Lok Sabha Elections : ఎన్​డీఏ వర్సెస్​ ఇండియా.. ఎన్నికల సమరానికి సర్వం సిద్ధం!

Lok Sabha Elections 2024 : 2024 లోక్​సభ ఎన్నికల సమరానికి సమయం ఆసన్నమైంది. హ్యాట్రిక్​ కొట్టాలని బీజేపీ భావిస్తుండగా.. మోదీ ప్రభుత్వాన్ని గద్దెదించాలని ఇండియా కూటమి ప్రణాళికలు రచిస్తోంది. మరి ఓటరు ఓటు ఎవరికి?

పోలింగ్​ టైమింగ్స్​ ఇవే..
Fri, 19 Apr 2024 ఉదయం 7 గంటలకు మొదలయ్యే లోక్​సభ ఎన్నికల తొలి దశ పోలింగ్​.. సాయంత్రం 6 గంటలకు పూర్తవుతుంది.

టార్గెట్​ 400..
2019 ఎన్నికల్లో బీజేపీ 303 స్థానాల్లో గెలిచింది. ఈసారి 370 సీట్లు సంపాదించాలని చూస్తోంది. మొత్తం మీద.. 543 సీట్లల్లో 400 కన్నా ఎక్కువ స్థానాల్లో గెలవాలని టార్గెట్​గా పెట్టుకుంది.

ఈవీఎం మాక్​ టెస్ట్​..
లోక్​సభ ఎన్నికల తొలి దశ పోలింగ్​లో భాగంగా.. ప్రస్తుతం వివిధ పోలింగ్​ స్టేషన్స్​లో ఈవీఎం మాక్​ టెస్ట్​లు జరుగుతున్నాయి. ఉదయం 7 గంటలకు పోలింగ్​ ప్రక్రియ మొదలువుతుంది.

1.87లక్షల పోలింగ్​ కేంద్రాల్లో..
తొలి దశ పోలింగ్​లో భాగంగా.. 1,87,000 పోలింగ్​ కేంద్రాల్లో.. 166 మిలియన్​ మంది ఓటర్లు.. నేడు తమ ఓటు హక్కును వినియోగించుకోనున్నారు.

నేడు పోలింగ్​ జరగనున్న ప్రాంతాలు..
తొలి దశ పోలింగ్​లో భాగంగా.. తమిళనాడు (39), రాజస్థాన్​ (12), ఉత్తర్​ప్రదేశ్​ (8), మధ్యప్రదేశ్​ (6), ఉత్తరాఖండ్​ (5), అరుణాచల్​ప్రదేశ్​ (2), మేఘాలయ (2), అండమాన్​ అండ్​ నికోబార్​ (1), మిజోరం (1), నాగాలాండ్​ (1), పుదుచ్చెరి (1), సిక్కిం (1), లక్షద్వీప్​ (1), అసోం (5), మహారాష్ట్ర (5), బిహార్​ (4), మణిపూర్​ (2), పశ్చిమ్​ బెంగాల్​ (3), త్రిపుర- జమ్ముకశ్మీర్​- ఛత్తీస్​గఢ్​లో ఒక్కో సీటుకు పోలింగ్​ జరగనుంది.

ఈ రాష్ట్రాల్లో అసెంబ్లీ ఎన్నికలు కూడా..
లోక్​సభ ఎన్నికలతో పాటు అరుణాచల్​ ప్రదేశ్​, సిక్కింలో.. నేడు అసెంబ్లీ ఎన్నికలు జరగనున్నాయి. అరుణాచల్​ప్రదేశ్​లో 60, సిక్కింలో 32 అసెంబ్లీ సీట్లున్నాయి.

లోక్​సభ ఎన్నికలు 2024..
యావత్​ ప్రపంచం ఆసక్తిగా ఎదురుచూస్తున్న సమరానికి ఆసన్నమైంది. ఇంకొన్ని గంటల్లో.. 2024 లోక్​సభ ఎన్నికల తొలి దశ పోలింగ్​ ప్రారంభంకానుంది. హ్యాట్రిక్​ విజయంతో తిరిగి అధికారంలోకి రావాలని ప్రధాని మోదీ నేతృత్వంలోని ఎన్​డీఏ తీవ్రంగా కృషిచేస్తోంది. మోదీ ప్రభుత్వాన్ని గద్దె దించడమే లక్ష్యంగా ఇండియా కూటమి పావులు కదుపుతోంది. మొత్తం 7 దశల పోలింగ్​ ప్రక్రియ శుక్రవారం ఆరంభమవుతుంది. జూన్​ 4న ఫలితాలు వెలువడనున్నాయి.