క్.. భారత్ నిబంధనలపై ఆగ్రహంతో బీజేపీని ఇరుకున పెట్టేందుకు అదను చూసి ఈవీఎంలపై ఆరోపణలు చేశారని విశ్లేషిస్తున్నారు.

Advertisement

కాంగ్రెస్ సహా ఇతర పక్షాలు మస్క్ ఉచ్చులో పడరాదని సూచిస్తున్నారు. అలాగే ఈవీఎంలు హ్యాక్ చేయగలిగితే, బీజేపీపై చేసే ఆరోపణలు నిజమైతే… 370 స్థానాలు సాధించాలన్న లక్ష్యాన్ని ఎందుకు సాధించలేకపోయిందని ప్రశ్నిస్తున్నారు. అయితే మరోవైపు ఎన్నికల ప్రక్రియ కోసం 60లక్షల ఈవీఎంలను దిగుమతి చేసుకున్నారని, వాటిలో 40లక్షలే ఉపయోగించారని, మిగిలిన 20లక్షల ఈవీఎంలు ఏమయ్యాయని కొన్ని పార్టీలు, కొందరు నేతలు ప్రశ్నిస్తున్నారు. అయితే కేంద్రం కానీ, ఈసీగానీ దీనిపై స్పందించడం లేదు. మొత్తంగా గతంతో పోలిస్తే ఈ ఎన్నికల తర్వాత దేశవ్యాప్తంగా ఈవీఎంలపై రచ్చ ఎక్కువగా ఉందనేది నిజం.

Continue Reading

Technology

Google Magic Editor : గూగుల్ మ్యాజిక్ ఎడిటర్ ఫీచర్ ఇదిగో.. ఇకపై అన్ని ఆండ్రాయిడ్ ఫోన్లలోకి..!

Published

on

Google Magic Editor : గూగుల్ మ్యాజిక్ ఎడిటర్ ఫీచర్‌ను పిక్సెల్ ఫోన్‌లకు మించి శాంసంగ్ ఫోన్లతో సహా ఇతర ఆండ్రాయిడ్ స్మార్ట్‌ఫోన్‌లకు విస్తరిస్తోంది. గూగుల్ ప్రారంభంలో అక్టోబర్ 2023లో పిక్సెల్ 8 సిరీస్‌తో మ్యాజిక్ ఎడిటర్ గతంలో పిక్సెల్ ఫోన్‌లకు మాత్రమే ప్రత్యేకమైనది. ఈ డివైజ్‌లలో గూగుల్ ఉచితంగా ఫీచర్‌ను అందిస్తోంది. పిక్సెల్ యూజర్లకు ఈ అప్‌డేట్ ప్రత్యేకంగా అందిస్తోంది. అయితే, ఇతర ఆండ్రాయిడ్ ఫోన్లకు ఎడిటింగ్ చేసే ఫొటోలకు పరిమితి ఉంది.

నివేదిక ప్రకారం.. మ్యాజిక్ ఎడిటర్ ఫీచర్ లేటెస్ట్ వెర్షన్ 6.85కి అప్‌డేట్ అయిన తర్వాత పిక్సెల్, శాంసంగ్ ఫోన్ యూజర్లకు అందుబాటులో ఉంటుంది. శాంసంగ్ లేదా ఇతర తయారీదారుల ఫోన్‌లలో మ్యాజిక్ ఎడిటర్ ఉపయోగించాల్సి ఉంటుంది. గూగుల్ వన్ ప్రీమియం ప్లాన్‌కు సభ్యత్వం పొందకపోతే నెలకు 10 ఎడిట్‌‌తో పాటు సేవ్ లిమిట్ పొందవచ్చు. అన్‌లిమిటెడ్ ఎడిటింగ్ కోసం వినియోగదారులు గూగుల్ వన్ ప్రీమియం (2టీబీ)కి నెలకు 9.99 డాలర్ల సభ్యత్వాన్ని పొందవచ్చు. అయినప్పటికీ, పిక్సెల్ యూజర్లు సభ్యత్వం లేకుండా అన్‌లిమిటెడ్ ఎడిట్ ఆప్షన్ పొందుతారు.

