Connect with us

International

విశ్వశాంతికి ముప్పుగా మారిన పరిస్థితులు ఇవే..

Published

on

భారత్, పాకిస్థాన్ వివాదంతో పాటు ప్రపంచంలో సున్నితమైన అంశాలుగా చైనా-తైవాన్, ఉత్తరకొరియా, దక్షిణ కొరియా, ఇజ్రాయెల్-ఇరాన్ నిలిచాయి. రష్యా-యుక్రెయిన్ యుద్ధం కన్నా ముందే.. 2021లో చైనా-తైవాన్ మధ్య యుద్ధం జరుగుతుందన్న సందేహాలు నెలకొన్నాయి. ఇక ఉత్తరకొరియా-దక్షిణ కొరియా మధ్య మరోసారి యుద్ధవాతావరణం నెలకొంది.

వరుస క్షిపణి ప్రయోగాలతో ఉత్తరకొరియా కవ్విస్తోంది. యుద్ధం వస్తే ఎలా తప్పించుకోవాలన్న దానిపై దక్షిణకొరియా ప్రజలు రిహార్సల్స్ చేసుకుంటున్నారు. అటు ఇరాన్-ఇజ్రాయెల్ మధ్య తీవ్ర ఉద్రిక్తత నెలకొంది. ఇజ్రాయెల్‌పై ఇరాన్ డ్రోన్ దాడులు, ఇరాన్ అధ్యక్షుడు రైసీ దుర్మరణం వెనక ఇజ్రాయెల్-అమెరికా కుట్ర ఉందన్న ఆరోపణలతో పరిస్థితులు దిగజారాయి. ఈ పరిణామాలన్నీ ప్రపంచాన్ని మరింత గందరగోళంలోకి నెట్టివేస్తున్నాయి.

విద్వేషం పాలించే దేశం ఉంటుందా… విధ్వంసం నిర్మించే స్వర్గం ఉంటుందా.. ఉందంటే అది మనిషిది అయి ఉంటుందా… ఆయువు పోసే ఆయుధముంటుందా… అని ఓ తెలుగు పాటలో ప్రశ్నించారు సిరివెన్నెల. ప్రపంచదేశాలన్నీ సుహృద్భావంతో ఉంటేనే ప్రజలందరూ బాగుంటారు. ఒకదేశంతో మరో దేశం అభివృద్ధి విషయంలో, పాలన విషయంలో, ప్రజలకు సౌకర్యాలు అందించడంలో పోటీపడాలి కానీ… రాజుల కాలంలోలా రాజ్యవిస్తరణ కోసం, ఆధిపత్యం కోసం పనిచేయకూడదు.

కానీ కొన్నిదేశాలు ఇదే పనిచేస్తున్నాయి. పొరుగు దేశాల మధ్య గొడవలు పెట్టి..ఆయుధవ్యాపారం, పెత్తనమూ సాగిస్తున్నాయి. ఈ క్రమంలో సరిహద్దుదేశాలు శత్రుదేశాలుగా మిగిలిపోతున్నాయి. మరికొన్నిదేశాలకు విభేదాలు వారసత్వంగా వచ్చాయి. వాటిని చర్చలతో పరిష్కరించుకోకుండా విభేదాలను మరింత పెంచి పోషించే ప్రయత్నం చేస్తున్నారు పాలకులు. యుద్ధం ఎంత చేదుఫలాలనిస్తుందో రెండు ప్రపంచ యుద్ధాలు, తర్వాతి కాలంలో రెండు దేశాల మధ్య జరిగిన అనేక యుద్ధాలు నిరూపించినా… ఆ అనుభవాలనుంచి ఎవరూ గుణపాఠాలు నేర్చుకోలేదని తాజా పరిణామాలు సూచిస్తున్నాయి.

ద్రవ్యోల్బణం కొత్త రికార్డులు
ప్రపంచంలో చాలా దేశాల ఆర్థిక వ్యవస్థలు తీవ్ర ఒడిదుడుకులు ఎదుర్కోవడానికి, శ్రీలంక దివాళా తీయడానికి కారణం కరోనాతో పాటు వెనువెంటనే మొదలైన రష్యాయుక్రెయిన్ యుద్ధం. అది రెండు దేశాల మధ్య యుద్ధమే అయినా ప్రపంచదేశాలన్నింటిపై ఆ ప్రభావం పడింది. చాలా దేశాల్లో నిత్యావసరాల ధరలు చుక్కలనంటాయి. ద్రవ్యోల్బణం కొత్త రికార్డులు సృష్టించింది.

Advertisement

అయినా సరే..కొన్ని దేశాల వైఖరిలో మార్పు రావడం లేదు. యుద్ధోన్మాద చర్యలను తగ్గించుకోవడం లేదు. చైనా-తైవాన్, ఉత్తరకొరియా-దక్షిణ కొరియా, ఇజ్రాయెల్-ఇరాన్ ఈ జాబితా కిందకే వస్తాయి. ఈ దేశాలు కావాలని ఉద్రిక్తతలను పెంచుకుంటున్నాయి. యుద్ధానికి ఉవ్విళ్లూరుతున్నాయి. ప్రపంచాన్ని ప్రమాదంలోకి నెడుతున్నాయి.

