International
రోహింజ్యాలను ఒకప్పుడు ఊచకోత కోసిన మియన్మార్ ఆర్మీ ఇప్పుడు వారి సాయం ఎందుకు కోరుతోంది?
![](https://infoline.one/wp-content/uploads/2024/04/7b66b6bdbe0ae6672053714ae9b9a87d8c3dd8f0577406a57c2f1fbee75d06c8.webp)
మియన్మార్ సైన్యం వేలాది మంది రోహింజ్యాలను చంపి, లక్షలాది మందిని పక్కనే ఉన్న బంగ్లాదేశ్కి తరిమేసింది
వేలాది మంది ముస్లిం రోహింజ్యాలను ఊచకోత కోసిన మియన్మార్ సైన్యం దాదాపు ఏడేళ్ల తర్వాత ఇప్పుడు వారి సాయం కోరుతోంది.
అప్పటి ఈ దారుణ అణచివేతను ఐక్యరాజ్యసమితి జాతి నిర్మూలన ఉదంతానికి స్పష్టమైన ఉదాహరణగా అభివర్ణించింది.
రఖైన్ రాష్ట్రంలో నివసిస్తున్న వందలాది మంది రోహింజ్యాలను బీబీసీ ఇంటర్వ్యూ చేసినప్పుడు, వారిలో కనీసం 100 మందిని కొద్దివారాల కిందట బలవంతంగా సైన్యంలో చేర్చుకున్నట్లు తెలిసింది. వారి ప్రాణాలకు ముప్పు ఉండడంతో వారి పేర్లను మార్చాం.
”నాకు భయమేసింది. కానీ వెళ్లక తప్పలేదు” అని ముగ్గురు చిన్నపిల్లలున్న రోహింగ్యా మహ్మద్ చెప్పారు. ఆయన రఖైన్ రాజధాని సిట్వేలోని బా డు ఫా క్యాంప్లో ఉంటున్నారు. ఊచకోత కారణంగా నిర్వాసితులైన దాదాపు 1,50,000 మంది రోహింజ్యాలు దశాబ్ద కాలంగా ఐడీపీ శిబిరాల్లోనే తలదాచుకోవాల్సి వస్తోంది.
ఫిబ్రవరి నెల మధ్యలో ఓ రోజు అర్థరాత్రి క్యాంప్ లీడర్ తన వద్దకు వచ్చారని మహ్మద్ చెప్పారు. సైనిక శిక్షణ తీసుకోవాల్సి ఉంటుందని ఆయన చెప్పారు. ”ఇవి ఆర్మీ ఆదేశాలు” అంటూ ఆయన చెప్పిన విషయాలను మహ్మద్ గుర్తు చేసుకున్నారు. ”అందుకు నువ్వు నిరాకరిస్తే వాళ్లు నీ కుటుంబానికి హాని చేస్తారని బెదిరించారు.”
క్యాంపుల చుట్టూ తిరుగుతూ యువకులు సైనిక శిక్షణకు వెళ్లాలని ఆదేశించారని చెప్పిన కొందరు రోహింజ్యాలతో బీబీసీ మాట్లాడింది.
ఇప్పటికీ రోహింజ్యాలకు పౌరసత్వాన్ని నిరాకరిస్తున్నారు. బయటి ప్రాంతాల్లో ప్రయాణంపై నిషేధం ఉంది. ఇలాంటి వివక్షాపూరిత పరిమితులకు లోబడి జీవించడం మహ్మద్ లాంటి రోహింజ్యాలకు ఇప్పటికీ భయంకరమైన విషయమే.
![](https://assets-news-bcdn.dailyhunt.in/cmd/resize/360x100_60/fetchdata16/images/9a/b8/44/9ab84445df87fe80b46271018cf7417ad7fca1e077fd452b666da8010471e85d.webp)
రోహింజ్యాలు దశాబ్ద కాలంగా శిబిరాల్లో తలదాచుకోవాల్సి వచ్చింది
2012లో వేల సంఖ్యలో రోహింజ్యాలను రఖైన్ రాష్ట్రం నుంచి తరిమేశారు. ఆ తర్వాత వారు దుర్భరమైన శిబిరాల్లో తలదాచుకోవాల్సి వచ్చింది. ఐదేళ్ల తర్వాత 2017లో సైన్యం క్లియరెన్స్ ఆపరేషన్ చేపట్టి వేలాది మందిని క్రూరంగా హత్య చేయడం, మహిళలపై అత్యాచారాలు, గ్రామాలను తగలబెట్టడంతో దాదాపు 7 లక్షల మంది రోహింజ్యాలు పక్కనే ఉన్న బంగ్లాదేశ్కు పారిపోయారు. వారిలో 6,00,000 మంది ఇప్పటికీ అక్కడే ఉన్నారు.
రోహింజ్యాలపై వ్యవహరించిన తీరుపై మియన్మార్ ఇప్పుడు హేగ్లోని అంతర్జాతీయ న్యాయస్థానంలో మారణహోమం కింద విచారణను ఎదుర్కొంటోంది.
అదే సైన్యం ఇప్పుడు రోహింజ్యాలను బలవంతంగా నియమించుకోవడం దాని నిస్సహాయతకు సంకేతం. జాతిపరమైన తిరుగుబాటుదారుల గ్రూపు అరకాన్ ఆర్మీ ఇటీవల రఖైన్లో భారీ భూభాగాన్ని స్వాధీనం చేసుకుంది. ఇదే రఖైన్లో డజన్ల కొద్దీ రోహింజ్యాలు సైనిక ఫిరంగులు, వైమానిక బాంబు దాడుల్లో చనిపోయారు.
దేశంలోని ఇతర ప్రాంతాల్లోనూ ప్రత్యర్థి దళాల చేతిలో మియన్మార్ మిలిటరీ భారీ నష్టాలను చవిచూసింది. తూర్పు సరిహద్దున థాయ్లాండ్ బోర్డర్లో ఉన్న మైవాడి అనే పట్టణంపై కూడా శనివారం సైన్యం నియంత్రణ కోల్పోయింది. భూఉపరితల మార్గాల్లో అత్యధికంగా ఈ మార్గం ద్వారానే వాణిజ్యం జరుగుతుంది.
