జమ్ముకశ్మీర్‌లో బస్సుపై దాడికి పాల్పడ్డారు. దీనిపై తాజాగా లష్కరే తోయిబాకు చెందిన ద రెసిస్టెంట్‌ ఫ్రంట్ సంచలన ప్రకటన చేసింది. రియాస్‌ వద్ద బస్సుపై దాడికి పాల్పడింది తామే అని వెల్లడించింది.
రియాస్‌లోని శివ్‌ఖోరి పుణ్యక్షేత్రం దర్శనానికి వెళ్లి తిరిగి వస్తుండగా.. ఆదివారం సాయంత్రం ఉగ్రవాదులు కాల్పులకు తెగబడ్డారు. దాంతో.. బస్సు అదుపుతప్పి లోయలో పడిపోయింది. ఈ సంఘటనలో పది మంది భక్తులు స్పాట్‌లోనే చనిపోయారు. మరో 30 మందికి పైగా గాయాలు అయ్యాయి. వారు ప్రస్తుతం ఆస్పత్రిలో చికిత్స పొందుతున్నారు. కాగా.. కాల్పులు తర్వాత బస్సు లోయలో పడిపోవడంతో ఉగ్రవాదులు అక్కడి నుంచి పారిపోయారు.

ఇక బస్సుపై కాల్పుల సంఘటన తర్వాత భద్రతా బలగాలు అప్రమత్తం అయ్యి.. చుట్టుపక్కల ముమ్మర గాలింపు చర్యలు చేపట్టింది. ఒక వైపు సెర్చ్‌ ఆపరేషన్ కొనసాగుతుండగానే టీఆర్ఎఫ్‌ బాధ్యత వహిస్తూ ప్రకటన చేయడం సంచలనంగా మారింది. ఇక గతంలో కూడా ఈ తరహా ఉగ్రదాడులు జరిగాయి. ఎత్తయిన కొండ ప్రాంతాల్లో ఉండి కాల్పులకు తెగబడ్డారు. బస్సుపై ఇద్దరు వ్యక్తులు కాల్పులకు తెగబడ్డారని ఉన్నతాధికారులు అనుమానం వ్యక్తం చేస్తున్నారు. మరోవైపు బస్సుపై దాడి ఘటనలో బాధితులంతా ఉత్తర్‌ప్రదేశ్‌కు చెందినవారని పోలీసులు తెలిపారు. మృతుల వివారాలను తెలియాల్సి ఉంది.

ద రిసిస్టెంట్‌ ఫ్రంట్‌ సంస్థ చట్ట వ్యతిరేక కార్యకలాపాలకు పాల్పడుతోందనీ.. గతేడాది జనవరిలో ఉగ్రవాద సంస్థగా గుర్తించింది. కాగా.. లష్కరే తోయిబాకు అనుబంధ సంస్థగా టీఆర్‌ఎఫ్‌ 2019లో ఉనికిలోకి వచ్చింది.

ఎన్నికల వేళ ఏపీలో అధికారులు తనిఖీలు ముమ్మురం చేశారు. పోలీసులతో పాటుగా ఎన్నికల ఫ్లయింగ్ స్క్వాడ్‌లు విస్తృతంగా తనిఖీలు నిర్వహిస్తున్నారు. ఈ తనిఖీల్లో పలుచోట్ల భారీగా బంగారం, నగదు పట్టుబడుతోంది.
తాజాగా జనసేన అధినేత పవన్ కళ్యాణ్ పోటీచేస్తున్న కాకినాడ జిల్లా పిఠాపురంలో భారీగా బంగారం, వెండి నగలు పట్టుబడ్డాయి. గొల్లప్రోలు టోల్ ప్లాజా వద్ద తనిఖీలు నిర్వహించిన పోలీసులు.. ఓ మినీవ్యానులో రూ. 17 కోట్ల విలువైన బంగారం, వెండి నగలను తరలిస్తున్నట్లు గుర్తించారు.తరలిస్తున్న బంగారం, వెండి అభరణాలకు సంబంధించి సరైన డాక్యుమెంట్స్ లేకపోవడంతో సీజ్ చేసి కాకినాడలోని జిల్లా ట్రెజరీ కార్యాలయానికి తరలించారు.

ప్రపంచంలో అత్యధిక జనాభా కలిగిన దేశం భారతదేశం. 140 కోట్లకు పైగా జనాభాలో ఒకవైపు నేరాలు జరుగుతుండగా,మరోవైపు న్యాయం కోసం పోరాటాలు కూడా జరుగుతున్నాయి. ఒక నివేదిక ప్రకారం, దేశంలో 1300 కంటే ఎక్కువ జైళ్లు ఉన్నాయి.నేరాలను అరికట్టడానికి, సామాజిక న్యాయానికి ప్రతీకగా జైలును చూస్తాం. భారతదేశంలో వివిధ రకాల జైళ్లు ఉన్నాయి. ప్రతి జైలు దాని పరిమాణం, ఖైదీలను ఉంచే సామర్థ్యాన్ని బట్టి విభిన్న లక్షణాలను కలిగి ఉంటుంది.

భారతదేశంలోని టాప్ 10 జైళ్ల గురించి ఇక్కడ తెలుసుకుందాం..

