Andhrapradesh
10వ తరగతి పాసైన విద్యార్థులకు తిరుమల తిరుపతి దేవస్థానం అద్భుత అవకాశం.. జూన్ 17 వరకు ఛాన్స్‌
తిరుమల తిరుపతి దేవస్థానం (TTD) బోర్డు విద్యార్థులకు గుడ్‌న్యూస్‌ చెప్పింది. శిల్పకళ మీద ఆసక్తి ఉన్న విద్యార్థుల నుంచి ఎస్వీ సాంప్రదాయ ఆలయ శిల్ప కళాశాలలో ప్రవేశాలకు దరఖాస్తుల ఆహ్వానిస్తోంది. టీటీడీ (TTD) ఆధ్వర్యంలో శ్రీవెంకటేశ్వర సాంప్రదాయ ఆలయ శిల్ప కళాశాల (Sri Venkateswara Traditional Sculpture And Architecture College) నడుస్తోంది. అయితే.. ఈ కళాశాలలో చేరాలనుకునేవారికి టీటీడీ అద్భుత అవకాశం కల్పిస్తోంది. 2024-25 విద్యాసంవత్సరానికి సాంప్రదాయ కళంకారి కళలో డిప్లొమా, సర్టిఫికెట్ కోర్సుల్లో ప్రవేశాలకు విద్యార్థుల నుంచి అప్లికేషన్లు ఆహ్వానిస్తోంది. 10వ తరగతి పాసైన వాళ్లు ఈ కోర్సులకు అప్లయ్ చేసుకోవచ్చు. డిప్లొమా కోర్సు వ్యవధి నాలుగేళ్లు కాగా.. సర్టిఫికేట్ కోర్సు రెండేళ్ల వ్యవధిగా నిర్ణయించారు.