మ్యాజిక్ ఎడిటర్ అంటే ఏంటి? ఎలా ఉపయోగించాలి? :
మీ ఫొటోలలో మ్యాజిక్ ఎడిటర్ వివిధ ఎడిటింగ్ ఆప్షన్లను నిర్వహించేందుకు అనుమతిస్తుంది. మీ ఫొటోలలోని వస్తువులను నొక్కడం ద్వారా వాటి సైజును మార్చవచ్చు. రీపోజిషన్ చేయవచ్చు. ఆపై వాటిని మార్చడం లేదా సైజు మార్చవచ్చు. మీ ఫొటోలను అవసరమైన విధంగా ఎడిట్ చేయొచ్చు. మీ ఫొటోల లైటింగ్ బ్యాక్‌గ్రౌండ్ మెరుగుపర్చేందుకు సూచనలను కూడా పొందవచ్చు. ఉదాహరణకు.. మీ ఫొటోలకు యాష్ కలర్ యాడ్ చేయొచ్చు. ఎడిట్ చేసిన తర్వాత మ్యాజిక్ ఎడిటర్ ఎంచుకోవడానికి మల్టీ రిజల్ట్స్ ఆప్షన్లను కూడా అందిస్తుంది.

మేజిక్ ఎడిటర్ ఎలా ఉపయోగించాలి :
మ్యాజిక్ ఎడిటర్‌ ఉపయోగించేందుకు గూగుల్ ఫొటోలతో ఎడిట్ చేసే ఫొటోను ఎంచుకోండి. మ్యాజిక్ ఎడిటర్ ఆప్షన్‌పై నొక్కండి. ఆపై మీరు ఉపయోగించాలనుకుంటున్న ఎడిటింగ్ టూల్ ఎంచుకోండి. మీరు ఎడిట్ చేయాలనుకుంటున్న ఆబ్జెక్ట్‌ను నొక్కండి లేదా సర్కిల్ చేయండి. ఆపై రీపోజిషన్ చేసేందుకు లాగండి. కొన్ని ట్యాప్‌లతో లైటింగ్, బ్యాక్‌గ్రౌండ్ మార్పులకు సూచనలను కూడా అప్లయ్ చేయొచ్చు.

Continue Reading

Technology

Whatsapp Calling Features : వాట్పాప్ యూజర్లకు పండుగే.. 3 మేజర్ కాలింగ్ ఫీచర్లు.. 32 మందితో వీడియో కాల్స్, ఆడియోతో స్ర్కీన్ సేరింగ్..!

Published

on

Whatsapp Calling Features : వాట్సాప్ యూజర్లకు గుడ్ న్యూస్.. ప్రముఖ మెసేజింగ్ యాప్ వాట్సాప్ తమ వినియోగదారుల కోసం సరికొత్త కాలింగ్ ఫీచర్లను ప్రవేశపెట్టింది. గతంలో వాట్సాప్ అనేక కాలింగ్ ఫీచర్లను తీసుకొచ్చింది. కానీ, ఇప్పుడు ఏకంగా 3 మేజర్ కాలింగ్ ఫీచర్లను అందుబాటులోకి తెచ్చింది.

గత 2015లో వాట్సాప్ కాలింగ్‌ను ప్రవేశపెట్టినప్పటి నుంచి యూజర్ కమ్యూనికేట్ చేయడం అనేది గేమ్-ఛేంజర్‌గా మారింది. ఏళ్లతరబడి గ్రూప్ కాల్‌లు, వీడియో కాల్స్, మల్టీ ప్లాట్‌ఫారమ్‌లలో సపోర్టుతో డెవలప్ చేసింది. ఇప్పుడు, వాట్సాప్ మీ అన్ని డివైజ్‌ల్లో కాలింగ్‌ను మరింత ఆకర్షణీయంగా ఉండేలా సరికొత్త అప్‌డేట్స్ విడుదల చేస్తోంది.

