యూపీపీఎస్సీ ఫలితాలను విడుదల చేసింది కేంద్రం. ఇక పూర్తి వివరాల లోకి వెళితే.. ఏప్రిల్ 16 , 2024 యూనియన్ పబ్లిక్ సర్వీస్ కమిషన్ యూపీఎస్సీ ఫైనల్ రిజల్ట్ 2023 ని అనౌన్స్ చేసింది.

అలానే యూపీఎస్సీ టాపర్ లిస్ట్ 2024 ని కూడా విడుదల చేసింది ఆదిత్య శ్రీవత్సవ కి ఆల్ ఇండియా ఫస్ట్ ర్యాంక్ వచ్చింది.

యుపిఎస్సి సిఎస్సి ఫలితాల్లో ఆదిత్య శ్రీవత్సవ ఫస్ట్ ర్యాంక్ ని సాధించగా అనిమేష్ ప్రధాన్, దోనూరు అనన్య రెడ్డి రెండవ మరియు మూడవ స్థానాలని దక్కించుకున్నారు. 1016 మందిని యూపీఎస్సీ ఎంపిక చేసింది. యూపీఎస్సీ అఫీషియల్ వెబ్సైట్లో ఫలితాలని చెక్ చేసుకోవచ్చు.

సాధారణంగా ఎవరైనా ఒక నాలుగైదు దేశాల రాజధానుల పేర్లు, వాటి కరెన్సీని సులభంగానే గుర్తు పెట్టుకుంటారు. మహా అయితే మనం నిత్యం వినియోగించే పది అంకెల ఫోన్ నెంబర్లను కూడా గుర్తుపెట్టుకుంటాం. ఓ 20 దేశాల పేర్లు వాటి రాజధానులు, ఆయా దేశాల కరెన్సీని గుర్తు పెట్టుకోవాలంటే కాస్త కష్టమే..! కానీ ఏడేళ్ల బుడతడు మాత్రం వంద దేశాలు, వాటి రాజధానుల పేర్లను మాత్రం అవలీలగా చెప్పేస్తున్నాడు. ఈ బుడతడు పిట్ట కొంచెం.. కూత ఘనం.. అన్నట్లుగా తన ప్రతిభతో ఇండియా బుక్‌ ఆఫ్‌ రికార్డ్‌లో స్థానం దక్కించుకున్నాడు. ఈ బుడతడు ఎవరో తెలుసుకోవాలంటే ఈ స్టోరీ చదవాల్సిందే..!

యాదాద్రి జిల్లా భువనగిరి పట్టణానికి చెందిన డాక్టర్ రాజ్ కుమార్, డాక్టర్ ఆశ్లేష దంపతులు స్థానికంగా ఆర్కే హాస్పిటల్‌‌ను నిర్వహిస్తున్నారు. వీరికి ఓ పాప బాబు ఉన్నారు. ఏడేళ్ళ మాష్టర్ చావా తారక్ నంద ఎల్‌కేజీ చదువుతున్నాడు. చిన్నతనం నుంచే అద్భుత ప్రతిభ కనబరుస్తూ శభాష్ అనిపించుకుంటున్నాడు. ఈ బుడతడు వంద దేశాలు, వాటి రాజధానుల పేర్లను అవలీలగా చెప్పేస్తున్నాడు. దేశంలోనే వేగంగా అతి తక్కువ సమయంలో దేశాలు, వాటి రాజధానుల పేర్లు చెప్పి అందరినీ ఆశ్చర్యపరుస్తున్నాడు.

అతి తక్కవ సమయం 1.42 సెకండ్లలో ప్రపంచంలోని 100 దేశాల రాజధానుల పేర్లను ఏకధాటిగా చెప్పి ప్రతిష్టాత్మక ఇండియా బుక్ ఆప్ రికార్డ్స్ లో స్థానం సంపాదించాడు. ఇటీవల ఢిల్లీలో నిర్వహించిన ఇండియా బుక్‌ ఆఫ్‌ రికార్డు కన్వెన్షన్‌లో ఏర్పాటు చేసిన పోటీల్లో ఈ రికార్డును చావా తారక్ నంద సాధించాడు. ఇప్పటివరకు తమిళనాడుకు చెందిన అమ్మాయి 1.59 సెకండ్లలో సాధించిన రికార్డును తారక్ నంద బ్రేక్ చేశాడు. చిన్నోడి ప్రతిభను చూసి అబ్బురపడుతున్నారు.