1. తీహార్ జైలు..
ఢిల్లీలో ఉన్న తీహార్ జైలు భారతదేశంలోనే కాకుండా దక్షిణాసియాలోనే అతిపెద్ద జైలు క్యాంపస్. ఇది 1957లో స్థాపించబడింది. 400 ఎకరాల్లో విస్తరించి ఉన్న ఈ జైలు క్యాంపస్‌లో 9 సెంట్రల్ జైళ్లు ఉన్నాయి. ఇందులో 5200 మంది ఖైదీలు ఉండగలరు.

2. ఎరవాడ సెంట్రల్ జైలు..

మహారాష్ట్రలోని పూణేలో ఉన్న ఎరవాడ సెంట్రల్ జైలు భారతదేశంలోని రెండవ అతిపెద్ద జైలు. ఇందులో చాలా మంది ఖైదీలు శిక్షను అనుభవిస్తున్నారు. స్వాతంత్య్రోద్యమ సమయంలో మహాత్మా గాంధీ కూడా ఈ జైలు గోడల మధ్య బంధించబడడం గమనార్హం.ప్రస్తుతం 3600 మంది ఖైదీలకు వసతి ఉంది.

3. నైని సెంట్రల్ జైలు..

ఉత్తరప్రదేశ్‌లోని ప్రయాగ్‌రాజ్‌లో ఉన్న నైని సెంట్రల్ జైలు భారతదేశంలోనే మూడవ అతిపెద్ద సెంట్రల్ జైలు, 237 ఎకరాల్లో విస్తరించి ఉంది. ఇందులో 3000 మంది ఖైదీలకు వసతి ఉంది.

4. పుజల్ సెంట్రల్ జైలు..

తమిళనాడులోని చెన్నైలో ఉన్న పుఝల్ సెంట్రల్ జైలు దేశంలోని అతిపెద్ద జైళ్లలో ఒకటి. ఇది 26 సెప్టెంబర్ 2006 నుండి పని చేస్తోంది. 211 ఎకరాలలో విస్తరించి ఉన్న జైలు క్యాంపస్‌లో 1,251 మంది రిమాండ్ ఖైదీలు, 1,250 మంది శిక్ష పడిన ఖైదీలు, 500 మంది మహిళా ఖైదీలను ఉంచే సామర్థ్యం ఉంది.

5. వెల్లూరు సెంట్రల్ జైలు..

దేశంలోని అతిపెద్ద జైళ్లలో తమిళనాడులోని వెల్లూరు సెంట్రల్ జైలు కూడా ఒకటి. ఇది 1830లో స్థాపించబడింది. దీని క్యాంపస్ 153 ఎకరాలలో విస్తరించి ఉంది. ఇది జిల్లాలో అతిపెద్దది. తమిళనాడులో రెండవది.

6. రాజమండ్రి సెంట్రల్ జైలు..

రాజమండ్రి సెంట్రల్ జైలు ఆంధ్రప్రదేశ్‌లో ఉంది. 196 ఎకరాల్లో విస్తరించి ఉన్న ఈ సముదాయాన్ని 1864లో బ్రిటిష్ సామ్రాజ్యం జైలుగా మార్చింది. దీని తరువాత 1870 లో దీనికి సెంట్రల్ జైలు అని పేరు పెట్టారు.

7. పాటియాలా సెంట్రల్ జైలు..

పంజాబ్‌లోని పాటియాలాలో ఉన్న సెంట్రల్ జైలు కూడా దేశంలోని అతిపెద్ద జైళ్లలో ఒకటి. దీని క్యాంపస్ కూడా 110 కోట్లకు పైగా విస్తరించి ఉంది.

8. పరప్పన అగ్రహార సెంట్రల్ జైలు..

దేశంలోని పెద్ద జైళ్లలో కర్ణాటకలోని బెంగళూరులో ఉన్న పరపన్న అగ్రహార సెంట్రల్ జైలు కూడా ఒకటి. ఈ సెంట్రల్ జైలు కూడా 40 ఎకరాల్లో విస్తరించి ఉంది. కర్నాటకలో అతిపెద్ద జైలు హోదాను కలిగి ఉంది. ఇది 1997లో స్థాపించబడింది. 2,200 మంది సామర్థ్యం ఉన్నప్పటికీ, ప్రస్తుతం 5,000 మందికి పైగా ఖైదీలను కలిగి ఉంది.

9. అలీపూర్ సెంట్రల్ జైలు..

దేశంలోని టాప్ 10 జైళ్లలో పశ్చిమ బెంగాల్‌లోని అలీపూర్ సెంట్రల్ జైలు సముదాయం కూడా ఉంది. 40 ఎకరాల్లో విస్తరించి ఉన్న ఈ సెంట్రల్ జైలులో పెద్ద సంఖ్యలో ఖైదీలు నివసించారు. రాజకీయ ఖైదీలను ప్రత్యేకంగా ఇక్కడ ఉంచారు. ఫిబ్రవరి 20, 2019 నుండి ఇది జైలు నుండి మ్యూజియంగా మార్చబడింది.

10. గయా సెంట్రల్ జైలు..

1851 సంవత్సరంలో స్థాపించబడిన ఈ జిల్లా జైలు 1922లో సెంట్రల్ జైలుగా మార్చబడింది. బీహార్‌లోని గయా జిల్లాలో ఉన్న ఈ సెంట్రల్ జైలు కూడా దేశంలోని 10వ అతిపెద్ద జైళ్ల జాబితాలో చేర్చబడింది. దీని క్యాంపస్ 31 ఎకరాలలో విస్తరించి ఉంది.