1949లో తైవాన్ ఏర్పడిన దగ్గరినుంచి చైనాతో ఆ ప్రాంతానికి ఘర్షణలు కొనసాగుతున్నాయి. చైనా పునరేకీకరణ ఆ దేశ పాలకుల లక్ష్యంగా ఉంది. తైవాన్‌ను చాలా దేశాలు గుర్తించలేదు. అనేకసార్లు చైనా-తైవాన్ మధ్య యుద్ధ పరిస్థితులు నెలకొన్నాయి. తైవాన్ స్వతంత్రత గురించి మాట్లాడినప్పుడల్లా….చైనా భారీగా బలగాలను మోహరించడం, తైవాన్ జలసంధిలో యుద్ధ నౌకలను మోహరించడం, తైవాన్ భూభాగాలను ధ్వంసం చేయగలిగే క్షిపణులను పరీక్షించడం వంటి చర్యలతో భయపెట్టే ప్రయత్నం చేస్తుంటోంది.

తైవాన్‌ను ప్రత్యక్షంగా గుర్తించకపోయినప్పటికీ పరోక్షంగా ఆ దేశానికి అమెరికా అండదండలున్నాయి. రష్యా యుక్రెయిన్ యుద్ధంలో…యుక్రెయిన్‌కు పరోక్ష సాయం అందించినట్టుగా కాకుండా తైవాన్ కోసం అమెరికా స్వయంగా యుద్ధరంగంలోకి దిగుతుందన్న అంచనాలున్నాయి. చిన్నదేశమైనప్పటికీ..ప్రపంచానికి అవసరమైన కంప్యూటర్స్ చిప్స్ తయారీలో సగం అవసరాలను తైవానే తీరుస్తోంది. తైవాన్‌కు, అమెరికాకు మధ్య గట్టి వాణిజ్యసంబంధాలున్నాయి.

దీంతో చైనా-తైవాన్ మధ్య యుద్ధం వస్తే అది ఆ రెండు దేశాలతో ఆగదని, అమెరికా రంగంలోకి దిగితే పరిణామాలు మారిపోతాయని ఎప్పుడూ ఆందోళన వ్యక్తమవుతూనే ఉంటుంది. అయినా సరే చైనా పునరేకీకరణ గురించి ఆ దేశ పాలకులు మాట్లాడుతూనే ఉంటారు. తాజాగా తైవాన్‌లో కొత్త ప్రభుత్వం ఏర్పడడంతో చైనా మరోసారి కవ్వింపులకు దిగింది.. తైవాన్ చుట్టూ పనిష్‌మెంట్ డ్రిల్స్ నిర్వహిస్తోంది.

తైవాన్ కొత్త అధ్యక్షునిగా లై చింగ్ బాధ్యతలు చేట్టారు. తైవాన్ కొత్త అధ్యక్షుణ్ణి చైనా వేర్పాటువాదిగా ఆరోపిస్తూ ఆర్మీ, నావీ, ఎయిర్ ఫోర్స్ బలగాలను మోహరించింది. చైనాకు గట్టిగా బదులిచ్చేందుకు తైవాన్‌ కూడా సరిహద్దులకు భారీగా బలగాలను తరలిస్తోంది. మొత్తంగా రెండు దేశాల మధ్య మరోసారి యుద్ధవాతావరణం నెలకొంది.

Advertisement

ఇక 70 ఏళ్లగా ఎప్పుడూ యుద్ధవాతావరణంలో ఉంటున్న ఉత్తరకొరియా – దక్షిణకొరియా మధ్య మళ్లీ పరిస్థితులు దిగజారాయి. దక్షిణకొరియాకు అన్నివిధాలా మద్దతుగా ఉండే అమెరికాలో ఈ ఏడాది ఎన్నికలు జరగనుండడంతో ఉత్తరకొరియా ఏదో ఒక చర్యకు పాల్పడవచ్చన్న హెచ్చరికలు వినిపిస్తున్నాయి. ఖండాంతర క్షిపణులను, క్రూజ్ క్షిపణులను వరుసగా ప్రయోగిస్తోంది.

గత నెలలో ఆర్మీయూనివర్శిటీని సందర్శించిన సమయంలో ఉత్తర కొరియా అధినేత కిమ్ జోంగ్ ఉన్ తమ సైన్యాధికారులు, సైన్యాన్ని ఉద్దేశించి మాట్లాడుతూ యుద్ధానికి సిద్ధంగా ఉండాలని, ఆ సమయం వచ్చేసిందని పిలుపునివ్వడం సంచలనం సృష్టించింది. సాధారణంగా క్షిపణుల పరీక్షల సమయంలో, ఇతర ప్రభుత్వ కార్యక్రమాల్లో కిమ్ యుద్ధం గురించి మాట్లాడుతూ ఉంటారు.

