IOCL Recruitment 2024: ఇండియన్ ఆయిల్ కార్పొరేషన్ లిమిటెడ్ (IOCL) జూనియర్ ఇంజనీరింగ్ అసిస్టెంట్, ఇతర పోస్టుల భర్తీకి దరఖాస్తులు కోరుతోంది. అర్హులైన అభ్యర్థులు ఐఓసీఎల్ అధికారిక వెబ్సైట్ iocl.com ద్వారా ఆన్లైన్లో దరఖాస్తు చేసుకోవచ్చు. ఈ రిక్రూట్ మెంట్ డ్రైవ్ ద్వారా సంస్థలో 476 పోస్టులను భర్తీ చేయనున్నారు.

లాస్ట్ డేట్ ఆగస్ట్ 21..
ఇండియన్ ఆయిల్ కార్పొరేషన్ లో జూనియర్ ఇంజనీరింగ్ అసిస్టెంట్ పోస్ట్ లకు అప్లై చేసుకోవడానికి ఆఖరు తేదీ ఆగస్ట్ 21. ఆసక్తి, అర్హత ఉన్న అభ్యర్థులు ఆగస్ట్ 21 లోపు ఐఓసీఎల్ అధికారిక వెబ్సైట్ iocl.com ద్వారా ఆన్లైన్లో దరఖాస్తు చేసుకోవచ్చు. అర్హత, ఎంపిక విధానం, ఇతర వివరాల కోసం కింద చదవండి.

ముఖ్యమైన తేదీలు
దరఖాస్తుకు చివరి తేదీ: ఆగస్టు 21, 2024
ఈ-అడ్మిట్ కార్డు విడుదల: సెప్టెంబర్ 10,
2024 కంప్యూటర్ ఆధారిత పరీక్ష: సెప్టెంబర్ మూడో వారం, 2024
ఫలితాలు: అక్టోబర్ 3వ వారంలోగా

ఖాళీల వివరాలు
జూనియర్ ఇంజనీరింగ్ అసిస్టెంట్ IV -379 పోస్టులు
జూనియర్ క్వాలిటీ కంట్రోల్ : 21 పోస్టులు
ఇంజినీరింగ్ అసిస్టెంట్ : 38 పోస్టులు
టెక్నికల్ అటెండెంట్ : 29 పోస్టులు

అర్హతలు
ఇండియన్ ఆయిల్ కార్పొరేషన్ (IOCL) లో జూనియర్ ఇంజనీరింగ్ అసిస్టెంట్ పోస్టులకు దరఖాస్తు చేసుకోవాలనుకునే అభ్యర్థులు విద్యార్హత, వయోపరిమితి తదితర వివరాలను {సీఎల్ అధికారిక వెబ్సైట్ iocl.com లో తెలుసుకోవచ్చు.

ఎంపిక విధానం
కంప్యూటర్ బేస్డ్ టెస్ట్ (CBT), స్కిల్/ప్రొఫిషియన్సీ/ఫిజికల్ టెస్ట్ (SPPT) ద్వారా అర్హులైన అభ్యర్థులను ఎంపిక చేస్తారు. ఎస్పీపీటీ క్వాలిఫయింగ్ స్వభావం కలిగి ఉంటుంది. కంప్యూటర్ ఆధారిత పరీక్షలో 100 ప్రశ్నలతో కూడిన ఒక ఆబ్జెక్టివ్ టైప్ పేపర్ ఉంటుంది. ఈ పరీక్షను పూర్తి చేయడానికి కేటాయించిన సమయం 120 నిమిషాలు. ఒక విభాగానికి సంబంధించి సీబీటీని ఒకే రోజులో ఒకటి/రెండు/మూడు సెషన్లలో నిర్వహించవచ్చు. ఎస్పీపీటీకి అర్హత సాధించడానికి షార్ట్ లిస్ట్ చేయడానికి ప్రతి అభ్యర్థి కంప్యూటర్ ఆధారిత పరీక్షలో కనీసం 40% మార్కులు సాధించాలి.

దరఖాస్తు ఫీజు
జనరల్, ఈడబ్ల్యూఎస్, ఓబీసీ (NCL) అభ్యర్థులు రూ.300/- అప్లికేషన్ ఫీజు (నాన్ రిఫండబుల్) ఆన్లైన్ పేమెంట్ గేట్ వే ద్వారా మాత్రమే చెల్లించాలి. వర్తించే బ్యాంకు ఛార్జీలను అభ్యర్థి భరించాల్సి ఉంటుంది. మరిన్ని వివరాలకు అభ్యర్థులు ఐఓసీఎల్ అధికారిక వెబ్సైట్ను చూడవచ్చు.

