Netflix Subscribers : ప్రముఖ ఓటీటీ స్ట్రీమింగ్ దిగ్గజం నెట్‌ఫ్లిక్స్ పాస్‌వర్డ్ షేరింగ్ బ్యాన్ చేసిన తర్వాత 2024 మొదటి త్రైమాసికంలో 9.33 మిలియన్ల కొత్త సబ్‌స్క్రైబర్‌లను పొందింది. గ్లోబల్ యూజర్ బేస్‌లో ఇదే గణనీయమైన పెరుగుదలగా చెప్పవచ్చు. స్ట్రీమింగ్ దిగ్గజం పాస్‌వర్డ్ షేరింగ్‌పై నిషేధం నేపథ్యంలో కొత్త సబ్‌స్క్రైబర్‌లు భారీ సంఖ్యలో పెరిగారు. దాంతో నెట్‌ఫ్లిక్స్ మార్కెట్ అంచనాలను మించిపోయింది. విశ్లేషకుల అంచనాలను కూడా దాదాపు రెట్టింపు చేసింది.

మార్చి నాటికి 269.6 మిలియన్లు :
నెట్‌ఫ్లిక్స్ గ్లోబల్ సబ్‌స్క్రైబర్ల సంఖ్య ఇప్పుడు మార్చి నెలాఖరు నాటికి 269.6 మిలియన్లకు చేరుకుంది. ప్రపంచం నలుమూలల నుంచి కొత్త కస్టమర్లతో నెట్‌ఫ్లిక్స్ పుంజుకుంది. సగటున ప్రతి ఇంటికి ఇద్దరు కన్నా ఎక్కువ మంది యూజర్లతో అర బిలియన్ల మంది వ్యూయర్స్ ఉన్నారని కంపెనీ పెట్టుబడిదారులకు రాసిన లేఖలో పేర్కొంది. ఇంతకు ముందు ఏ ఎంటర్‌టైన్‌మెంట్ కంపెనీ ఈ స్థాయిలో రాణించలేదని తెలిపింది. అనధికారిక అకౌంట్ల వినియోగాన్ని పరిష్కరించడంలో నెట్‌ఫ్లిక్స్ దృఢమైన వైఖరి ఈ అద్భుతమైన విజయానికి కారణమని నివేదిక తెలిపింది.

దాదాపు 100 మిలియన్ల మంది యూజర్లు నెట్‌ఫ్లిక్స్‌కు నేరుగా సబ్‌స్క్రైబ్ చేయకుండా వేరొకరి అకౌంట్లను ఉచితంగా ఉపయోగిస్తున్నారు. దాంతో నెట్‌‌ఫ్లిక్స్ ఆదాయపరంగా, చెల్లింపు చందాదారులను భారీగా కోల్పోవాల్సి వచ్చింది. ఈ క్రమంలోనే నెట్‌ఫ్లిక్స్ పాస్ వర్డ్ షేరింగ్ విధానంపై పరిమితులు విధించింది. కంపెనీ ఎగ్జిక్యూటివ్‌లు సైతం సబ్‌స్క్రైబర్ కాకుండా కంపెనీ ఆదాయం, ఆపరేటింగ్ మార్జిన్‌లపై దృష్టి పెట్టాలని పెట్టుబడిదారులను కోరినట్లు రాయిటర్స్ నివేదించింది.

OTT Releases this week: వచ్చే లాంగ్ వీకెండ్ లో ఓటీటీ ప్రేక్షకులకు టైంపాస్ చేయడానికి కొన్ని ఇంట్రెస్టింగ్ సినిమాలు, వెబ్ సిరీస్ రాబోతున్నాయి. ఇందులో సూపర్ హిట్ మలయాళం మూవీ ప్రేమలు కూడా ఉంది. ఇక ప్రైమ్ వీడియోలో ఇన్‌స్పెక్టర్ రిషి అనే కొత్త వెబ్ సిరీస్ కూడా వస్తోంది. శుక్రవారం (మార్చి 29) గుడ్ ఫ్రైడే హాలిడే కూడా ఉండటంతో ఈ లాంగ్ వీకెండ్ ఓటీటీల్లోని ఈ కొత్త సినిమాలు, వెబ్ సిరీస్ చూసేయండి.

ప్రేమలు – డిస్నీ ప్లస్ హాట్‌స్టార్
మలయాళ సూపర్ డూపర్ హిట్ మూవీ ప్రేమలు మొత్తానికి ఓటీటీలోకి వచ్చేస్తోంది. ఫిబ్రవరి 9న థియేటర్లలో రిలీజైన ఈ సినిమా.. ఆ తర్వాత తెలుగులోనూ సంచలన విజయం సాధించింది. ఇక ఇప్పుడు శుక్రవారం (మార్చి 29) నుంచి డిస్నీ ప్లస్ హాట్‌స్టార్ లో స్ట్రీమింగ్ కానుంది. మలయాళంతోపాటు తెలుగుతోనూ ఈ రొమాంటిక్ కామెడీ మూవీ రాబోతోంది.

