NBK 109: బాలయ్య ఫ్యాన్స్ కు పూనకాలే.. పాన్ ఇండియా రేంజ్ లో NBK 109, అదిరిపొయే అప్డేట్ ఇదిగో!

చిరంజీవి ‘వాల్తేరు వీరయ్య’ ఘన విజయం తర్వాత దర్శకుడు బాబీ కొల్లి (కేఎస్ రవీంద్ర) మరో సీనియర్ హీరో నందమూరి బాలకృష్ణతో కలిసి ‘ఎన్బీకే 109’ పేరుతో ఓ కొత్త చిత్రాన్ని తెరకెక్కిస్తున్న సంగతి తెలిసిందే. రీసెంట్ గా ఈ సినిమాకి సంబంధించిన థ్రిల్లింగ్ గ్లింప్స్ అభిమానులకు ట్రీట్ ఇవ్వడంతో మరింత ఆసక్తి పెరిగింది.

చిరంజీవి ‘వాల్తేరు వీరయ్య’ ఘన విజయం తర్వాత దర్శకుడు బాబీ కొల్లి (కేఎస్ రవీంద్ర) మరో సీనియర్ హీరో నందమూరి బాలకృష్ణతో కలిసి ‘ఎన్బీకే 109’ పేరుతో ఓ కొత్త చిత్రాన్ని తెరకెక్కిస్తున్న సంగతి తెలిసిందే. రీసెంట్ గా ఈ సినిమాకి సంబంధించిన థ్రిల్లింగ్ గ్లింప్స్ అభిమానులకు ట్రీట్ ఇవ్వడంతో మరింత ఆసక్తి పెరిగింది. ప్రముఖ నటి ఊర్వశి రౌతేలా తన ఇన్స్టాగ్రామ్ స్టోరీలో ఎన్బీకే 109ను పాన్ ఇండియా సినిమాగా పేర్కొన్నారు. ఈ విషయం పలువురిని.. ముఖ్యంగా బాలకృష్ణ అభిమానులను ఆశ్చర్యానికి గురిచేసింది.

పాన్ ఇండియా స్టేటస్ గురించి అధికారిక ధృవీకరణ లేనప్పటికీ, ఊర్వశి ప్రకటన అనేక రూమర్స్ కు దారితీసింది. ఇదే నిజమైతే బాలకృష్ణ, బాబీ కొల్లి ఇద్దరికీ తొలి పాన్ ఇండియా సినిమాగా ఈ ప్రాజెక్ట్ మైలురాయిగా నిలుస్తుంది. ఈ వివరాలను ధృవీకరించడానికి నిర్మాణ బృందం నుండి అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు. బాలకృష్ణ, ఊర్వశి రౌతేలాతో పాటు బాబీ డియోల్, చాందిని చౌదరి తదితరులు కీలక పాత్రల్లో నటిస్తున్న చిత్రం ‘ఎన్బీకే 109’. సితార ఎంటర్ టైన్ మెంట్స్ పతాకంపై నాగవంశీ, ఫార్చ్యూన్ ఫోర్ సినిమా పతాకంపై సాయి సౌజన్య నిర్మిస్తున్న ఈ చిత్రానికి టాలెంటెడ్ థమన్ సంగీతం అందిస్తున్నారు.
నందమూరి నటసింహం బాలయ్యకు మాస్ ప్రేక్షకుల్లో భారీ ఫాలోయింగ్ ఉంది. అందుకే సక్సెస్, ఫెయిల్యూర్స్ తో సంబంధం లేకుండా బాక్సాఫీస్ వద్ద కలెక్షన్ల వర్షం కురిపిస్తుంటాయి. అయితే ఇప్పటి వరకు బాలయ్య కేవలం టాలీవుడ్ కే పరిమితమయ్యారు. ఆయనకు సరైన కథ పడాలే కానీ.. పాన్ ఇండియా రేంజ్ లో హిట్ కొట్టడం ఖాయం. ఈ నేపథ్యంలో ఎన్బీకే 109 సినిమా పాన్ ఇండియా గా తెరకెక్కితే బాలయ్యకు ఇదే తొలి పాన్ మూవీగా చరిత్ర క్రియేట్ చేయడం ఖాయం.