ఆడియోతో స్క్రీన్ షేరింగ్ :
వాట్సాప్‌లో కాలింగ్ సమయంలో ఆడియోతో స్క్రీన్ షేరింగ్ అనేది అద్భుతమైన కొత్త ఫీచర్లలో ఒకటి.. మీరు ఆడియోతో పాటు వీడియోను చూడాలనుకున్నప్పుడు లేదా కాల్ చేస్తున్నప్పుడు మీ స్క్రీన్‌పై ఏదైనా షేరింగ్ చేయాలనుకుంటే ఇదే సరైన ఆప్షన్. ఇంతకుముందు మీ స్క్రీన్‌ను ఇతరులతో షేర్ చేయవచ్చు. కానీ, ఇప్పుడు మీ స్నేహితులు, కుటుంబ సభ్యులు కూడా ఆడియోను వినవచ్చు. తద్వారా గ్రూపు కాల్స్‌ను మరింత ఇంటరాక్టివ్‌గా మార్చవచ్చు.

32మందితో వీడియో కాల్స్‌ :
వాట్సాప్ వీడియో కాల్స్ గణనీయమైన అప్‌గ్రేడ్స్ అందుకుంటుంది. మీరు వీడియో కాల్‌లో పాల్గొనే వారి సంఖ్యను వాట్సాప్ 32కి విస్తరిస్తోంది. అంటే.. మీరు ఇప్పుడు డెస్క్‌టాప్ లేదా మొబైల్ ఫోన్‌తో సంబంధం లేకుండా ఒకే కాల్‌లో ఎక్కువ మంది స్నేహితులు, కుటుంబ సభ్యులు లేదా సహోద్యోగులను చేర్చుకోవచ్చు. వర్చువల్ మీటింగ్స్, మీటింగ్ లేదా ఆన్‌లైన్ క్లాసులకు కూడా అద్భుతమైన ఫీచర్ అని చెప్పవచ్చు.

స్పీకర్ స్పాట్‌లైట్ :
గ్రూపు కాల్ సమయంలో ఎవరు మాట్లాడుతున్నారో ట్రాక్ చేయొచ్చు. కానీ, ఇకపై కాదు. కొత్త స్పీకర్ స్పాట్‌లైట్ ఫీచర్‌తో మాట్లాడుతున్న వ్యక్తి ఆటోమేటిక్‌గా హైలైట్ అవుతారు. మీ స్క్రీన్‌పై మొదట కనిపిస్తాడు. తద్వారా కాన్వర్జేషన్ మరింత సులభంగా ఉంటుంది.

Advertisement

మెరుగైన ఆడియో, వీడియో క్వాలిటీ ఫీచర్లు :
వాట్సాప్ ఎల్లప్పుడూ హైక్వాలిటీ కాల్స్‌కు ప్రాధాన్యతనిస్తుంది. (MLow codec) కాల్ ఫీచర్ ఇటీవలే ప్రవేశపెట్టింది. మొబైల్ యూజర్లు మెరుగైన నాయిస్, ఎకో క్యాన్సిలేషన్ పొందవచ్చు. అంటే.. మీ కాల్స్ ధ్వని ఎక్కువగా ఉండే వాతావరణంలో కూడా స్పష్టంగా వినిపిస్తాయి.

అంతేకాదు.. వేగవంతమైన ఇంటర్నెట్ కనెక్షన్‌ ఉంటే.. వీడియో కాల్స్ హై రిజల్యూషన్ కూడా పొందవచ్చు. మీరు పాత ఫోన్ ఉన్నప్పటికీ లేదా తక్కువ నెట్‌వర్క్ కనెక్టివిటీని కలిగి ఉన్నప్పటికీ మొత్తం ఆడియో క్వాలటీ చాలా స్పష్టంగా ఉంటుంది. వాట్సాప్ కాలింగ్ ఫీచర్లను నిరంతరం అప్‌గ్రేడ్ చేస్తుంటుంది.