మియన్మార్ సైన్యం పెద్ద సంఖ్యలో సైనికులను కూడా కోల్పోయింది. చాలా మంది చనిపోయారు, గాయాలపాలయ్యారు. మరికొందరు ప్రత్యర్థికి లొంగిపోవడం లేదా ఫిరాయించేశారు. దీంతో సైన్యానికి ప్రత్యామ్నాయ మార్గాలు కూడా కష్టమయ్యాయి. జనాదరణ లేని పాలన, పాలకుల కోసం ప్రాణాలు పణంగా పెట్టేవారు చాలా తక్కువ మందే ఉంటారు.
దీంతో తమను మరోసారి లక్ష్యంగా చేసుకుంటున్నారని రోహింజ్యాలు భయపడుతున్నారు. ఈ యుద్ధంలో సైన్యం ఓడిపోతున్నట్లు కనిపిస్తోంది.
తనను సిట్వేలోని 270వ లైట్ ఇన్ఫాంట్రీ బెటాలియన్కు తీసుకెళ్లారని మహ్మద్ చెప్పారు. 2012లో జరిగిన జాతి హింస కారణంగా తరిమివేసినప్పటి నుంచి రోహింజ్యాలకు ఈ పట్టణంలో నివాసంపై నిషేధం ఉంది.
”బుల్లెట్లు ఎలా లోడ్ చేయాలి, ఎలా కాల్చాలనే విషయాలను నేర్పించారు” అని చెప్పారు. ”తుపాకీని ఊడదీయడం, మళ్లీ బిగించడం ఎలాగో చూపించారు.”
మియన్మార్ సైన్యం, జాతిపరమైన తిరుగుబాటు గ్రూపు మధ్య మూడేళ్లుగా అంతర్యుద్ధ కొనసాగుతోంది
మహ్మద్కు రెండు వారాలపాటు శిక్షణ ఇచ్చి ఆ తర్వాత ఇంటికి పంపించారు. రెండు రోజుల తర్వాత మళ్లీ తీసుకెళ్లి, మరో 250 మంది సైనికులున్న బోటులో ఎక్కించారు. రాథేడాంగ్ నదిలో ఐదుగంటల ప్రయాణం సాగింది. అక్కడి కొండలపై ఉన్న మూడు సైనిక స్థావరాలపై పట్టు కోసం అరకాన్ ఆర్మీతో భీకర యుద్ధం జరుగుతోంది.
”నేను ఎందుకు పోరాడుతున్నానో నాకు తెలీదు. వాళ్లు నన్ను రఖైన్లో కాల్పులు చేయమని చెప్పినా, చేయాలి.”
మహ్మద్ అక్కడ 11 రోజులపాటు పోరాడారు. అక్కడ ఆహారం నిల్వవుంచే గుడిసెపై బాంబు పడడంతో ఆహార కొరత తలెత్తింది. బలవంతంగా తీసుకెళ్లిన రోహింజ్యాలు ఫిరంగుల దాడిలో చనిపోవడం చూశారు. బాంబు పేలి పదునైన వస్తువు దూసుకొచ్చి తన రెండుకాళ్లకు గాయాలవడంతో ఆయనను చికిత్స కోసం సిట్వేకి తీసుకొచ్చారు.
ఆ మూడు స్థావరాలను స్వాధీనం చేసుకున్న తర్వాత అరకాన్ ఆర్మీ మార్చి 20న యుద్ధభూమి నుంచి ఫోటోలను విడుదల చేసింది. అందులో చాలా మంది శవాలుగా పడివున్నారు. వారిలో ముగ్గురిని రోహింజ్యాలుగా గుర్తించారు.
”యుద్ధంలో ఉన్న సమయంలో నాకు భయంభయంగానే ఉంది. నా కుటుంబం గురించి ఆలోచిస్తూ ఉన్నా. అలా యుద్ధం చేయాల్సి వస్తుందని నేనెప్పుడూ అనుకోలేదు. ఇంటికి వెళ్లాలనిపించింది. ఆస్పత్రి నుంచి ఇంటికి రాగానే అమ్మను కౌగిలించుకుని ఏడ్చేశా. మా అమ్మ కడుపులో నుంచి మళ్లీ పుట్టినట్లు అనిపించింది.” అని మహ్మద్ చెప్పారు.
బలవంతంగా తీసుకెళ్లిన మరో రోహింజ్యా హుస్సేన్ సిట్వే సమీపంలోని ఓహ్న్ తా గ్యి క్యాంప్ నుంచి వచ్చారు. ఆయన సోదరుడు మహమూద్ను ఫిబ్రవరిలో తీసుకెళ్లి సైనిక శిక్షణ పూర్తి చేయించారని, అయితే యుద్ధానికి పంపేలోపు ఎవరికీ కనిపించకుండా అజ్ఞాతంలోకి వెళ్లిపోయాడని చెప్పారు.
అయితే, అరకాన్ ఆర్మీతో పోరాడేందుకు రోహింజ్యాలను ఉపయోగించుకుంటున్నారన్న వాదనలను సైన్యం ఖండించింది. వారిని యుద్ధభూమిలోకి పంపే ఆలోచన లేదని సైన్యం అధికార ప్రతినిధి జా మిన్ తున్ బీబీసీతో చెప్పారు. ”వారికి మేం భద్రత కల్పించాలనుకుంటున్నాం. వాళ్ల రక్షణ కోసమే సాయంగా ఉండాలని కోరాం” అన్నారు.
కానీ బీబీసీకి ఇచ్చిన ఇంటర్వ్యూల్లో, సిట్వే సమీపంలోని ఐదు వేర్వేరు ఐడీపీ శిబిరాల్లో ఉంటున్న ఏడుగురు రోహింజ్యాలు ఒకే విషయం చెప్పారు. ఈ ఏడాది రిక్రూట్ చేసుకుని, యుద్ధానికి పంపిన కనీసం వంద మంది రోహింజ్యాల గురించి తమకు తెలుసని వారు చెప్పారు.