అయితే ఈ సారి ఇవే మాటలను కిమ్ కాస్త గట్టిగా చెప్పారని…యుద్ధం గురించి హెచ్చరికగా మాట్లాడారని అంతర్జాతీయ నిపుణులు అంటున్నారు. యుద్ధం ఎప్పుడైనా రావొచ్చని భావించే దక్షిణ కొరియా ప్రజలు ఎప్పటిలానే ఇప్పుడు కూడా జాగ్రత్తలు తీసుకుంటున్నారు. యుద్ధం నుంచి సురక్షితంగా తప్పించుకునే నీరు, ఆహారం, మ్యాప్, దిక్సూచి, గ్యాస్ మాస్క్, శరీరానికి ధరించే కవచం వంటివాటితో ఓ కిట్ సిద్ధంగా ఉంచుకుంటున్నారు. కిమ్ రష్యాకు ఆయుధసాయం అందిస్తున్నారు.

రష్యాతో రాజకీయ సంబంధాలను మెరుగుపర్చుకున్నారు. ప్రస్తుతానికి ఉత్తరకొరియా, దక్షిణకొరియా మధ్య యుద్ధం తప్పదన్న సంకేతాలు కనిపించనప్పటికీ.. ఒక వేళ యుద్ధమంటూ జరిగితే ఉత్తరకొరియాకు మద్దతుగా రష్యా, చైనా, దక్షిణకొరియాకు మద్దతుగా జపాన్, అమెరికా రంగంలోకి దిగుతాయి. ఆ పరిస్థితులు మూడో ప్రపంచయుద్ధానికి దారితీసే ప్రమాదముంది.

ఇక ప్రపంచాన్ని శాంతికి దూరం చేస్తున్న మరో సంక్షోభం ఇరాన్-ఇజ్రాయెల్. ఇజ్రాయెల్-పాలస్తీనా మధ్య ఎప్పుడూ ఉద్రిక్త పరిస్థితులే ఉంటాయి. గత అక్టోబరు నుంచి గాజాపై ఇజ్రాయెల్ చేస్తున్న ప్రతీకారదాడులు ప్రపంచాన్ని భయకంపితులను చేస్తున్నాయి. ఇది చాలదన్నట్టు ఈ సంక్షోభంలోకి ఇరాన్ వచ్చి చేరింది. హమాస్‌కు ఇరాన్ ఆర్థిక, ఆయుధ సాయం అందిస్తోందని ఇజ్రాయెల్ ఆరోపిస్తోంది. సిరియాలో ఇజ్రాయిల్ దాడిలో ఇరాన్ అధికారులు చనిపోవడంతో ప్రతీకారంతో ఇరాన్ 300 డ్రోన్లతో ఇజ్రాయెల్‌పై విరుచుకపడింది.

Advertisement

తాజా ఉద్రిక్తతలు
ఇజ్రాయిల్, అమెరికా కలిసి ఇరాన్‌ను అంతర్జాతీయ సమాజంలో దోషిగా నిలబెట్టేందుకు ప్రయత్నిస్తున్నాయి. ఇరాన్, ఇజ్రాయెల్ మధ్య యుద్ధవాతావరణం నెలకొంది. సరిగ్గా ఈ తరుణంలోనే ఇరాన్ అధ్యక్షుడు అనుమానాస్పద హెలికాప్టర్ ప్రమాదంలో దుర్మరణం చెందడం, ఈ ప్రమాదం వెనక ఇజ్రాయెల్- అమెరికా హస్తముందన్న విశ్లేషణలు ఇజ్రాయెల్-ఇరాన్ మధ్య పరిస్థితులను మరింతగా దిగజార్చాయి. రెండు దేశాల మధ్య ఏ క్షణం ఏ జరుగుతుందోనన్న ఆందోళన వ్యక్తమవుతోంది.

ప్రస్తుతం భారత్-పాకిస్థాన్ మధ్య పరిస్థితులు ప్రశాంతంగానే ఉన్నాయి కానీ..పాక్ వైఖరి ఎప్పుడెలా మారుతుందో చెప్పలేం. దేశప్రజలకు తింటానికి తిండిలేకపోయినా పట్టించుకోకుండా భారత్‌తో యుద్ధానికి దిగగలిగే తెంపరితనం పాకిస్థాన్‌ది. కాబట్టి ఇది ఎప్పుడూ సున్నితమైన అంశమే.