మీ ఇంటి నుంచి ప్రైవేట్ కాల్ చేస్తున్నా లేదా ప్రపంచంలోని వివిధ ప్రాంతాల నుంచి స్నేహితులతో చాట్ చేస్తున్నా వాట్సాప్ బెస్ట్ కాలింగ్ ఎక్స్‌పీరియన్స్ అందించడమే లక్ష్యంగా పెట్టుకుంది. వాట్సాప్ లేటెస్ట్ అప్‌డేట్‌లు, కాలింగ్ ఫీచర్‌లపై మరిన్ని అప్‌గ్రేడ్స్ అందిస్తోంది. ఇతరులతో కనెక్ట్ అవ్వడం చాలా సులభం. ఆడియోతో స్క్రీన్ షేరింగ్ నుంచి వీడియో కాల్‌లలో ఎక్కువ మంది పాల్గొనేవారి వరకు మెరుగైన ఆడియో క్వాలిటీతో పాటు మీరు ఎక్కడ ఉన్నా బెస్ట్ క్వాలిటీ కాల్స్ చేసుకోవచ్చు.

Continue Reading
National5 hours ago

‘నీట్​ నిర్వహణలో 0.001శాతం నిర్లక్ష్యం ఉన్నా పూర్తిగా పరిష్కరించాలి’- NTA, కేంద్రంతో సుప్రీం

National5 hours ago

భారీ వర్షాలతో చిక్కుకుపోయిన పర్యటకులు- సిక్కింలో BRO రెస్క్యూ ఆపరేషన్​ స్టార్ట్​

Technology13 hours ago

టార్గెట్ బీజేపీ? ఈవీఎంలపై ఎలాన్ మస్క్ సంచలన ఆరోపణల వెనుక అనేక అనుమానాలు

Spiritual13 hours ago

యువతలో విపరీతంగా పెరిగిన భక్తి భావం, ఆధ్యాత్మిక క్షేత్రాల సందర్శన.. ఈ మార్పునకు కారణం అదేనా?

Andhrapradesh13 hours ago

AP Inter Supply Results 2024: నేడే ఇంటర్‌ సెకండ్‌ ఇయర్‌ సప్లిమెంటరీ ఫలితాలు.. రిజల్ట్స్‌ డైరెక్ట్‌ లింక్‌ ఇదే!

Telangana13 hours ago

TG PGECET 2024 Results Today: నేడే తెలంగాణ పీజీఈసెట్‌ ఫలితాలు విడుదల.. రిజల్ట్స్‌ డైరెక్ట్‌ లింక్‌ ఇదే

Cricket13 hours ago

T20 World Cup 2024: 4 ఓవర్లు.. 4 మెయిడిన్లు.. 3 వికెట్లు.. ప్రపంచకప్‌లో పెను సంచలనం.. బంతులు కావవి బుల్లెట్లు

Agriculture13 hours ago

PM Kisan: నేడు రైతుల ఖాతాల్లోకి పీఎం కిసాన్‌ డబ్బులు..స్టేటస్‌ చెక్‌ చేసుకోవడం ఎలా?

Andhrapradesh1 day ago

ఈ నెల 24 నుండి అసెంబ్లీ సమావేశాలు

National1 day ago

5రోజుల్లో లక్ష మందిని కలిసిన ముఖ్యమంత్రి- జెట్​ స్పీడ్​లో కొత్త సీఎం

Andhrapradesh1 day ago

AP Pension Hike : జులై 1 నుంచి పెంచిన పెన్షన్లు అమలు, జీవోలో లేని 50 ఏళ్లకే పెన్షన్ అంశం

National1 day ago

Bengal Train Accident: బెంగాల్ రైలు ప్రమాదానికి కారణం అదే.. చిన్న తప్పిదంతో ఘోరం!

Andhrapradesh1 day ago

సీనియర్ సిటిజన్లకు మంచి వార్త… తిరుమల

National1 day ago

Kanchanjungha Express: బెంగాల్‌లో ఘోర రైలు ప్రమాదంలో భారీగా పెరుగుతున్న మృతులు.. కాంచనజంగా‌ ఎక్స్‌ప్రెస్‌ను ఢీకొన్న గూడ్స్

Political1 day ago

కిరణ్ కుమార్ రెడ్డికి రాజయోగం …ఓకే అన్న చంద్రబాబు

Railways1 day ago

పశ్చిమ బెంగాల్లో రైలు ప్రమాదం …కారణం ఇదే

News1 day ago

ఈపీఎఫ్ఓ …పెనాల్టీ తగ్గింపు

National2 days ago

ఎనిమిదో వింతగా ప్రపంచంలోనే ఎత్తైన రైల్వే బ్రిడ్జి- త్వరలోనే ట్రైన్​ పరుగులు! – Chenab Railway Bridge

National2 days ago

Petrol Prices Hike : వాహనదారులకు భారీ షాక్.. రూ. 3 పెరిగిన పెట్రోల్, డీజిల్ ధరలు!