రఖైన్ రాష్ట్రంలో రోహింజ్యాలు ఇప్పుడు సైన్యం, తిరుగుబాటు గ్రూపుల మధ్య చిక్కుకున్నారు
సైన్యం, స్థానిక ప్రభుత్వాధికారుల బృందాలు ఫిబ్రవరిలో శిబిరాలకు వచ్చాయని, యువకులు నిర్బంధ సైనికులుగా చేరాల్సి ఉంటుందని, సైన్యంలో చేరితే వారికి ఆహారం, వేతనాలతో పాటు పౌరసత్వం కూడా లభిస్తుందని తొలుత చెప్పారని వారు అన్నారు. అవి వారికి బలమైన ఎరలు.
అరకాన్ ఆర్మీతో రోజురోజుకీ ఘర్షణలు పెరగడం, అంతర్జాతీయంగా సహాయ సామగ్రి నిలిపివేతతో ఐడీపీ శిబిరాల్లో ఆహార కొరత ఏర్పడడంతో పాటు ఖరీదైన వ్యవహారంగా మారింది. ఈ పౌరసత్వ నిరాకరణ అనేది రోహింజ్యాల సుదీర్ఘ పోరాటంలో గుండెకాయ వంటిదని, వర్ణవివక్ష మాదిరిగా సమాజంలో గూడుకట్టుకుపోయిన ఒక వివక్ష అని మానవ సంఘాలు అభివర్ణిస్తున్నాయి.
అయితే, సైనికులు బలవంతంగా వారిని తీసుకెళ్లేందుకు వచ్చినప్పుడు, ఈ పౌరసత్వ ప్రతిపాదనను ఉపసంహరించుకున్నారు. దేశ పౌరులు కానివారు నిర్బంధంగా సైన్యంలో ఎందుకు చేరాలని అడిగినప్పుడు, మీరు నివసిస్తున్న భూమిని రక్షించుకోవాల్సిన బాధ్యత మీపై కూడా ఉంటుందని వారికి చెప్పారు. వాళ్లు సాయుధులే కానీ, సైనికులు కాదని చెప్పారు. పౌరసత్వం గురించి అడిగినప్పుడు ”మీరు తప్పుగా అర్థం చేసుకున్నారు” అని సమాధానం వచ్చింది.
నిర్బంధ సైన్యంలో చేరే వారి జాబితా కోసం సైన్యం డిమాండ్ చేస్తోందని ఒక క్యాంప్ కమిటీ సభ్యుడు తెలిపారు. అయితే ఇంతకుముందు యుద్ధంలోకి వెళ్లిన వారి అనుభవాలను తెలుసుకున్న తర్వాత ఎవరూ అంత రిస్క్ తీసుకోవడానికి సిద్ధంగా లేదని ఆయన చెప్పారు.
దీంతో క్యాంపు నాయకులు ఇప్పుడు పేద వర్గాలకు చెందిన పురుషులను, ఉద్యోగాలు లేనివారిని ఒప్పించేందుకు ప్రయత్నిస్తున్నారు. వారు సైన్యంలోకి వెళ్లిన సమయంలో, వారి కుటుంబాలను పోషించుకునేందుకు విరాళాల ద్వారా వచ్చిన సొమ్ము అందజేస్తామని చెబుతున్నారు.
”ఇలా నిర్బంధంగా సైన్యంలో చేర్చుకోవడం చట్టవిరుద్ధం. బలవంతంగా పని చేయించుకోవడంతో సమానం” అని మానవ హక్కుల సంఘం ఫోర్టిఫై రైట్స్కి చెందిన మాథ్యూ స్మిత్ అన్నారు.
”దీనివెనక క్రూరమైన, దుర్మార్గమైన ప్రయోజనం దాగుంది. దేశవ్యాప్తంగా పెల్లుబుకుతున్న ప్రజాస్వామ్య విప్లవాన్ని నిరోధించే ప్రయత్నంలో రోహింజ్యా మారణహోమం బాధితులను సైన్యం నిర్బంధంగా వాడుకుంటోంది. మనుషుల జీవితాలకూ ఈ పాలనకూ ఎలాంటి సంబంధం లేదు.
“జరుగుతున్నదానికి క్రూరమైన మరియు దుర్మార్గమైన ప్రయోజనం ఉంది. దేశవ్యాప్త ప్రజాస్వామ్య విప్లవాన్ని నియంత్రించే ప్రయత్నంలో సైన్యం రోహింజ్యా మారణహోమం బాధితులను బలవంతంగా వాడుకుంటోంది. ఈ పాలకులకు మనిషి ప్రాణాలపై ఎలాంటి గౌరవం లేదు. సుదీర్ఘ కాలంగా జరుగుతున్న దురాగతాలకు ఇది కొనసాగింపు.”
అరకాన్ ఆర్మీతో జరుగుతున్న పోరాటంలో రోహింజ్యాలను వాడుకోవడం ద్వారా రఖైన్లోని సంప్రదాయ బౌద్ధ జనాభాతో మతవివాదం మళ్లీ రాజేస్తామని మియన్మార్ సైన్యం బెదిరించింది. వీరిలో ఎక్కువ మంది తిరుగుబాటుదారులకు మద్దతుగా నిలుస్తున్నారు.
2012లో రెండు జాతుల మధ్య తలెత్తిన ఘర్షణల కారణంగా సిట్వే వంటి పట్టణాల నుంచి వేల మంది రోహింజ్యాలను బహిష్కరించారు. 2017లో రోహింజ్యాలపై సైన్యం చేసిన దాడుల్లో రఖైన్ పురుషులు కూడా పాల్గొన్నారు.
ఆ తర్వాత రెండు వర్గాల మధ్య ఉద్రిక్తతలు తగ్గాయి.
2017లో రఖైన్ రాష్ట్రంలోని కొన్ని గ్రామాలకు గ్రామాలను దగ్ధం చేశారు
మియన్మార్లో సైనిక ప్రభుత్వాన్ని కూలదోసి కొత్త సమాఖ్య వ్యవస్థను రూపొందించేందుకు ఇతర జాతుల సమూహాలు, ప్రత్యర్థి సమూహాలతో కలిసి అరకాన్ ఆర్మీ పోరాడుతోంది.
