Andhrapradesh
శ్రీవారి భక్తులకు అద్భుత అవకాశం.. ఒక్కరోజే, బుక్ చేస్కోండి
తిరుమల శ్రీవారి భక్తులకు టీటీడీ అద్భుతమైన అవకాశం కల్పిస్తోంది. శ్రీవారి సేవకులుగా పనిచేసేందుకు ఆన్‌లైన్‌లో బుక్ చేసుకునేందుకు అవకాశం ఇస్తోంది. సామాన్య భక్తులు సైతం శ్రీవారి సేవకులగా సేవలు అందించేలా ఈ నిర్ణయం తీసుకుంది. తిరుమల , తిరుపతి శ్రీవారి సేవ కోటాను ప్రతి నెలా విడుదల చేస్తుంది. ఈసారి సెప్టెంబర్ నెలకుసంబంధించి కోటాను ఆన్‌లైన్‌లో అందుబాటులో ఉంచుతోంది.
తిరుమల శ్రీవారి భక్తులకు టీటీడీ గుడ్‌న్యూస్ చెప్పింది. స్వామివారికి సేవ చేసుకునే అద్భుతమైన అవకాశాన్ని కల్పిస్తోంది. సామాన్య భక్తులు కూడా శ్రీవారికి సేవ చేసేందుకు ఆన్‌లైన్ ద్వారా అవకాశం కల్పిస్తోంది. గురువారం (జూన్ 27) సెప్టెంబర్ నెలకు సంబంధించిన శ్రీవారి సేవ కోటాను ఆన్‌లైన్‌లో విడుదల చేశారు. తిరుమల, తిరుపతి శ్రీవారి సేవ కోటాను గురువారం ఉదయం 11 గంటలకు ఆన్‌లైన్‌లో అందబాటులో ఉంచారు. అంతేకాదు న‌వ‌నీత సేవ మ‌ధ్యాహ్నం 12 గంటలకు విడుదల చేస్తారు. ప‌ర‌కామ‌ణి సేవ మ‌ధ్యాహ్నం 1 గంట‌కు ఆన్‌లైన్‌లో విడుదల చేయనున్నారు. https://ttdevasthanams.ap.gov.in వెబ్‌సైట్ ద్వారా శ్రీవారి సేవకు సంబంధించి బుక్ చేసుకోవాలని టీటీడీ కోరింది. ముఖ్యంగా తిరుమల శ్రీవారికి సేవకులుగా రావాలనుకుంటున్న భక్తులు బుక్ చేసుకోవాలని టీటీడీ కోరింది.