Cricket2 days ago

IND vs SA: సఫారీలపై సెంచరీతో చెలరేగిన స్మృతి మంధాన.. దెబ్బకు రికార్డులు బద్దలు కొట్టిందిగా!

Cricket2 days ago

IND vs SA: అదరగొట్టిన అమ్మాయిలు.. సఫారీలను చిత్తు చేసిన టీమిండియా.. ఏకంగా 143 రన్స్ తేడాతో..

Andhrapradesh2 days ago

Anna Canteens: అన్న క్యాంటిన్ల ప్రారంభానికి ఏపీ ప్రభుత్వం వేగంగా అడుగులు.. సమీక్షించిన మంత్రి నారాయణ

International3 days ago

20 ఏళ్లుగా భారతదేశంలో నివసిస్తున్న ఫ్రెంచి వ్యక్తి…. భారత్ పై అతని అభిప్రాయం

Cricket3 days ago

టీ20 వరల్డ్ కప్ సూపర్-8లో టీమిండియా ఏఏ జట్లతో ఎప్పుడు తలపడుతుందో తెలుసా..

Technology3 days ago

Google Magic Editor : గూగుల్ మ్యాజిక్ ఎడిటర్ ఫీచర్ ఇదిగో.. ఇకపై అన్ని ఆండ్రాయిడ్ ఫోన్లలోకి..!

Andhrapradesh3 days ago

ఖరారు కానున్న ఏపీ స్పీకర్ పదవి…

Andhrapradesh3 days ago

Anna Canteens: ఈసారి అన్నా క్యాంటీన్లలో రేట్లు ఇవే..!

Hyderabad3 days ago

ఏపీలో చంద్రబాబు వస్తే హైదరాబాదుకు వచ్చిన నష్టం ఏమీ లేదు… పొంగులేటి

National4 days ago

కేరళకు కువైట్ అగ్నిప్రమాద బాధితుల మృతదేహాలు- సీఎం పినరయి నివాళులు – Kuwait Fire Tragedy

National4 days ago

జులై 22న కేంద్ర బడ్జెట్‌ – జులై 3న ఆర్థిక సర్వే! – Union Budget 2024

Business3 weeks ago

Jio.. వినియోగదారులకు ముఖేష్ అంబానీ బంపర్ ఆఫర్…. 299 రూపాయలకే సంవత్సరం అంతా…

Career3 weeks ago

విద్యార్థులకు గుడ్ న్యూస్: భారత ప్రభుత్వం అందిస్తోన్న సాఫ్ట్‌వేర్ కోర్సులు..అప్లయ్ చేసుకోండి..!

Business3 weeks ago

ఈనెలలో వడ్డీ రేట్లు పెంచిన బ్యాంకులివే.. 9.10 శాతం ఆఫర్.. రూ.1 లక్షకు ఎంతొస్తుంది

News3 weeks ago

జూన్ 1 నుండి కొత్త ట్రాఫిక్ నిబంధనలు

National2 months ago

IRCTC Tatkal Ticket ఇలా చేస్తే.. ట్రైన్ తత్కాల్ టికెట్ వెంటనే బుక్ అయిపోతుందని తెలుసా.. మీరూ ఓసారి ట్రై చేసి చూడండి..

Business3 weeks ago

ఉద్యోగులకు TCS కొత్త రూల్! ఉద్యోగులు అలా చేస్తే జీతంలో కోతలు

Crime News1 week ago

జమ్మూ కాశ్మీర్లో దాడి చేసింది మేమే …TRF ప్రకటన

National3 weeks ago

అయోధ్యలోనూ తిరుమల తరహాలో.. గుడ్‌న్యూస్ చెప్పిన దినేశ్‌ రామచంద్ర

Education1 week ago

వ‌చ్చే వారం నుంచి పాఠ‌శాల‌ల పునఃప్రారంభం.. త‌ల్లిదండ్రుల ఆందోళ‌న ఇందుకేనా!