ప్రస్తుతం రఖైన్ రాష్ట్రంలో విజయానికి చేరువైన అరకాన్ ఆర్మీ బంగ్లాదేశ్ నుంచి తిరిగి వచ్చిన రోహింజ్యా జనాభాను అంగీకరించే అవకాశాన్ని సూచిస్తూ ఇక్కడ నివసిస్తున్న వారందరికీ పౌరసత్వం గురించి ప్రస్తావించింది.
అయితే, ఇప్పుడు ఆ పరిస్థితి మళ్లీ మారింది.
అరకాన్ ఆర్మీ ప్రతినిధి ఖైంగ్ తుఖా బీబీసీతో మాట్లాడుతూ, రోహింజ్యాలను సైన్యం కోసం పోరాడాలని నిర్బంధించడాన్ని “మారణహోమం బాధితులకు, నియంతృత్వం నుంచి విముక్తి కోసం పోరాడుతున్న వారికి ఇది తీరని ద్రోహం” అని ఆయన అభిప్రాయపడ్డారు.
అరకాన్ ఆర్మీకి వ్యతిరేకంగా బుతిడాంగ్లో రోహింజ్యాలు నిరసన తెలుపుతున్నట్లు కనిపిస్తున్న ఘటనలకు మిలిటరీ అనుకూల మీడియా కూడా ప్రచారం కల్పిస్తోంది. అయితే, రెండు గ్రూపులుగా విభజించే ప్రయత్నంలో సైన్యమే ఈ నిరసనలు నిర్వహించినట్లు స్థానికులు బీబీసీతో చెప్పారు.
మియన్మార్లో నివసించే హక్కు కల్పించని సైన్యం కోసం ఇప్పుడు రోహింజ్యాలు పోరాడాల్సి వచ్చింది, తద్వారా రఖైన్లో ఎక్కువ భాగాన్ని నియంత్రణలోకి తెచ్చుకోగలిగిన జాతిపరమైన తిరుగుబాటుదారులను వారికి దూరం చేస్తున్నారు. ఒకప్పుడు ఇద్దరికీ టార్గెట్ అయినవారు ఇప్పుడు ఇద్దరి మధ్య చిక్కుకున్నారు.
తమ తరఫున యుద్ధంలో పాల్గొన్నట్లు మహ్మద్కు సైన్యం సర్టిఫికెట్ ఇచ్చింది. అది ఎందుకు పనికొస్తుందో, ఆ తర్వాత సైన్యంలో చేరకుండా మినహాయింపు లభిస్తుందో లేదో తెలియదు. అరకాన్ ఆర్మీ సిట్వే వైపు, అతను ఉంటున్న శిబిరం వైపు వస్తే మహ్మద్ ఇబ్బందులో పడొచ్చు.
ఆయన ఇప్పుడిప్పుడే గాయాల నుంచి కోలుకుంటున్నారు. కళ్లముందు జరిగిన వాటిని చూసిన తర్వాత నిద్రపట్టడం లేదని అంటున్నారు.
“మళ్లీ ఫోన్ చేస్తారేమోనని భయంగా ఉంది. ఇప్పుడు ఏదో అదృష్టవశాత్తూ తిరిగొచ్చాను. కానీ, మళ్లీ వెళ్లాల్సి వస్తే ఏం జరుగుతుందో నా ఊహకు అందడం లేదు.”
International
యుద్ధం వస్తే ఎలా? టెక్నాలజీపరంగా ఇరాన్, ఇజ్రాయెల్ ఎవరు స్ట్రాంగ్?
![](https://infoline.one/wp-content/uploads/2024/08/New-Project-2-8_V_jpg-816x480-4g.webp)
యుద్ధం అంటేనే ఆయుధాలు, అగంబలంతో పని. ఇరాన్, ఇజ్రాయెల్ వార్లోనూ సేమ్ సీన్. ఆకాశమే యుద్ధభూమిగా చేసుకుని దాడులు చేసుకుంటున్న ఇరాన్, ఇజ్రాయెల్..బలాబలాలపై ఆసక్తికర చర్చ జరుగుతోంది. యుద్ధం జరిగితే ఎవరు పైచేయి సాధించే అవకాశం ఉందన్నదానిపై అంతర్జాతీయ స్థాయిలో చర్చ జరుగుతోంది.
ఏప్రిల్లో ఇరాన్ చేసిన దాడితో ఇజ్రాయెల్కు చెప్పుకోదగ్గ స్థాయిలో నష్టమేమి జరగలేదు. ఇప్పుడు ఇరాన్ దాడులు ఎలా ఉంబోతున్నాయి..వాటిని ఇజ్రాయెల్ ఎలా తిప్పికొట్టబోతుందనేది ఆసక్తికరంగా మారింది.
ఇజ్రాయెల్ది తిరుగులేని రక్షణవ్యవస్థ. ఇరాన్ కంటే ఇజ్రాయెల్ తన రక్షణ కోసం పెట్టే ఖర్చు చాలా ఎక్కువ. 2022, 2023లో ఇరాన్ డిఫెన్స్ బడ్జెట్ దాదాపు 7.4 బిలియన్ డాలర్లు. ఇజ్రాయెల్ ఇరాన్తో పోల్చితే రెండింతల కంటే ఎక్కువ అంటే దాదాపు 19 బిలియన్ డాలర్లు ఖర్చు చేసింది.
యుద్ధం కోసం ఇజ్రాయెల్ దగ్గర 340 సైనిక విమానాలు సిద్ధంగా ఉన్నాయి. ఇజ్రాయెల్ దగ్గరున్న యుద్ధవిమానాల్లో దూరం నుంచి అటాక్ చేసే.. F15, F-35 లేటెస్ట్ విమానాలు ఉన్నాయి. ఇవి రాడార్ నుంచి కూడా తప్పించుకుని.. స్పీడ్గా దాడి చేస్తాయి.