ఇక ఉత్తరకొరియా-దక్షిణకొరియా సంక్షోభం, చైనా-తైవానా తాజా ఉద్రిక్తతలు, ఇరాన్-ఇజ్రాయెల్ ఘర్షణ… ప్రపంచాన్ని మరో యుద్ధం వైపు నడిపిస్తుందన్న భయాందోళన నెలకొంది. ప్రధాని మోదీ చెప్పినట్టు యుద్ధంలో అంతిమంగా గెలిచేదెవ్వరు లేరనేది నిజం. కావాలని ఉద్రిక్తతలు రెచ్చగొట్టేదేశాలు, కవ్వింపులకు పాల్పడే నాయకులు ఈ విషయాన్ని గుర్తుపెట్టుకోవాలి. మహాత్ముడు ప్రపంచానికి చాటిచెప్పిన శాంతిసందేశమే అన్ని సమస్యలకు శాశ్వత పరిష్కారం.

Continue Reading
Advertisement
Click to comment

Leave a Reply

Your email address will not be published. Required fields are marked *

International

‘మౌస్ జిగ్లింగ్‌’కు పాల్పడుతున్న ఉద్యోగులను తొలగించిన దిగ్గజ సంస్థ.. ‘మౌస్ జిగ్లింగ్‌’ అంటే ఏంటో తెలుసా?

Published

on

మౌస్ జిగ్లింగ్‌కు పాల్పడుతున్న ఉద్యోగులపై కఠిన చర్యలు తీసుకుంది అమెరికాలోని ప్రముఖ వెల్స్ ఫార్గో బ్యాంక్. ఫైనాన్షియల్ సర్వీసెస్, ఆన్‌లైన్ బ్యాంకింగ్ సేవలను అందిస్తున్న అమెరికాలోని దిగ్గజ బ్యాంకుల్లో ఒకటి వెల్స్ ఫార్గో.

ఇంటి నుంచి పనిచేసే కొందరు ఉద్యోగులు మౌస్ జిగ్లింగ్‌కు పాల్పడ్డారని ఆ బ్యాంకు గుర్తించింది. ఉద్యోగులు ఇటువంటి అనైతిక ప్రవర్తనను కనబర్చితే ఉపేక్షించబోమని ఆ బ్యాంకు తెలిపింది.

మౌస్ జిగ్లర్లు అంటే అవి సాఫ్ట్‌వేర్ ప్రోగ్రామ్‌లు. చిన్న పరికరంతో కూడి ఉంటుంది. సాధారణంగా మనం కంప్యూటర్ ముందు కూర్చున్నప్పుడు కీ బోర్డ్ లేదా మౌస్ ను కదిలిస్తున్నంత సేపు కంప్యూటర్ స్లీప్ మోడ్ లోకి వెళ్లదు. కంప్యూటర్ స్లీప్ మోడ్ లోకి వెళ్తే మనం కంప్యూటర్ ముందు లేమని కంపెనీకి తెలిసిపోతుంది.

కంపెనీని బోల్తా కొట్టించడానికి, కొందరు ఉద్యోగులు మౌస్ జిగ్లర్లను వాడి కంప్యూటర్ స్లీప్ మోడ్ లోకి వెళ్లకుండా చేస్తున్నారు. అది స్క్రీన్‌సేవర్‌ని యాక్టివేట్ చేయకుండా నిరోధిస్తోంది. దీంతో తమ ఉద్యోగి కంప్యూటర్ ముందే ఉండి పనిచేస్తున్నాడని కంపెనీ భావిస్తుంది.

అయితే, ఆ ఉద్యోగి కంప్యూటర్ ముందు ఉండకుండా, ఇతర పని చేసుకుంటూ ఉంటాడు. కంప్యూటర్ ముందు ఉద్యోగి లేకపోయినా.. పనిచేస్తున్నట్లు కంపెనీ భావించాలని వర్క్ ఫ్రం హోం చేస్తున్న ఉద్యోగులు అనైతికంగా మౌస్ జిగ్లర్లను వాడుతున్నారు. దీంతో కంప్యూటర్ ముందు కూర్చొని అధిక సమయం తమ ఉద్యోగి పనిచేస్తున్నట్లు కంపెనీ భావిస్తుందని ఉద్యోగులు అనుకుంటారు.

Advertisement

సాధారణంగా వర్క్ ఫ్రం హోం చేస్తున్న సమయంలో వాష్ రూమ్ వెళ్లినా, ఇంట్లో ఇతర పనులు చేసుకుంటున్నా కంప్యూటర్ స్లీప్ మోడ్ లోకి వెళ్తుంది. ఆయా పనులు చేస్తున్న సమయంలోనూ కంప్యూటర్ స్లీప్ మోడ్ లోకి వెళ్లకుండా మౌస్ జిగ్లర్లు వాడుతూ కంపెనీని మభ్యపెట్టారు ఉద్యోగులు. ఈ నేపథ్యంలోనే వెల్స్ ఫార్గో బ్యాంక్ వారిని ఉద్యోగం నుంచి తొలగించింది.

Continue Reading

International

చైనాలో చెట్లకు పక్షుల్లా వేలాడుతున్న మనుషులు..