Andhrapradesh1 week ago

SCHOOL HOLIDAYS: స్కూలు సెలవులు పొడగింపు.. పున:ప్రారంభం తేదీ మార్పు?

National1 week ago

ప్రధానిగా బాధ్యతలు స్వీకరించిన నరేంద్ర మోడీ తొలి సంతకం ఈ ఫైలు పైనే

National1 week ago

Toll Plaza: ఇక ఫాస్టాగ్స్‌కు గుడ్‌బై.. టోల్‌ ప్లాజాల వద్ద కొత్త టెక్నాలజీ.. కేంద్రం కీలక నిర్ణయం!

Andhrapradesh1 week ago

పవన్ కొత్త బాధ్యతలు ఖరారు చేసిన చంద్రబాబు – ఏరి కోరి..!!

National1 week ago

నరేంద్ర మోడీ మంత్రి వర్గం ….వారి శాఖలు

Andhrapradesh1 week ago

250 ప్రోక్లైన్లతో చెట్లు తొలగింపు… అమరావతి ప్రక్షాళన

Andhrapradesh1 week ago

ఏపీలో మహిళలకు ఉచిత బస్సు అమలు – బిగ్ అప్డేట్..!!

Spiritual3 weeks ago

చార్ ధామ్ యాత్ర‌కు పొటెత్తిన భక్తులు.. గ‌త ఏడాదికంటే ఎక్కువే!

Telangana3 weeks ago

Telangana: విద్యార్థులకు గమనిక.. మారిన ప్రభుత్వ పాఠశాలల టైమింగ్స్

Spiritual1 week ago

Tirumala : వెంకటేశా.. ఇంత సమయమా?

Spiritual1 week ago

Tirumala : గోవిందనామంతో హోరెత్తుతున్న తిరుమల గిరులు

Andhrapradesh3 weeks ago

అట్టహాసంగా ప్రారంభమైన పోలేరమ్మ జాతర – పోటెత్తిన భక్తులు – Poleramma Jatara

Business3 weeks ago

ఈ నైపుణ్యాలున్న సాఫ్ట్‌వేర్ ఇంజినీర్లకు ఫుల్ డిమాండ్.. కోట్ల రూపాయల శాలరీ

Andhrapradesh7 days ago

ఆంధ్రప్రదేశ్లో కాబోయే మంత్రులు వీరే…

Andhrapradesh2 weeks ago

వైసీపీ ఎంపీల బీజేపీ బాట – చంద్రబాబు ఫార్ములా..!!

National3 weeks ago

ఒకే కుటుంబంలో 165మంది- ఓట్ల కోసం ఫ్యామిలీ చుట్టూ నేతలు! అందరూ చర్చించే ఓటేస్తారట! – Voters In One Family In Bihar

News1 month ago

డబ్బుతో ఎర… ఉద్యోగి ససేమిరా…

Life Style1 month ago

Drink for Lungs: ఊపిరితిత్తులు శుభ్రపడాలంటే ఈ చిన్న చిట్కా పాటించండి చాలు, ఏ మందులూ అవసరం లేదు

National3 weeks ago

బహిరంగ సభలో తన తలపై తానే నీళ్లు పోసుకున్న రాహుల్ గాంధీ

National3 weeks ago

Cyclone Remal: తీరం దాటిన తీవ్ర తుఫాన్.. ఆ ప్రాంతాలన్నీ అల్లకల్లోలం.. బలమైన ఈదురుగాలులు.!

Andhrapradesh3 weeks ago

AP EAPCET 2024 Result Date: జూన్‌ మొదటి వారంలో ఏపీ ఈఏపీసెట్‌ ఫలితాలు.. కౌన్సెలింగ్‌ షెడ్యూల్‌ విడుదల ఎప్పుడంటే

Trending