320 విమానాలు
ఇరాన్ దగ్గర దాదాపు యుద్ధ సామర్థ్యమున్న 320 విమానాలు ఉన్నట్లు నివేదికలు చెప్తున్నాయి. 1960 నాటి F-4, F-5, F-14 వార్ జెట్స్ ఇరాన్ దగ్గర ఉన్నాయి. అయితే పాత విమానాల్లో ఎన్ని పనిచేస్తున్నాయో క్లారిటీ లేదు. ఇజ్రాయెల్ రక్షణ వ్యవస్థలో ఐరమ్ డోమ్దే కీరోల్. ఇజ్రాయెల్పైకి ఇరాన్ ప్రయోగించిన క్షిపణులను, డ్రోన్లను అన్నింటిన్నీ ఐరమ్ డోమ్ కూల్చేసింది. ఇరాన్కు చెందిన 300కి పైగా క్షిపణులను, డ్రోన్లను ధ్వంసం చేసేందుకు ఇజ్రాయెల్ ఐరన్ డోమ్ డిఫెన్ సిస్టమ్ ఉపయోగపడింది.
ఇరాన్లో 6లక్షల మంది సైనికులుంటే, ఇజ్రాయెల్ దగ్గర లక్షా 70వేల మంది జవాన్లు ఉన్నట్లు నివేదికలు చెప్తున్నాయి. ఇరాన్ దగ్గర 3వేలకు పైగా బాలిస్టిక్ క్షిపణులు ఉన్నాయని తెలుస్తోంది. షార్ట్, లాంగ్ రేంజ్ మిస్సైల్స్, డ్రోన్లను డెవలప్ చేసింది.
ఇజ్రాయెల్కు పెద్ద బలం దాని ఎయిర్ఫోర్స్, ఆయుధాలే. ఇరాన్లో కీలక టార్గెట్స్పై వైమానిక దాడులు చేసే సామర్థ్యం ఇజ్రాయెల్కు ఉంది. ఇరాన్ మిలటరీకి చెందిన ఉన్నతాధికారులు, నాయకులు ఇజ్రాయెల్ ఎయిర్ఫోర్స్ దాడుల్లోనే చనిపోయినట్లు అనుమానాలు ఉన్నాయి. ఇరాన్ నేవీ దగ్గర 220 నౌకలు, ఇజ్రాయెల్ దగ్గర 60 నౌకలు ఉన్నట్లు నివేదికలు చెప్తున్నాయి.
ఇజ్రాయెల్తో పోలిస్తే ఇరాన్ డిఫెన్స్ సిస్టమ్ టెక్నాలజీపరంగా వీక్ అని చెప్పొచ్చు. ఇజ్రాయెల్కు సొంతంగా అణు ఆయుధాలున్నట్లు అంచనాలున్నాయి. ఇరాన్ దగ్గర అణు ఆయుధాలు లేవు. ఇలా ఎవరి బలాబలాలు వారికి ఉన్నాయి. ఇరాన్ కంటే ఇజ్రాయెలే కాస్త అడ్వాన్స్డ్ డిఫెన్స్ సిస్టమ్ను డెవలప్ చేసుకుందని అంచనాలు ఉన్నాయి.
International
రష్యాలోకి 30 కి.మీ. దూసుకెళ్లిన యుక్రెయిన్ సైన్యం.. సేఫ్ జోన్లకు 76 వేల మంది తరలింపు
![](https://infoline.one/wp-content/uploads/2024/08/13ukraine-russia-incursion-01-mckt-jumbo.webp)
Russian Ukraine War: యుద్ధం అంటేనే ఎవరి చేతుల్లో ఉండదు. మొదలు మాత్రమే ఉండి.. ముగింపు అన్నదే లేకుండా కొనసాగుతుంది. రష్యా, యుక్రెయిన్ మధ్య కూడా ఇదే సీన్ ఉంది. రెండున్నరేళ్లుగా కాల్పుల మోత మోగుతూనే ఉంది. దాడి, ప్రతిదాడితో ఉద్రికతలు కంటిన్యూ అవుతూనే ఉన్నాయి. అటు పుతిన్, ఇటు జెలెన్స్కీ ఎవరూ తగ్గకపోవడంతో.. రష్యా, యుక్రెయిన్ వార్ మరింత టెన్షన్ పుట్టిస్తోంది. కుర్క్స్ ప్రాంతంలో రష్యా వర్సెస్ యుక్రెయిన్ అన్నట్లుగా తీవ్ర ఉద్రిక్త పరిస్థితులు కొనసాగుతున్నాయి యుక్రెయిన్ బలగాలు రష్యాలో 30 కిలోమీటర్ల దూరం దాకా చొచ్చుకెళ్లాయి. 2022 ఫిబ్రవరిలో యుక్రెయిన్ మీద రష్యా దాడి చేసిన తర్వాత రష్యాలో యుక్రెయిన్ సైన్యం ఇంత లోపలికి చొచ్చుకెళ్లడం ఇదే ఫస్ట్ టైమ్.
యుక్రెయిన్ దాడి చేసిందని రష్యా అంటుంటే.. అది నిజమేనని యుక్రెయిన్ చెప్పుకొచ్చింది. శత్రువుల భూభాగంలోకి చొచ్చుకెళ్లి, వీలైనంత ఎక్కువ నష్టం చేయడమే లక్ష్యమంటోంది యుక్రెయిన్. రష్యన్లు తమ సరిహద్దుల్ని రక్షించుకోలేని పరిస్థితి సృష్టించి వారిని అస్థిరపరచడమే టార్గెట్గా దాడులు చేస్తామంటోంది. మరోవైపు తమ భూభాగంలోకి చొచ్చుకొచ్చేందుకు ఆయుధాలు, వాహనాలతో వచ్చిన యుక్రెయిన్ బలగాలను అడ్డుకున్నామని రష్యా రక్షణ శాఖ ప్రకటించింది. కుర్స్క్ ప్రాంతం నుంచి 76 వేల మందిని సేఫ్ జోన్లకు తరలించినట్లు చెబుతోంది. యుక్రెయిన్ దాడి చేసిన ప్రాంతంలో అత్యవసర పరిస్థితిని ప్రకటించారు.