తారక్ నంద అక్క ఆకృతి కూడా రికార్డు హొల్దరే. గత ఏడాది ఆమె కూడా నాలుగు నిమిషాల్లో 194 దేశాలు, వాటి రాజధానుల పేర్లు గడగడా చెప్పేసి ఇండియా బుక్‌ ఆఫ్‌ రికార్డ్స్‌ ప్రశంస పొందింది. తారక్ నందకు మాటలు వచ్చే సమయంలోనే అక్క ఆకృతి ఇండియా బుక్‌ ఆఫ్‌ రికార్డు కోసం ప్రిపేర్ అవుతోంది. దీంతో అక్క తోపాటు ఈ బుడతడు కూడా దేశాలు వాటి రాజధానుల పేర్లను పలకడం మొదలు పెట్టాడు. డాక్టర్లుగా ఉన్న తల్లిదండ్రులిద్దరూ తారక్ నంద ప్రతిభను గమనించి అక్క ఆకృతితో పాటు తారక్ నంద కూడా ఇంట్లోనే వారు శిక్షణ ఇచ్చారు. దీంతో ఈ బుడతడు పిట్ట కొంచెం.. కూత ఘనం.. అన్నట్లుగా ప్రతిభను చాటుతున్నాడు.

ఇండియా బుక్ ఆఫ్ రికార్డ్స్ లో స్థానం సంపాదించడంతో తారక్ నందపై ప్రశంసలు వెల్లువెత్తుతున్నాయి. తమ పిల్లలిద్దరూ ఇండియా బుక్ ఆఫ్ రికార్డ్స్ లో స్థానం సంపాదించడం గర్వంగా ఉందని తారక్ తల్లిదండ్రులు చెబుతున్నారు. మిగిలిన విభాగాల్లో కూడా ఇండియా బుక్ ఆఫ్ రికార్డ్స్ లో స్థానం సంపాదించేందుకు ఇద్దరికీ ప్రత్యేక శిక్షణ ఇప్పిస్తున్నట్లు వారు చెబుతున్నారు. ప్రతి పిల్లల్లో ప్రతిభ ఉంటుందని దానిని గుర్తించి ప్రోత్సహిస్తే రాణిస్తారని వీరు చెబుతున్నారు.

Telangana Inter Results Release : ఆంధ్రప్రదేశ్‌ ఇంటర్మీడియట్‌ ఫలితాలు శుక్రవారం విడుదలయ్యాయి. మన రాష్ట్రం కంటే ముందే తెలంగాణలో పరీక్షలు పూర్తి అయినా విడుదల కొంత ఆలస్యమైంది. దీంతో అక్కడి ఫలితాలు ఎప్పుడు వస్తాయని విద్యార్ధులు, వారి తల్లిదండ్రులు ఆరా తీస్తున్నారు.

ఏప్రిల్‌ 22లోపు :

ఏప్రిల్‌ 22లోపు ఒకేసారి మొదటి, ద్వితీయ సంవత్సరం ఇంటర్మిడియట్‌ రిజల్ట్‌ ప్రకటించే అవకాశం ఎక్కువగా ఉంది. ఇందుకు అవసరమైన అన్ని ముందస్తు కార్యక్రమాలు పూర్తి చేసుకుంటున్నారు. ఒకటి రెండు రోజుల్లోనే అధికారికంగా ఫలితాల విడుదల తేదీని ప్రకటించనున్నారు. ఈటీవీ భారత్‌ ప్రతినిధి ఇంటర్మిడియట్‌ అధికారులను పరీక్ష ఫలితాల విడుదలపై సంప్రదించారు. ఈ నెల 21 లేదా 22 తేదీలలో ఇంటర్ ఫలితాలు ప్రకటించే ఛాన్స్ ఉన్నట్టు ఆయన తెలిపారు. ఏదైనా అనివార్య పరిస్థితులు ఉత్ఫన్నమైనా 25లోపు ఫలితాలు వస్తాయన్నారు.