Published

on

చిత్రవిచిత్ర సంఘటనలకు కేరాఫ్‌ అడ్రస్‌ చైనా.. తాజాగా అక్కడ యువత వినూత్నంగా నిరసన చేపట్టారు. వింత వింతగా ప్రవర్తిస్తున్నారు. యువకులంతా పక్షుల తరహాలో దుస్తులు ధరిస్తున్నారు. వాటిలాగే శబ్ధాలు చేస్తున్నారు. అందుకు ప్రభుత్వాలు తీసుకున్న ఓ చర్యే కారణమని తెలుస్తోంది. చైనాలో ‘996’ పని విధానాన్నిఉద్యోగులు వ్యతిరేకిస్తున్నారు. ఈ పని విధానంలో ఉద్యోగులు ఉదయం 9గంటల నుంచి సాయంత్రం 9గంటల వరకు పనిచేయాలి. వారానికి 6 రోజులు పనిదినాలు. అయితే ఈ వర్క్‌ కల్చర్‌ను ఉద్యోగులు,యువత తీవ్రంగా వ్యతిరేకిస్తున్నారు. పక్షుల తరహా దుస్తులు ధరిస్తున్నారు. ప్రత్యేకంగా డిజైన్‌ చేసిన రెక్కల్ని ధరించి చెట్లెక్కడం, కుర్చీ ఎక్కి తమ నిరసనను వ్యక్తం చేస్తున్నారు. ఇక పక్షుల తరహాలో ప్రవర్తించడం కొంచెం వింతగా ఉన్నప్పటికీ.. పనివిధానం, లేదంటే గంటల కొద్ది నిర్వహిస్తున్న స్టడీ అవర్స్‌ నుంచి తమకు విముక్తి కలిగించాలని, పక్షుల్లా తమకూ స్వేచ్ఛ కావాలనే ఉద్దేశ్యంతో ఇలా ప్రవర్తిస్తున్నట్లు తెలిపారు. ఈ ఆందోళన చేస్తున్నవారిలో ఇటీవల డిగ్రీ పూర్తి చేసుకొని ఉద్యోగాన్వేషణలో ఉన్నవారే ఎక్కువ ఉన్నట్లు తెలుస్తోంది. ర్యాట్‌రేస్‌లాంటి వర్క్‌ కల్చర్‌ , 996 పని విధానం వల్ల అనారోగ్యానికి గురవుతున్నామని ఆవేదన వ్యక్తం చేశారు. ఇక.. చైనాలోని యువత తమ దేశ పని, సంస్కృతిపై నిరసన వ్యక్తం చేయడం ఇదే మొదటిసారి కాదు. 2022లో బాయి లాన్ అనే పదాన్ని ట్రెండ్‌ చేశారు. ఎన్‌బీయే బాస్కెట్‌ బాల్‌ వీడియో గేమ్‌లో గెలిచే అవకాశాలు తక్కువగా ఉన్నప్పుడు ఉద్దేశపూర్వకంగా బాస్కెట్‌ బాల్‌ను విసిరే పద్ధతి. ఈ కాన్సెప్ట్‌ను ఉపయోగించిన చైనా పౌరులు పని సంస్కృతిపై అసంతృప్తిని వ్యక్తం చేస్తూ తమగళాన్ని వినిపించారు.

Continue Reading

International

Overseas Indians: డాలర్‌ డ్యామ్‌ గేట్లు ఎత్తేసిన ఎన్నారైలు – ఒక్క నెలలో రూ.9 వేల కోట్లు డిపాజిట్‌

Published

on

: ప్రవాస భారతీయులు గత కొంతకాలంగా డాలర్లను వెదజల్లుతున్నారు. పెద్ద మొత్తంలో డబ్బును స్వదేశానికి (భారతదేశానికి) పంపుతున్నారు.
ఈ ఏడాది ఏప్రిల్ నెలలో, ఎన్నారైలు లేదా ఓవర్సీస్ ఇండియన్స్ (Overseas Indians) వివిధ ఎన్నారై డిపాజిట్ పథకాల్లో ఒక బిలియన్ డాలర్లకు పైగా డిపాజిట్ చేశారు.

ఇటీవల, రిజర్వ్ బ్యాంక్ విడుదల చేసిన డేటా ప్రకారం… ప్రస్తుత ఆర్థిక సంవత్సరం మొదటి నెలలో (ఏప్రిల్ 2024), ప్రవాస భారతీయులు వివిధ NRI డిపాజిట్ స్కీముల్లో 1.08 బిలియన్ డాలర్లను డిపాజిట్ చేశారు. దీనిని రూపాయల్లో చెప్పుకుంటే, 9,000 కోట్ల రూపాయల పైమాటే.

సరిగ్గా ఏడాది క్రితం, 2023 ఏప్రిల్ నెలలో 150 మిలియన్ డాలర్లను NRI డిపాజిట్ స్కీముల నుంచి ప్రవాస భారతీయులు విత్డ్రా చేశారు. ఏడాదిలో పరిస్థితి రివర్స్ అయింది, భారీగా పెట్టుబడులు తిరిగి వచ్చాయి. 2024 ఏప్రిల్లో వచ్చిన డబ్బుతో కలిపి, ప్రవాస భారతీయుల మొత్తం డిపాజిట్ల విలువ 153 బిలియన్ డాలర్లకు చేరుకుంది.