ఇన్‌స్పెక్టర్ రిషి -ప్రైమ్ వీడియో
నవీన్ చంద్ర నటించిన హారర్, క్రైమ్ వెబ్ సిరీస్ ఇన్‌స్పెక్టర్ రిషి. ఈ మధ్యే ప్రైమ్ వీడియో అనౌన్స్ చేసిన తమ ఒరిజినల్స్ లో ఇదీ ఒకటి. శుక్రవారం (మార్చి 29) నుంచి ఈ కొత్త వెబ్ సిరీస్ స్ట్రీమింగ్ కు రానుంది. న‌వీన్ చంద్ర లీడ్ రోల్‌లో క్రైమ్ డ్రామా థ్రిల్ల‌ర్ క‌థాంశంతో ఇన్‌స్పెక్ట‌ర్ రిషి వెబ్ సిరీస్ త‌మిళంలో తెర‌కెక్కింది. ఈ వెబ్‌సిరీస్‌కు సుఖ్‌దేవ్ ల‌హిరి ద‌ర్శ‌క‌త్వం వ‌హించాడు. తమిళంతోపాటు తెలుగు, మరో ఇతర మూడు భాషల్లో స్ట్రీమింగ్ కానుంది.

లవర్ – డిస్నీ ప్లస్ హాట్‌స్టార్
తమిళ సూపర్ హిట్ మూవీ లవర్ కూడా మొత్తానికి ఓటీటీలోకి వచ్చేస్తోంది. పట్నా శుక్లా – డిస్నీ పస్ల్ హాట్‌స్టార్
బాలీవుడ్ సీనియర్ రవీనా టండన్ నటించిన పట్నా శుక్లా మూవీ శుక్రవారం (మార్చి 29) నుంచి డిస్నీ ప్లస్ హాట్‌స్టార్ లో స్ట్రీమింగ్ కానుంది. ఇదొక కోర్ట్ రూమ్ డ్రామా. బీహార్ లో జరిగిన ఓ ఎడ్యుకేషన్ స్కామ్ చుట్టూ తిరిగే కథతో మూవీ రాబోతోంది.

ది గ్రేట్ ఇండియన్ కపిల్ షో – నెట్‌ఫ్లిక్స్
ప్రముఖ కమెడియన్ కపిల్ శర్మ కొత్త షో ది గ్రేట్ ఇండియన్ కపిల్ షో. నెట్‌ఫ్లిక్స్ ఓటీటీలో వచ్చే ఆదివారం (మార్చి 29) నుంచి స్ట్రీమింగ్ కానుంది. ప్రతి శని, ఆదివారాల్లో కొత్త ఎపిసోడ్లు వస్తాయి.

లూటేరే – డిస్నీ ప్లస్ హాట్‌స్టార్
లూటేరే వెబ్ సిరీస్ గత శుక్రవారమే (మార్చి 22) హాట్‌స్టార్ ఓటీటీలోకి వచ్చింది. అయితే తొలి రెండు ఎపిసోడ్లను మాత్రమే ఆ ఓటీటీ రిలీజ్ చేసింది. మూడో ఎపిసోడ్ గురువారం (మార్చి 28) నుంచి స్ట్రీమింగ్ కానుంది.

ఈ సినిమా బుధవారం (మార్చి 27) నుంచి డిస్నీ ప్లస్ హాట్‌స్టార్ లో స్ట్రీమింగ్ కు రానుంది. చాలా రోజులుగా వాయిదా పడుతూ వస్తున్న ఈ సినిమా ఈ వారం ప్రేక్షకుల ముందుకు రాబోతోంది.

Netflix OTT: నెట్‍ఫ్లిక్స్ ఓటీటీ ప్లాట్‍‍ఫామ్‍లో ది ఇంద్రాణి ముఖర్జియా బరీడ్ ట్రూత్ సిరీస్ దూసుకెళుతోంది. ట్విస్టులతో కూడిన ఈ డాక్యు సిరీస్‍కు వ్యూస్ పెరుగుతూనే ఉన్నాయి. చాలా దేశాల్లో ట్రెండ్ అవుతోంది.
ఇటీవలి కాలంలో ఓటీటీల్లో డాక్యుమెంటరీ సిరీస్‍లకు ఆదరణ బాగా పెరుగుతోంది. ముఖ్యంగా సంచలన కేసుల ఆధారంగా రూపొందిన క్రైమ్ సిరీస్‍లపై ప్రేక్షకులు ఆసక్తి చూపుతున్నారు. ఈ క్రమంలో ‘ది ఇంద్రాణి ముఖర్జియా: బరీడ్ ట్రూత్’ డాక్యు సిరీస్‍కు భారీగా వ్యూస్ దక్కుతున్నాయి. దేశవ్యాప్తంగా సంచలనమైన షీనా బోరా హత్య కేసుపై ఈ సిరీస్ రూపొందింది. అందులోనూ ఈ సిరీస్ ఆద్యంతం ఉత్కంఠగా ఉండడంతో నెట్‍ఫ్లిక్స్ ఓటీటీలో దూసుకెళుతోంది.
ది ఇంద్రాణి ముఖర్జియా: బరీడ్ ట్రూత్ సిరీస్‍పై మొదటి నుంచే చాలా మందికి ఆసక్తి నెలకొంది. కోర్టులో కేసుల వల్ల ఆలస్యమైనా ఎట్టకేలకు ఈ సిరీస్ ఫిబ్రవరి 29వ తేదీన నెట్‍ఫ్లిక్స్ ఓటీటీలో స్ట్రీమింగ్‍కు అడుగుపెట్టింది. ప్రారంభం నుంచి మంచి ఆదరణ దక్కించుకుంటోంది.

