Anant Ambani Radhika Wedding : అనంత్ అంబానీ, రాధిక మర్చంట్ వివాహం.. గణేష్ స్థాపన నుంచి పాగ్ ఫెరా వరకు సాంప్రదాయ గుజరాతీ షాదీ ఆచారాలివే..!

Anant Ambani Radhika Wedding : ప్రస్తుత రోజుల్లో వివాహాలు 3 నుంచి 4 రోజుల పాటు నైట్, కాక్‌టెయిల్ రిసెప్షన్‌లు వంటి వివిధ కార్యక్రమాలతో సాగడం సర్వసాధారణం. కానీ, ఏడు నెలల పాటు వివాహ వేడుకలను జరుపుకోవడం నిజంగా అసాధారణమైనదే.

జూలై 12న అపర కుబేరుడు, రిలయన్స్ అధినేత ముకేశ్ అంబానీ చిన్న కుమారుడు అనంత్ అంబానీ ఎట్టకేలకు రాధికా మర్చంట్‌ పెళ్లిబంధంతో ఒక్కటయ్యారు. ప్రతి ఆరు వారాలకు ఒకసారి జరిగే ఈవెంట్‌లతో అంబానీ ఫ్యామిలీ జనవరి నుంచి అనంత్ అంబానీ పెళ్లి వేడుకులను అబ్బురపరిచేలా జరుపుకుంటున్నారు.

అనంత్ అంబానీ, రాధిక మర్చంట్‌ల పెళ్లి రోజు. ఊహించిన దానికంటే గ్రాండ్‌గా జరిగింది. జూన్ నుంచి ఈ జంట తమ వివాహానికి ముందు జరిగే అన్ని వేడుకలను ఘనంగా నిర్వహిస్తున్నారు. మూడు-రోజుల సుదీర్ఘ జామ్‌నగర్ పర్యటన నుంచి యాంటిలియాలో ప్రత్యేక పూజ వరకు-అంతా కలల వేడుకలా జరిగింది. ఇప్పుడు, పెళ్లిరోజు రానే వచ్చింది. సాంప్రదాయ గుజరాతీ వివాహానికి సంబంధించిన అసలు ఆచారాలను ఎలా పాటిస్తారో ఇప్పుడు తెలుసుకుందాం.

గణేష్ స్థాపన :
గుజరాతీ షాదీ గణేష్ స్థాపనతో మొదలవుతుంది. ఇక్కడ రెండు కుటుంబాలు విడివిడిగా గణేశుడిని పూజిస్తారు. ఎలాంటి అడ్డంకులు లేని వేడుకను నిర్వహించి దైవానుగ్రహాన్ని పొందాలనేది దీని వెనుక ఉన్న ఉద్దేశం.

మండప పూజ :
అప్పుడు కుటుంబాలు మండప పూజను నిర్వహిస్తారు. దీనిని మండప ముహారత్ అని కూడా పిలుస్తారు. ఫేరాలు జరగబోయే ఈ పవిత్ర మండపంలో పూజ నిర్వహిస్తారు.

గ్రహ శాంతి :
దీని తరువాత, గ్రహ శాంతి పూజ నిర్వహిస్తారు. దీనిని అనంత్, రాధిక కూడా చేశారు. దంపతులకు సంతోషకరమైన, ప్రశాంతమైన వైవాహిక జీవితాన్ని పొందడానికి గ్రహ శాంతి పూజ కచ్చితంగా అవసరం.

మెహందీ వేడుక :
పెళ్లికి రెండు రోజుల ముందు వధువు ఇంట్లో మెహందీ వేడుక జరుగుతుంది. ఈ కార్యక్రమంలో, వధువు సోదరీమణులు, బంధువులు, స్నేహితులతోపాటు కుటుంబంలోని మహిళలందరూ తమ అరచేతులకు హెన్నా పూయడానికి ఒక చోట చేరుతారు.

హల్దీ, మామెరు :
అప్పుడు హల్దీ వేడుక వస్తుంది. దాని తర్వాత మమేరు తంతు జరుగుతుంది. వధువు మేనమామ ఆమెకు ఏమి కానుకగా ఇచ్చాడో చూడటానికి అందరూ వచ్చే ఆచారం మామేరు.

వివాహం :
అసలు పెళ్లి వేడుకకు ముందు, వధువు తన చేతి ముద్రలను గోడపై ఉంచే కంకు తాప అనే ఆచారం నిర్వహిస్తారు. దీని తరువాత, ప్రధాన వివాహం జయమాల వేడుకను నిర్వహిస్తారు. ఇక్కడ జంట దండలు మార్చుకుంటారు. ఆ తరువాత కన్యా దాన్, మంగళ్ ఫెరాస్ నిర్వహిస్తారు. ఆసక్తికరమైన విషయం ఏమిటంటే.. గుజరాతీ వివాహంలో, ఎప్పుడూ 7 ఫేరాలు ( సప్తపది) ఉండవు. దానికి బదులుగా ఎల్లప్పుడూ 4 ఫెరాస్ (ప్రమాణాలు) ఉంటాయి. విదై జరుగుతుంది. చివరకు వధువు కుటుంబం వారి యువరాణిని వరుడికి అప్పగిస్తారు.

పాగ్ ఫెరా :
వివాహానంతరం, పాగ్ ఫెరా అనే ఆచారం నిర్వహిస్తారు. అక్కడ వధువు సోదరుడు ఆమెను ఇంటికి తీసుకువెళ్లడానికి వస్తాడు. ఆ తర్వాత భర్త ఆమెను తన కొత్త ఇంటికి తీసుకువచ్చేందుకు వెళ్తాడు.

అనంత్, రాధిక పెళ్లి వేడుకలు :
ఈ జంట సాంప్రదాయ పద్ధతిలో ఒక్కటవుతున్నారు. ఎంతో ఆసక్తిగా ఎదురుచూస్తున్న అనంత్ అంబానీ, రాధిక మర్చంట్ వివాహం జూలై 12న జరిగింది. సాంప్రదాయ హిందూ వైదిక ఆచారాలకు కట్టుబడి వివాహ వేడుకలను అంబానీ ఫ్యామిలీ ప్లాన్ చేసింది. జూలై 3న అంబానీలు మమేరు లేదా మౌసలు వేడుకను నిర్వహించారు.

జూలై 5 (NMACC)లో గ్రాండ్ సంగీత్ వేడుక జరిగింది. ఈ కార్యక్రమానికి మాధురీ దీక్షిత్, ఖుషీ కపూర్, అనన్య పాండే, ఎంఎస్ ధోని, ఆదిత్య రాయ్ కపూర్, అలియా భట్, రణబీర్ కపూర్, ఇంకా పలువురు ప్రముఖులు హాజరయ్యారు. అంతకుముందు అంబానీ కుటుంబం జామ్‌నగర్‌లో వివాహానికి ముందు అనేక వేడుకలను నిర్వహించింది.