రెండు పథకాల్లోకి గరిష్ట డిపాజిట్లు
భారత ప్రభుత్వం, ప్రవాస భారతీయుల కోసం చాలా డిపాజిట్ పథకాలను అమలు చేస్తోంది. వాటిలో, FCNR (ఫారిన్ కరెన్సీ నాన్ రెసిడెంట్) ఖాతా ఎక్కువ మందిని ఆకర్షించింది. ఏప్రిల్ నెలలో డిపాజిట్లు పెరిగిన పథకాల్లో రెండు రకాల FCNR ఖాతాలు ప్రముఖ పాత్ర పోషించాయి. అవి…
1. ఫారిన్ కరెన్సీ నాన్ రెసిడెంట్ (బ్యాంక్స్) లేదా FCNR (B)
2. నాన్ రెసిడెంట్ ఎక్స్టర్నల్ రూపీ అకౌంట్ లేదా NRE (RA)

రిజర్వ్ బ్యాంక్ డేటా ప్రకారం, ఈ ఏడాది ఏప్రిల్ నెలలో, 583 మిలియన్ డాలర్ల విలువైన డిపాజిట్లు NRE (RA) కిందకు వచ్చాయి. 483 మిలియన్ డాలర్ల విలువైన డిపాజిట్లను FCNR (B)లో డిపాజిట్ చేశారు. డాలర్తో పోలిస్తే రూపాయి బలహీనపడుతున్నప్పుడు FCNR (B) ఖాతా లాభదాయకంగా మారుతుంది. దీనికి కారణం, అటువంటి ఖాతాల్లో విదేశీ మారకానికి సంబంధించిన రిస్క్ను డిపాజిట్ తీసుకునే బ్యాంకులే భరిస్తాయి. అంటే, డాలర్తో రూపాయి విలువ బలహీనపడితే ఆ నష్టాన్ని బ్యాంకులే భరిస్తాయి. NRE (RA)లో దీనికి రివర్స్లో జరుగుతుంది, రిస్క్ డిపాజిటర్ వద్దనే ఉంటుంది. డాలర్తో పోలిస్తే రూపాయి బలపడుతున్న సమయంలో ఇది లాభదాయకమైన ఒప్పందంగా మారుతుంది.

Advertisement

డిపాజిట్ల పెరుగుదల వల్ల ఆర్థిక ప్రయోజనాలు
FCNR ఖాతాలోని డిపాజిట్లపై వచ్చే రాబడులు పెరిగితే, విదేశాల్లో నివసిస్తున్న భారతీయులకు ఆ ఖాతాలు మరింత ఆకర్షణీయంగా కనిపిస్తాయి. ఇటీవలి నెలల్లో ఈ అకౌంట్స్పై వచ్చే రిటర్న్స్ పెరిగాయి. అందువల్లే నాన్ రెసిడెంట్ ఇండియన్స్ ఆ ఖాతాల్లోకి భారీ మొత్తంలో డాలర్లను కుమ్మరిస్తున్నారు. NRI డిపాజిట్ల ద్వారా భారతదేశంలోకి విలువైన విదేశీ మారక ద్రవ్యం వచ్చి చేరుతుంది. ఆర్థిక వ్యవస్థకు ఇది బలం చేకూరుస్తుంది.

మరో ఆసక్తికర కథనం: పసిడి కోసం ఎగబడుతున్న కేంద్ర బ్యాంక్లు – బంగారం ధరలు ఇంకా పెరిగే అవకాశం!

Continue Reading
International4 hours ago

‘మౌస్ జిగ్లింగ్‌’కు పాల్పడుతున్న ఉద్యోగులను తొలగించిన దిగ్గజ సంస్థ.. ‘మౌస్ జిగ్లింగ్‌’ అంటే ఏంటో తెలుసా?

National4 hours ago

నీట్ అవకతవకలపై సీబీఐ విచారణ.. ఎఫ్ఐఆర్ నమోదు

National4 hours ago

నకిలీ కరెన్సీతో గిరిజనులకు మావోల మోసం- పెద్దఎత్తున డబ్బులు స్వాధీనం

National4 hours ago

కల్తీసారా బాధితులు కేర్​ లెస్​- లిమిట్​కు మించి తాగడం వల్లే!: కమల్ హాసన్​

National5 hours ago

సోమవారం నుంచే లోక్‌సభ తొలి సెషన్​- మోదీ ప్రమాణస్వీకారం అప్పుడే- తెలుగు ఎంపీలు ఎప్పుడంటే? – 18th Lok Sabha First Session

Andhrapradesh5 hours ago

సామాన్యులకు కూర’గాయాలు’ – vegetables prices in AP

National5 hours ago

Reservation Cancel: 65 శాతం బీసీ, ఎస్సీ, ఎస్టీ రిజర్వేషన్లు రద్దు.. హైకోర్టు సంచలన తీర్పు.