గ్లోబల్ రేంజ్‍లో..
ది ఇంద్రాణి ముఖర్జియా డాక్యు సిరీస్‍కు నానాటికీ వ్యూస్ పెరుగుతున్నాయి. భారత్‍తో పాటు కెనడా, ఆస్ట్రేలియా సహా సుమారు 18 దేశాల్లో ఈ సిరీస్ ట్రెండ్ అవుతోంది. నెట్‍ఫ్లిక్స్ గ్లోబల్ ట్రెండింగ్‍లో టాప్-7లో ఈ సిరీస్ నిలిచింది. వారంలోనే ఈ డాక్యు సిరీస్‍కు 2.2 మిలియన్లపైగా వ్యూస్ వచ్చాయి. 6.9 మిలియన్ వాచ్ హవర్స్ దక్కించుకుంది.

మొత్తంగా అంచనాలకు మించి ‘ది ఇంద్రాణి ముఖర్జియా: బరీడ్ ట్రూత్’ డాక్యు సిరీస్ దుమ్మురేపుతోంది. షీనా బోరా హత్య కేసులో చాలా ట్విస్టులు ఉండడం, దాన్ని ఈ సిరీస్‍లో ఎఫెక్టివ్‍గా చూపించడంతో భారీ ఆదరణ దక్కించుకుంటోంది.

కోర్టులో కేసు తర్వాత..
ది ఇంద్రాణి ముఖర్జియా సిరీస్ కోర్టు కేసులను ఎదుర్కొంది. షీనా బోరా కేసు విచారణ దశలో ఉండటంతో ఈ సిరీస్‍ను ఆపాలని కోర్టుకు వెళ్లింది సీబీఐ. కింది కోర్టు నిరాకరించడంతో బాంబే హైకోర్టుకు కూడా వెళ్లింది సీబీఐ. ముందుగా సీబీఐ అధికారులకు స్క్రీనింగ్ తర్వాత.. ఈ సిరీస్ ఎట్టకేలకు నెట్‍ఫ్లిక్స్ ఓటీటీలో అడుగుపెట్టింది. వారం ఆలస్యంగా ఓటీటీలో స్ట్రీమింగ్‍కు వచ్చింది.

షీనా బోరా మర్డర్ కేసు దేశాన్ని కుదిపేసింది. 2012 ఏప్రిల్‍లో షీనా హత్యకు గురయ్యారు. అయితే, మూడేళ్ల తర్వాత 2015లో ఈ హత్య ఉదంతం బయటికి వచ్చింది. వేరే కేసులో పట్టుడిన ఇంద్రాణి ముఖర్జియా డ్రైవర్ ఈ హత్య గురించి సమాచారం పోలీసులకు చెప్పాడు. దీంతో షీనా హత్య వెలుగులోకి వచ్చింది. ఈ కేసులో షీనా బోరా తల్లి ఇంద్రాణి ముఖర్జియాను 2015లో అరెస్టు చేయడం సంచలనంగా మారింది.

షీనా బోరా హత్య కేసును సీబీఐ విచారిస్తోంది. ఈ కేసులో ఇంద్రాణితో పాటు ఆమె మాజీ భర్య సంజీవ్ ఖన్నా, డ్రైవర్ సహా మరికొందరు అరెస్ట్ అయ్యారు. ఈ కేసు విచారణ సాగిన కొద్దీ నెవ్వెర పరిచే విషయాలు బయటికి వచ్చాయి. దీంతో దేశం దృష్టిని ఈ కేసు ఆకర్షించింది. ఇంద్రాణి ముఖర్జియా సుమారు ఏడేళ్ల పాటు జైలులో ఉన్నారు. 2022లో ఆమెకు బెయిల్ వచ్చింది. దీంతో ప్రస్తుతం ఆమె బయటే ఉన్నారు. ఈ కేసులో ఇతర నిందితులకు కూడా బెయిల్ మంజూరైంది. అయితే, సీబీఐ ఈ కేసు విచారణను కొనసాగిస్తోంది.