National Creators Award: మొట్టమొదటి నేషనల్ క్రియేటర్స్ అవార్డ్స్ ను ప్రదానం చేసిన ప్రధాని మోదీ; ఏమిటీ అవార్డ్స్?

National Creators Award: మొట్టమొదటి నేషనల్ క్రియేటర్స్ అవార్డ్స్ ను ప్రధాని మోదీ శుక్రవారం ఢిల్లీలోని భారత్ మందిర్ వేదికగా వివిధ సృజనాత్మక విభాగాల్లో విజయం సాధించిన వారికి ప్రదానం చేశారు. స్టోరీ టెల్లింగ్, ఫిట్ నెస్, ఎడ్యుకేషన్, గేమింగ్ వంటి రంగాల్లోని సృజనాత్మక విజేతలను ఈ అవార్డ్ లకు ఎంపిక చేశారు.
శుక్రవారం ఢిల్లీలోని భారత్ మండపంలో ప్రధాని నరేంద్ర మోదీ ‘నేషనల్ క్రియేటర్స్ అవార్డు’లను ప్రదానం చేశారు. స్టోరీ టెల్లింగ్, ఎన్విరాన్మెంటల్ సస్టెయినబిలిటీ, ఎడ్యుకేషన్, ఫిట్ నెస్, గేమింగ్, ఎంటర్టైన్మెంట్.. వంటి వివిధ రంగాల్లోని సృజనాత్మకతను, ప్రతిభను గౌరవించడమే ఈ అవార్డులను ప్రకటించడం వెనుక ప్రధాన లక్ష్యం.

20 కేటగిరీలు..
ఉత్తమ కథకుడు, డిస్ట్రప్టర్ ఆఫ్ ది ఇయర్, సెలబ్రిటీ క్రియేటర్ ఆఫ్ ది ఇయర్, గ్రీన్ ఛాంపియన్, బెస్ట్ క్రియేటర్ ఫర్ సోషల్ ఛేంజ్, మోస్ట్ ఇంపాక్టివ్ అగ్రి క్రియేటర్, కల్చరల్ అంబాసిడర్ ఆఫ్ ది ఇయర్, ఇంటర్నేషనల్ క్రియేటర్ సహా ఇరవై కేటగిరీలను ఈ అవార్డులో చేర్చారు. భారతీయ శాస్త్రీయ సంగీతం, జానపద సంగీతంలో శిక్షణ పొందిన నేపథ్య గాయని మైథిలి ఠాకూర్ ను ‘కల్చరల్ అంబాసిడర్ ఆఫ్ ది ఇయర్’ విజేతగా ప్రకటించారు.

1.5 లక్షల నామినేషన్లు
ఈ అవార్డులకు 20 కేటగిరీల్లో 1,50,000కు పైగా నామినేషన్లు వచ్చాయి. ఈ అవార్డు కేటగిరీల్లో డిజిటల్ క్రియేటర్లకు ఓటింగ్ దశలో సుమారు 1 మిలియన్ ఓట్లు పోలయ్యాయి. చివరకు, ముగ్గురు ఇంటర్నేషనల్ క్రియేటర్స్ సహా 23 మంది విజేతలను ఎంపిక చేశారు.

విజేతల జాబితా
నిశ్చాయ్ – గేమింగ్ కేటగిరీలో ఉత్తమ సృష్టికర్త

అంకిత్ బయాన్ పురియా – ఉత్తమ హెల్త్ అండ్ ఫిట్ నెస్ క్రియేటర్