Andhrapradesh5 hours ago

Andhra Pradesh: మహిళలకు RTC బస్సుల్లో ఉచిత ప్రయాణంపై ప్రభుత్వం కీలక ప్రకటన

Political5 hours ago

బీఎస్పీ ఛీఫ్ కీలక నిర్ణయం.. వారసుడిని ప్రకటించిన మాయావతి

Cricket5 hours ago

IND vs AUS Pitch Report: డారెన్ సామీ స్టేడియంలో భారత్, ఆసీస్ మ్యాచ్.. పిచ్ రిపోర్ట్ చూస్తే పరేషానే.. ఎందుకో తెలుసా?

Technology6 hours ago

విజయవంతమైన పుష్పక్ విమానం

Railway21 hours ago

వృద్ధులు గర్భిణులకు గుడ్ …న్యూస్ రైల్వే ప్రయాణాల్లో వెసలు బాటు

National1 day ago

కేంద్రం సంచలన నిర్ణయం ….సామాన్య ప్రజలకు గుడ్ న్యూస్.

Andhrapradesh1 day ago

అసెంబ్లీలో పవన్ కళ్యాణ్ ఫస్ట్ స్పీచ్,… తప్పకుండా వినాలి

National2 days ago

కేజ్రీవాల్​కు మళ్లీ షాక్​- బెయిల్​పై దిల్లీ హైకోర్టు స్టే – Delhi HC stays Arvind Kejriwal Bail

International2 days ago

చైనాలో చెట్లకు పక్షుల్లా వేలాడుతున్న మనుషులు..

International2 days ago

Overseas Indians: డాలర్‌ డ్యామ్‌ గేట్లు ఎత్తేసిన ఎన్నారైలు – ఒక్క నెలలో రూ.9 వేల కోట్లు డిపాజిట్‌

Andhrapradesh3 days ago

ఋషికొండ నాకే ఇవ్వండి చంద్రబాబుకు ఆఫర్ ఇచ్చిన సుకేష్

Cinema3 days ago

Anupam Kher : బాలీవుడ్ స్టార్ న‌టుడు ఆఫీసులో దొంగ‌లు ప‌డ్డారు.. వీడియో షేర్ చేసిన అనుప‌మ్ ఖేర్

National3 days ago

లోక్‌సభ ప్రొటెం స్పీకర్‌గా భర్తృహరి మహతాబ్‌

National3 days ago

Infosys Offered: ఉద్యోగులకు ఇన్ఫోసిస్‌ బంపర్‌ ఆఫర్‌.. ఆ ఉద్యోగులకు ప్రోత్సాహకాలు.!

National3 days ago

మంచుకొండల్లో, యుద్ధనౌకలపై సైనికుల ఆసనాలు- కాశ్మీరంలో మోదీ- దేశవ్యాప్తంగా ఘనంగా యోగా దినోత్సవం – international yoga day

National3 days ago

‘నీట్​ పేపర్​ లీకేజీ నిజమే- పరీక్ష ముందురోజే విద్యార్థుల చేతికి ప్రశ్నాపత్రాలు- రూ.30లక్షలకు బేరం’ – neet ug 2024 controversy

Andhrapradesh3 days ago

అసెంబ్లీ సమావేశాలు.. ఈరోజు నుండి

Andhrapradesh3 days ago

Tirumala News: తిరుమల కాలినడక భక్తులకు అలర్ట్… టీటీడీ కొత్త నిర్ణయం

Andhrapradesh4 days ago

కొత్త సలహాదారుల నియామకం… ఏ బి తో సహా

Andhrapradesh4 days ago

రిటైర్డ్ ఉద్యోగస్తుల విషయంలో ప్రభుత్వం కీలక ఆదేశాలు…AP

Weather4 days ago

జాడలేని వానలు….. ఇలాగైతే కష్టమే…

Technology4 days ago

WhatsApp AR Features : వాట్సాప్‌లో త్వరలో ఇంట్రెస్టింగ్ ఏఆర్ ఫీచర్లు.. వీడియో, ఆడియో కాల్స్ ఎంజాయ్ చేయొచ్చు..!

Andhrapradesh4 days ago

బాధ్యతలు స్వీకరించిన మంత్రులు- తొలిసంతకాలు వాటిపైనే! – AP MINISTERS

Business4 weeks ago

Jio.. వినియోగదారులకు ముఖేష్ అంబానీ బంపర్ ఆఫర్…. 299 రూపాయలకే సంవత్సరం అంతా…

Career4 weeks ago

విద్యార్థులకు గుడ్ న్యూస్: భారత ప్రభుత్వం అందిస్తోన్న సాఫ్ట్‌వేర్ కోర్సులు..అప్లయ్ చేసుకోండి..!