రష్యన్ సేనల స్వాధీనంలో ఉన్న జపోరిజియా న్యూక్లియర్ పవర్ ప్లాంట్పై దాడి జరిగింది. ఈ అటాక్పై రష్యా, యుక్రెయిన్ మధ్య డైలాగ్ వార్ నడుస్తోంది. అణువిద్యుత్ కేంద్రంపై దాడి రష్యా పనే అంటోంది యుక్రెయిన్. తమను బ్లాక్ మెయిల్ చేసేందుకే అటాక్ చేశారని అంటున్నారు జెలెన్స్కీ. రష్యా మాత్రం యుక్రెయిన్ జరిపిన దాడుల్లోనే అణువిద్యుత్ కేంద్రంలో మంటలు వచ్చాయంటోంది. జపోరిజియా న్యూక్లియర్ పవర్ ప్లాంట్ 2022 నుంచి రష్యన్ దళాల ఆధీనంలో ఉంది.
రష్యా, యుక్రెయిన్ వార్ వారం రోజులు క్రితం వరకు కాస్త చల్లబడినట్లుగానే కనిపించింది. దాడులు చేసుకుంటున్నా.. ఈ స్థాయిలో ఉద్రిక్తతలు ఉన్నట్లయితే బయటికి రాలేదు. మిడిల్ ఈస్ట్ వార్ సిచ్యువేషన్స్తో..రష్యా, యుక్రెయిన్ మధ్య మళ్లీ దాడులు పెరిగాయి. మిడిల్ ఈస్ట్లో ఇజ్రాయెల్కు మద్దతుగా అమెరికా ఆయుధాలు, యుద్ధనౌకలు సమకూర్చింది. ఇరాన్కు మద్దతుగా రష్యా ఆర్మ్స్, మిస్సైల్స్ పంపించింది. దీంతో సీన్ మారింది. అమెరికా టార్గెట్గా ఇరాన్, రష్యా కొత్త ప్లాన్ వేశాయి. ఇరాన్ తమ దగ్గర ఉన్న ఫాత్-360 అడ్వాన్స్డ్ క్షిపణులను రష్యాకు సప్లై చేస్తుంది. యుక్రెయిన్ మీద అటాక్తో అమెరికా అటెన్షన్ను.. డైవర్ట్ చేసే ప్రయత్నం చేస్తోంది రష్యా. ఇరాన్, ఇజ్రాయెల్ మధ్య అటాక్స్ జరిగే పరిస్థితుల్లో అమెరికా ఎంట్రీ ఇవ్వడంతో ఇరాన్ కాస్త వెనక్కి తగ్గింది. రష్యాతో కలసి.. అమెరికా టార్గెట్గా వ్యూహాలకు పదునుపెట్టింది.
మిడిల్ ఈస్ట్లో యుద్ధ పరిస్థితులు చల్లబడ్డాయి. ఇజ్రాయెల్ టార్గెట్గా ఇరాన్ దాడులు చేసేందుకు రెడీ అయింది. అంతలోనే ఇజ్రాయెల్ కోసం అమెరికా రంగంలోకి దిగడంతో స్ట్రాటజీ మార్చింది ఇరాన్. హమాస్, హిజ్బొల్లా గ్రూప్స్ మాత్రం ఇజ్రాయెల్పై అటాక్స్ చేస్తూనే ఉన్నాయి. ఇరాన్ మాత్రం.. రష్యాతో కలిసి అమెరికాను కార్నర్ చేసే ప్రయత్నం చేస్తుంది. తమ దగ్గరున్న అడ్వాన్స్డ్ మిస్సైల్స్ రష్యాకు పంపించి.. యుక్రెయిన్పై అటాక్ చేయిస్తోంది. అమెరికా కాన్సంట్రేషన్ మొత్తం యుక్రెయిన్ మీదకు టర్న్ అయ్యాక.. ఏ టైమ్లోనైనా ఇజ్రాయెల్ మీద దాడి చేసి.. హమాస్ లీడర్లకు హత్యకు ప్రతీకారం తీసుకోవాలని భావిస్తోంది ఇరాన్.
International
ఇజ్రాయెల్పై దాడికి ఇరాన్ సన్నాహాలు – అణు జలాంతర్గామిని పంపిస్తున్న అమెరికా – Iran backed Attack On Israel
![](https://infoline.one/wp-content/uploads/2024/08/1200-675-22191307-thumbnail-16x9-iran-israel-war.jpg)
Iran-backed Attack On Israel : ఏ క్షణంలోనైనా ఇజ్రాయెల్పై ఇరాన్ దాడి చేయనుందని అంతర్జాతీయ మీడియా పేర్కొంది. ఇందుకు సంబంధించిన సన్నాహాలు శరవేగంగా సాగిపోతున్నాయని తెలిపింది. ఇంతవరకు ఘర్షణ వాతావరణం వరకే పరిమితమైన ఉద్రిక్తత పూర్తిస్థాయి ప్రాంతీయ యుద్ధంగా మారవచ్చనే సంకేతాలు స్పష్టంగా వెలువడుతున్నాయి. టెహ్రాన్లో హమాస్ అగ్రనేత హనియె హత్యానంతరం పశ్చిమాసియాలో ఉద్రిక్తతలు పెరిగిన సంగతి తెలిసిందే. హత్యకు ప్రతీకారం తీర్చుకుంటామని ఇరాన్ హెచ్చరించింది.
పశ్చిమాసియాకు అమెరికా అణు జలాంతర్గామి
అటు తాజా పరిస్థితుల తీవ్రతను గుర్తించి అమెరికా అప్రమత్తమైంది. పశ్చిమాసియాకు అణు జలాంతర్గామిని పంపుతున్నట్లు ప్రకటించింది. ఇప్పటికే బయల్దేరిన అబ్రహం లింకన్ విమాన వాహక నౌక పశ్చిమాసియాకు వేగంగా చేరుకోవాలని పెంటగాన్ ఆదేశాలు జారీ చేసింది. ఇజ్రాయెల్ రక్షణకు కట్టుబడి ఉన్నామని అమెరికా రక్షణ శాఖ మంత్రి లాయిడ్ ఆస్టిన్ తెలిపారు. ఇజ్రాయెల్ రక్షణ మంత్రి గలాంట్తో
ఆస్టిన్ ఆదివారం రెండుసార్లు ఫోన్లో మాట్లాడారు. ఇజ్రాయెల్ రక్షణకు అగ్రరాజ్యం కట్టుబడి ఉందని ఈ సందర్భంగా ఆస్టిన్ తెలిపారు. రానున్న 24 గంటల్లోనే ఇజ్రాయెల్పై ఇరాన్, లెబనాన్లు దాడి చేయనున్నాయన్న వార్తలు వెలువడుతున్నాయి.