సాంకేతిక ఇబ్బందులు తలెత్తకుండా :

తెలంగాణ ఇంటర్మిడియట్‌ పరీక్షలు ఫిబ్రవరి 28వ తేదీ నుంచి మార్చి 19 వరకు నిర్వహించారు. ఈ పరీక్షల కోసం రాష్ట్రవ్యాప్తంగా 1,521 పరీక్ష కేంద్రాలు ఏర్పాటు చేశారు. పరీక్ష కేంద్రాల వద్ద 144 సెక్షన్‌ అమలు చేసిమరీ.. ఎంతో పకడ్బందీగా పరీక్షలను నిర్వహించారు. ఈ ఏడాదికి సంబంధించి సంబంధించి 9 లక్షల మందికిపైగా విద్యార్థులు ఇంటర్మిడియట్‌ పరీక్షలకు హాజరయ్యారు. ప్రస్తుతం వీరంతా కూడా పరీక్ష ఫలితాల కోసం వెయిట్ చేస్తున్నారు. వాస్తవానికి ఈఏడాది మూల్యాంకన ప్రక్రియను మార్చి 10నే ప్రారంభించి దాదాపు 20రోజుల్లోనే పూర్తి చేశారు. మార్కుల నమోదు ప్రక్రియను కూడా ముగించారు. కానీ పరీక్షకు హాజరు కాని విద్యార్ధులు, వివిధ కారాణాలతో పరీక్షలకు హాజరైనా పూర్తి చేయని వారి వివరాలను ప్రస్తుతం కంప్యూటీకరణ చేస్తున్నారు. అలాగే ఫలితాల విడుదలలో ఎలాంటి లోటుపాట్లు లేకుండా, సాంకేతికపరమైన ఇబ్బందులూ రాకుండా తగిన జాగ్రత్తలు తీసుకుంటున్నారు. గతంలో ఫలితాల విడుదల దృష్ట్యా ఈ జాగ్రత్తలు తీసుకుంటున్నారు. తెలంగాణలోనూ ఎన్నికల కోడ్‌ అమల్లోఉంది. కొందరు అధికారులు ఎన్నికల విధుల్లో బిజీగా ఉండటంతో ఫలితాల విడుదల కొంత ఆలస్యమైంది.

తగ్గిన ఆంధ్రప్రదేశ్ ఇంటర్మిడియట్‌ ఉత్తీర్ణత :

ఆంధ్రప్రదేశ్‌లో ఇంటర్ ఫలితాల్లో ఈ ఏడాది విద్యార్ధుల ఉత్తీర్ణత శాతం బాగా తగ్గింది. ఇంటర్ ఫస్ట్‌ ఇయర్‌లో 67 శాతం, సెకండ్‌ ఇయర్‌లో 78 శాతం ఉత్తీర్ణత నమోదైనట్లు ఇంటర్మీడియట్‌ విద్యా కమిషనర్‌ సౌరబ్‌గౌర్‌, పరీక్షల కంట్రోలర్‌ సుబ్బారావు తెలిపారు. ఫలితాల్లో ప్రతి ఏడాది మాదిరి ఈ సంవత్సరం కూడా బాలికలే పైచేయి సాధించారు. ఇంటర్ ఫస్ట్‌ ఇయర్‌ ఫలితాల్లో కూడా బాలికలు 71 శాతం, బాలురు 64 శాతం ఉత్తీర్ణత సాధించారు. సెకండ్‌ ఇయర్‌లో ఫలితాల్లో బాలికలు 81 శాతం, బాలురు 75 శాతం ఉత్తీర్ణత సాధించారు. ఫలితాల్లో ఉత్తీర్ణత తగ్గడంపై విద్యావేత్తలు ఆందోళన వ్యక్తం చేస్తున్నారు.