Business4 weeks ago

ఈనెలలో వడ్డీ రేట్లు పెంచిన బ్యాంకులివే.. 9.10 శాతం ఆఫర్.. రూ.1 లక్షకు ఎంతొస్తుంది

Business4 weeks ago

ఉద్యోగులకు TCS కొత్త రూల్! ఉద్యోగులు అలా చేస్తే జీతంలో కోతలు

News4 weeks ago

జూన్ 1 నుండి కొత్త ట్రాఫిక్ నిబంధనలు

National2 months ago

IRCTC Tatkal Ticket ఇలా చేస్తే.. ట్రైన్ తత్కాల్ టికెట్ వెంటనే బుక్ అయిపోతుందని తెలుసా.. మీరూ ఓసారి ట్రై చేసి చూడండి..

Education2 weeks ago

వ‌చ్చే వారం నుంచి పాఠ‌శాల‌ల పునఃప్రారంభం.. త‌ల్లిదండ్రుల ఆందోళ‌న ఇందుకేనా!

Crime News2 weeks ago

జమ్మూ కాశ్మీర్లో దాడి చేసింది మేమే …TRF ప్రకటన

National2 weeks ago

Toll Plaza: ఇక ఫాస్టాగ్స్‌కు గుడ్‌బై.. టోల్‌ ప్లాజాల వద్ద కొత్త టెక్నాలజీ.. కేంద్రం కీలక నిర్ణయం!

National2 weeks ago

ప్రధానిగా బాధ్యతలు స్వీకరించిన నరేంద్ర మోడీ తొలి సంతకం ఈ ఫైలు పైనే

Andhrapradesh2 weeks ago

పవన్ కొత్త బాధ్యతలు ఖరారు చేసిన చంద్రబాబు – ఏరి కోరి..!!

National4 weeks ago

అయోధ్యలోనూ తిరుమల తరహాలో.. గుడ్‌న్యూస్ చెప్పిన దినేశ్‌ రామచంద్ర

Andhrapradesh2 weeks ago

250 ప్రోక్లైన్లతో చెట్లు తొలగింపు… అమరావతి ప్రక్షాళన

Andhrapradesh2 weeks ago

SCHOOL HOLIDAYS: స్కూలు సెలవులు పొడగింపు.. పున:ప్రారంభం తేదీ మార్పు?

National2 weeks ago

నరేంద్ర మోడీ మంత్రి వర్గం ….వారి శాఖలు

Telangana4 weeks ago

Telangana: విద్యార్థులకు గమనిక.. మారిన ప్రభుత్వ పాఠశాలల టైమింగ్స్

Andhrapradesh2 weeks ago

ఆంధ్రప్రదేశ్లో కాబోయే మంత్రులు వీరే…

Andhrapradesh2 weeks ago

ఏపీలో మహిళలకు ఉచిత బస్సు అమలు – బిగ్ అప్డేట్..!!

Spiritual2 weeks ago

Tirumala : గోవిందనామంతో హోరెత్తుతున్న తిరుమల గిరులు

Political2 weeks ago

పొత్తు పెట్టుకుందామని చెప్పిన మొదటి వ్యక్తి పవన్ కళ్యాణ్ ..,…చంద్రబాబు

Political7 days ago

కిరణ్ కుమార్ రెడ్డికి రాజయోగం …ఓకే అన్న చంద్రబాబు

Spiritual2 weeks ago

Tirumala : వెంకటేశా.. ఇంత సమయమా?

Business4 weeks ago

ఈ నైపుణ్యాలున్న సాఫ్ట్‌వేర్ ఇంజినీర్లకు ఫుల్ డిమాండ్.. కోట్ల రూపాయల శాలరీ

Andhrapradesh2 weeks ago

వైసీపీ ఎంపీల బీజేపీ బాట – చంద్రబాబు ఫార్ములా..!!

National2 weeks ago

కాశ్మీర్లో మళ్లీ ఉగ్రదాడి ఆర్మీ బేస్ పై కాల్పులు…. ఒకరి మృతి

Andhrapradesh2 weeks ago

ప్రధాని మోడీ పర్యటనకు …గట్టి భద్రత

Spiritual4 weeks ago

చార్ ధామ్ యాత్ర‌కు పొటెత్తిన భక్తులు.. గ‌త ఏడాదికంటే ఎక్కువే!

Andhrapradesh4 weeks ago

అట్టహాసంగా ప్రారంభమైన పోలేరమ్మ జాతర – పోటెత్తిన భక్తులు – Poleramma Jatara

News2 weeks ago

Breaking: ఈనాడు సంస్థల అధినేత రామోజీరావుకు తీవ్ర అస్వస్థత.. ఆస్పత్రికి తరలింపు

Andhrapradesh2 weeks ago

AP Schools Reopen Date 2024: ఏపీలో వేసవి సెలవుల పొడిగింపు.. తిరిగి బడి గంట మోగేది అప్పుడే!

Trending