సంయమనం పాటించండి ప్లీజ్
ఇరాన్ సంయమనం పాటించాలని ఫ్రాన్స్, జర్మనీ, బ్రిటన్ దేశాలు కోరాయి. అమెరికా, ఖతర్, ఈజిప్టు మధ్యవర్తిత్వంతో కొనసాగుతున్న కాల్పుల విరమణ ప్రతిపాదనను అవి సమర్థించాయి. గాజాలో 10 నెలలుగా కొనసాగుతున్న యుద్ధానికి ముగింపు పలకాలని పిలుపునిచ్చాయి. తన దగ్గర ఉన్న బందీలను హమాస్ విడిచిపెట్టాలని ఎలాంటి ఆంక్షలు లేని మానవతా సాయం గాజాకు చేరేలా ఇజ్రాయెల్ అనుమతించాలని పేర్కొన్నాయి. ఈ మేరకు ఫ్రాన్స్ అధ్యక్షుడు మెక్రాన్, జర్మనీ ఛాన్సలర్ ఒలాఫ్ షోల్జ్, బ్రిటన్ ప్రధాని కీర్ స్టార్మర్ సంయుక్త ప్రకటన విడుదల చేశారు.
Iran urges OIC to unite against Israel
ఇరాన్ మాత్రం ఏ విషయంలో తగ్గడం లేదు. ఇజ్రాయెల్ దుందుడుకు చర్యలు నుంచి రక్షించుకునే విషయంలో ముస్లిం దేశాలు తమకు అండగా నిలబడాలని ఇరాన్ కోరుతోంది. సౌదీ అరేబియా జెడ్డాలో జరిగిన ఇస్లామిక్ సహకార సంస్థ- (ఓఐసీ) అత్యవసర సమావేశంలో ఇరాన్ తాత్కాలిక విదేశాంగ మంత్రి ఈ మేరకు ఆయా ముస్లిం దేశాలకు విజ్ఞప్తి కూడా చేశారు. హమాస్ నేత ఇస్మాయిల్ హనియా హత్య నేపథ్యంలో ఇరాన్ వినతిపై, ఇస్లామిక్ సహకార సంస్థ సమావేశమైంది.
హనియా హత్యను పాశ్చాత్య దేశాలు ఖండించలేదని, ప్రాంతీయ స్థిరత్వంపై వాటికి ఆసక్తి లేదని ఇరాన్ తాత్కాలిక విదేశాంగ మంత్రి అలీ బఘెరీ కని ఆరోపించారు. హనియా హత్యలో ఇజ్రాయెల్, అమెరికా పాత్ర ఉందని ఇరాన్ ఆరోపిస్తోంది. దానికి తగ్గ ప్రతీకారం తీర్చుకుంటామని ఇప్పటికే ఇరాన్ ప్రతినబూనింది కూడా.
-
Business3 months ago
Jio.. వినియోగదారులకు ముఖేష్ అంబానీ బంపర్ ఆఫర్…. 299 రూపాయలకే సంవత్సరం అంతా…
-
Career3 months ago
విద్యార్థులకు గుడ్ న్యూస్: భారత ప్రభుత్వం అందిస్తోన్న సాఫ్ట్వేర్ కోర్సులు..అప్లయ్ చేసుకోండి..!
-
Business3 months ago
ఈనెలలో వడ్డీ రేట్లు పెంచిన బ్యాంకులివే.. 9.10 శాతం ఆఫర్.. రూ.1 లక్షకు ఎంతొస్తుంది
-
National4 months ago
IRCTC Tatkal Ticket ఇలా చేస్తే.. ట్రైన్ తత్కాల్ టికెట్ వెంటనే బుక్ అయిపోతుందని తెలుసా.. మీరూ ఓసారి ట్రై చేసి చూడండి..
-
News3 months ago
జూన్ 1 నుండి కొత్త ట్రాఫిక్ నిబంధనలు
-
Business3 months ago
ఉద్యోగులకు TCS కొత్త రూల్! ఉద్యోగులు అలా చేస్తే జీతంలో కోతలు
-
Education3 months ago
వచ్చే వారం నుంచి పాఠశాలల పునఃప్రారంభం.. తల్లిదండ్రుల ఆందోళన ఇందుకేనా!
-
National3 months ago
Toll Plaza: ఇక ఫాస్టాగ్స్కు గుడ్బై.. టోల్ ప్లాజాల వద్ద కొత్త టెక్నాలజీ.. కేంద్రం కీలక నిర్ణయం!
-
National3 months ago
అయోధ్యలోనూ తిరుమల తరహాలో.. గుడ్న్యూస్ చెప్పిన దినేశ్ రామచంద్ర
-
Andhrapradesh3 months ago
ఏపీలో మహిళలకు ఉచిత బస్సు అమలు – బిగ్ అప్డేట్..!!
-
Spiritual3 months ago
Tirumala : గోవిందనామంతో హోరెత్తుతున్న తిరుమల గిరులు
-
Telangana3 months ago
Telangana: విద్యార్థులకు గమనిక.. మారిన ప్రభుత్వ పాఠశాలల టైమింగ్స్
-
Crime News3 months ago
జమ్మూ కాశ్మీర్లో దాడి చేసింది మేమే …TRF ప్రకటన
-
Andhrapradesh2 months ago
జులై 1న మెగా డీఎస్సీ తో పాటు, టెట్ నోటిఫికేషన్
-
National3 months ago
నరేంద్ర మోడీ మంత్రి వర్గం ….వారి శాఖలు
-
Railways3 months ago
పశ్చిమ బెంగాల్లో రైలు ప్రమాదం …కారణం ఇదే
-
National3 months ago
ప్రధానిగా బాధ్యతలు స్వీకరించిన నరేంద్ర మోడీ తొలి సంతకం ఈ ఫైలు పైనే
-
Andhrapradesh3 months ago
పవన్ కొత్త బాధ్యతలు ఖరారు చేసిన చంద్రబాబు – ఏరి కోరి..!!