భారతదేశ సాంకేతిక రంగంలో రానున్న 2-3 ఏళ్లకుగాను 10 లక్షల మంది టెక్నాలజీ ఇంజినీర్ల అవసరం ఉందని నేషనల్ అసోసియేషన్ ఆఫ్ సాఫ్ట్‌వేర్ అండ్ సర్వీస్ సీనియర్ వైస్ ప్రెసిడెంట్ సంగీతా గుప్తా అంచనా వేశారు. విద్యార్థుల్లో కంపెనీలకు అవసరమయ్యే నైపుణ్యాలను పెంచితే తప్పా ఈ డిమాండ్‌ను పూడ్చలేమని స్పష్టం చేశారు

సందర్భంగా సంగీతా గుప్తా మాట్లాడుతూ..‘రాబోయే 2-3 ఏళ్లలో ఆర్టిఫిషియల్ ఇంటెలిజెన్స్‌తో పాటు ఇతర రంగాల్లో అధునాతన నైపుణ్యాలు కలిగిన దాదాపు 10 లక్షల మంది టెక్‌ ఇంజినీర్ల అవసరం ఉంది. దురదృష్టవశాత్తు కళాశాలలు విద్యార్థులకు తగినంత ప్రాక్టికల్ నైపుణ్యాలను అందించడం లేదు. దేశవ్యాప్తంగా నెలకొనే ఇంజినీర్ల కొరతను తీర్చాలంటే విద్యార్థుల్లో నైపుణ్యాలు పెంపొందించేలా ‍ప్రభుత్వం శిక్షణ అందించాలి.

ఏఐ, బిగ్ డేటా అనలిటిక్స్, సైబర్-సెక్యూరిటీ వంటి రంగాల్లో భారీ ఉద్యోగాలు రానున్నాయి. ప్రస్తుతం ఆయా రంగాల్లో పని చేస్తున్నవారు కూడా అధునాతన నైపుణ్యాలు పెంచుకోవాలి. వేగంగా మారుతున్న డిజిటల్‌ టెక్నాలజీలో కొలువులు సాధించాలంటే నిత్యం కొత్త సాంకేతికతనే నేర్చుకోవాల్సిందే’నని చెప్పారు.

కంపెనీ అవసరాలకు తగిన నైపుణ్యాలు లేకపోవడం వల్ల 80,000 ఉద్యోగాలను భర్తీ చేయలేకపోయామని గత నెలలో టీసీఎస్ తెలిపింది. మార్చితో ముగిసిన ఆర్థిక సంవత్సరంలో ఏఐపై శిక్షణ పొందిన ఉద్యోగుల సంఖ్యను కూడా రెట్టింపు చేసినట్లు చెప్పింది. ప్రముఖ ఇంజినీరింగ్, నిర్మాణ సంస్థగా పేరున్న లార్సెన్ అండ్‌ టూబ్రో లిమిటెడ్ జూన్‌లో తమ ఐటీ, ఐటీ ఆధారిత సేవల యూనిట్‌లో 20,000 ఇంజినీర్ల కొరత ఉందని పేర్కొంది

2028లో డిజిటల్ నైపుణ్యాలకు సంబంధించిన డిమాండ్ సరఫరా అంతరం 25 శాతం నుంచి 29 శాతానికి పెరుగుతుందని నాస్కామ్ అంచనా వేసింది. మార్కెట్‌లో ఉద్యోగ ఖాళీలు ఉన్నప్పటికీ సరైన నైపుణ్యాలు లేక కంపెనీలు కొంత ఇబ్బందులు పడుతున్నట్లు తెలుస్తుంది.

దేశ టెక్నాలజీ రంగ ఆర్థిక వ్యవస్థ 250 బిలియన్ల డాలర్లు(సుమారు రూ.20 లక్షల కోట్లు)గా ఉంటుందని అంచనా. ప్రస్తుతం ఈ రంగంలో దాదాపు 5.4 మిలియన్ల(54 లక్షల) మంది ప్రత్యక్షంగా, పరోక్షంగా ఉపాధి పొందుతున్నారు. దేశ స్థూల జాతీయోత్పత్తిలో టెక్నాలజీ సేవలు 7.5 శాతంగా నమోదవుతున్నాయి.

స్టాఫ్ సెలక్షన్ కమిషన్ అధికారిక వెబ్‌సైట్‌లో SSC CGL రిక్రూట్‌మెంట్ నోటిఫికేషన్‌ను విడుదల చేసింది. ఆసక్తి, అర్హత గల అభ్యర్థులు కంబైన్డ్ గ్రాడ్యుయేట్ లెవెల్ ఎగ్జామినేషన్ 2024 కోసం జూన్ 24 నుండి జూలై 24 వరకు దరఖాస్తు చేసుకోవచ్చు. అయితే దరఖాస్తు రుసుము చెల్లించడానికి చివరి తేదీ జూలై 25గా ఉంది. ఆగస్టు 10, 11 తేదీల్లో అప్లికేషన్ ఎడిట్ చేసుకునే ఆప్షన్ ఉంటుంది.