-
National3 months ago
కాశ్మీర్లో మళ్లీ ఉగ్రదాడి ఆర్మీ బేస్ పై కాల్పులు…. ఒకరి మృతి
-
Andhrapradesh3 months ago
250 ప్రోక్లైన్లతో చెట్లు తొలగింపు… అమరావతి ప్రక్షాళన
-
Political3 months ago
కిరణ్ కుమార్ రెడ్డికి రాజయోగం …ఓకే అన్న చంద్రబాబు
-
Political3 months ago
పొత్తు పెట్టుకుందామని చెప్పిన మొదటి వ్యక్తి పవన్ కళ్యాణ్ ..,…చంద్రబాబు
-
Andhrapradesh3 months ago
ఆంధ్రప్రదేశ్లో కాబోయే మంత్రులు వీరే…
-
Andhrapradesh3 months ago
వైసీపీ ఎంపీల బీజేపీ బాట – చంద్రబాబు ఫార్ములా..!!
-
National3 months ago
Cyclone Remal: తీరం దాటిన తీవ్ర తుఫాన్.. ఆ ప్రాంతాలన్నీ అల్లకల్లోలం.. బలమైన ఈదురుగాలులు.!
-
Weather3 months ago
జాడలేని వానలు….. ఇలాగైతే కష్టమే…
-
Education3 months ago
ప్రభుత్వ కళాశాలలో చదువుతున్న విద్యార్థులకు శుభవార్త
-
Andhrapradesh3 months ago
SCHOOL HOLIDAYS: స్కూలు సెలవులు పొడగింపు.. పున:ప్రారంభం తేదీ మార్పు?
-
Business3 months ago
ఈ నైపుణ్యాలున్న సాఫ్ట్వేర్ ఇంజినీర్లకు ఫుల్ డిమాండ్.. కోట్ల రూపాయల శాలరీ
-
Andhrapradesh3 months ago
సీనియర్ సిటిజన్లకు మంచి వార్త… తిరుమల
-
Andhrapradesh3 months ago
Tirumala News: తిరుమల కాలినడక భక్తులకు అలర్ట్… టీటీడీ కొత్త నిర్ణయం
-
Andhrapradesh3 months ago
రిటైర్డ్ ఉద్యోగస్తుల విషయంలో ప్రభుత్వం కీలక ఆదేశాలు…AP
-
National4 months ago
Lok Sabha Election 2024 Phase 6: రేపే ఆరో దశ లోక్సభ ఎన్నికలు.. 6 రాష్ట్రాలు, 2 కేంద్రపాలిత ప్రాంతాల్లో 58 సీట్లకు పోలింగ్
-
News3 months ago
రామోజీరావుకు ఏపీ ప్రభుత్వం ఘన నివాళి రెండు రోజులు సంతాప దినాలు
-
International4 months ago
Pok. లో ఏమి జరుగుతుంది, సైన్యానికి ఎదురు తిరుగుతున్న జనం
-
Cinema6 months ago
Anudeep KV – Aditya Haasan: టాలీవుడ్ కు దొరికిన మరో జాతిరత్నం.! ట్రేండింగ్ లో ఆదిత్య – అనుదీప్.
-
Andhrapradesh3 months ago
ప్రధాని మోడీ పర్యటనకు …గట్టి భద్రత
-
News4 months ago
డబ్బుతో ఎర… ఉద్యోగి ససేమిరా…
-
International4 months ago
‘పోస్ట్ స్టడీ వర్క్ ఆఫర్ కొనసాగిస్తున్నాం’- బ్రిటన్ వెళ్లే విద్యార్థులకు గుడ్ న్యూస్ – UK Graduate Route Visa
-
Andhrapradesh3 months ago
అట్టహాసంగా ప్రారంభమైన పోలేరమ్మ జాతర – పోటెత్తిన భక్తులు – Poleramma Jatara
-
Spiritual3 months ago
చార్ ధామ్ యాత్రకు పొటెత్తిన భక్తులు.. గత ఏడాదికంటే ఎక్కువే!
-
Railways2 months ago
తిరుపతి, షిర్డి వెళ్లే ఎక్స్ ప్రెస్ రైళ్ల వేళల్లో మార్పు – ఇక నుంచి..!!
-
Andhrapradesh3 months ago
ఖరారు కానున్న ఏపీ స్పీకర్ పదవి…
-
Andhrapradesh3 months ago
అసెంబ్లీలో పవన్ కళ్యాణ్ ఫస్ట్ స్పీచ్,… తప్పకుండా వినాలి
-
News3 months ago
Breaking: ఈనాడు సంస్థల అధినేత రామోజీరావుకు తీవ్ర అస్వస్థత.. ఆస్పత్రికి తరలింపు
-
Cinema3 months ago
Chiranjeevi: చిరును వరించిన గోల్డెన్ వీసా ప్రత్యేకతలు, ప్రయోజనాలు ఏంటో తెలుసా.?
-
International3 months ago
20 ఏళ్లుగా భారతదేశంలో నివసిస్తున్న ఫ్రెంచి వ్యక్తి…. భారత్ పై అతని అభిప్రాయం
-
Andhrapradesh7 months ago
మే నెలకు శ్రీవారి దర్శనం, సేవ టికెట్ల విడుదల తేదీ ప్రకటించిన టీటీడీ
-
Spiritual3 months ago
Tirumala : వెంకటేశా.. ఇంత సమయమా?
-
Business4 months ago
Bank Holidays June-2024: జూన్లో 10 రోజులు బ్యాంకులు బంద్.. ఏయే రోజుల్లో తెలుసా..?