నోటిఫికేషన్ ప్రకారం ఈ రిక్రూట్‌మెంట్ ద్వారా మొత్తం 17727 ఖాళీలను భర్తీ చేస్తారు. SSC CGL అనేది జాతీయ స్థాయి పరీక్ష, ఇది అసిస్టెంట్ ఆడిట్ ఆఫీసర్, అసిస్టెంట్ అకౌంట్స్ ఆఫీసర్, ఇన్‌స్పెక్టర్ (ఎగ్జామినర్), సబ్ ఇన్‌స్పెక్టర్, అసిస్టెంట్ సెక్షన్ ఆఫీసర్, మరిన్ని వంటి వివిధ గ్రూప్ ‘బి’, ‘సి’ పోస్టుల కోసం నిర్వహిస్తారు.

18 నుండి 32 సంవత్సరాల వయస్సు గల గ్రాడ్యుయేట్లు తమ దరఖాస్తు ఫారమ్‌లను జూలై 24 వరకు సమర్పించవచ్చు. అభ్యర్థుల ఎంపిక టైర్ 1, టైర్ 2లో వారి మొత్తం ప్రతిభ ఆధారంగా ఉంటుంది. టైర్ 1 ఆధారంగా టైర్ 2కి అర్హత సాధిస్తారు.

SSC CGL పరీక్షను వివిధ గ్రూప్ B, C పోస్ట్‌ల కోసం షార్ట్‌లిస్ట్ చేసిన అర్హత గల అభ్యర్థులకు ప్రతి సంవత్సరం నిర్వహిస్తారు. SSC CGL అంటే స్టాఫ్ సెలక్షన్ కమిషన్ – కంబైన్డ్ గ్రాడ్యుయేట్ లెవెల్. ఇది వివిధ భారత ప్రభుత్వ సంస్థల్లో గ్రూప్ B, C (గెజిటెడ్, నాన్ గెజిటెడ్) పోస్టులను భర్తీ చేయడానికి SSC CGL ద్వారా పరీక్ష నిర్వహిస్తారు.

SSC CGL టైర్ 1 పరీక్ష తేదీలను కమిషన్ ఎప్పుడైనా ప్రకటిస్తుంది. అధికారిక నోటిఫికేషన్ ప్రకారం పరీక్ష సెప్టెంబర్ లేదా అక్టోబర్ 2024లో ఉండనుంది. గతేడాది గ్రూప్‌ బి, సి పోస్టుల కోసం 8,415 ఖాళీలను కమిషన్‌ నోటిఫై చేయగా, అంతకు ముందు ఏడాది 37,409 ఖాళీలను ప్రకటించింది.

SSC CGL విద్యా అర్హత
అభ్యర్థులు ఏదైనా విభాగంలో బ్యాచిలర్ డిగ్రీని కలిగి ఉండాలి. అయితే అసిస్టెంట్ ఆడిట్ ఆఫీసర్/అసిస్టెంట్ అకౌంట్స్ ఆఫీసర్ కోసం దరఖాస్తు చేసుకునే వారు తప్పనిసరిగా గ్రాడ్యుయేషన్ డిగ్రీ, CA/CS/MBA/కాస్ట్ అండ్ మేనేజ్‌మెంట్ అకౌంటెంట్/ కామర్స్‌లో మాస్టర్స్/ బిజినెస్ స్టడీస్‌లో మాస్టర్స్ కలిగి ఉండాలి. జూనియర్ స్టాటిస్టికల్ ఆఫీసర్ (JSO) పోస్ట్ కోసం గుర్తింపు పొందిన సంస్థ నుండి బ్యాచిలర్ డిగ్రీ (12వ తరగతిలో గణితంలో కనీసం 60 శాతం) ఉండాలి.

దరఖాస్తు వివరాలు
దరఖాస్తు గడువు: జూలై 24

ఫీజు చెల్లింపుకు చివరి తేదీ: జూలై 25

దరఖాస్తు ఫారమ్ ఎడిట్ ఆప్షన్ : ఆగస్టు 10 నుండి 11 వరకు

టైర్ 1 పరీక్ష కోసం తాత్కాలిక షెడ్యూల్: సెప్టెంబర్-అక్టోబర్

టైర్ 2 పరీక్ష కోసం తాత్కాలిక షెడ్యూల్ : డిసెంబర్, 2024.

దరఖాస్తు ఫీజు
SSC CGL 2024 కోసం దరఖాస్తు రుసుము రూ.100గా నిర్ణయించారు. రిజర్వేషన్ కోసం అర్హులైన షెడ్యూల్డ్ కులాలు (SC), షెడ్యూల్డ్ తెగలు (ST), వికలాంగులు అభ్యర్థులకు చెల్లింపు నుండి మినహాయింపు ఉంటుంది.