How To Remove Kids Scribbles From Walls : చిన్న పిల్లలు ఉన్న ఇంట్లో గోడలపై మరకలు పడే సమస్య ఎక్కువగా ఉంటుంది. ఎందుకంటే.. చిన్నారులు ఇంటి గోడల్నే కాన్వాస్​గా మార్చుకుంటారు. క్రేయాన్స్, పెన్సిల్ వంటి వాటితో గీతలు గీయడం, బొమ్మలేయడం చేస్తుంటారు. దాంతో ఇలాంటి మరకలు(Stains) తొలగించడానికి తల్లులు తలలు పట్టుకుంటుంటారు. మీ పిల్లలు ఇలానే గోడలపై గీతలు గీస్తున్నారా? అవి తొలగిస్తే ఎంతకీ పోవట్లేదా? అయితే, మీకోసం అద్దిరిపోయే టిప్స్ తీసుకొచ్చాం. వాటితో ఎలాంటి ఇబ్బంది లేకుండా సులభంగా మరకల్ని తొలగించుకోవచ్చంటున్నారు నిపుణులు. అవేంటో ఈ స్టోరీలో తెలుసుకుందాం.

టూత్‌పేస్ట్‌ : ఇది గోడలపై మరకలను తొలగించడంలో చాలా బాగా పనిచేస్తుందంటున్నారు నిపుణులు. ఇందుకోసం మీరు చేయాల్సిందల్లా టూత్‌ పేస్ట్‌ను తీసుకొని గోడలపై గీసిన క్రేయాన్‌ గీతలు, రంగులు, ఆహార పదార్థాల మరకలపై కాస్తంత అప్లై చేయండి. అలా కాసేపు ఉంచి ఆపై తడి వస్త్రంతో తుడిస్తే మరకలు ఇట్టే తొలగిపోతాయని చెబుతున్నారు.

హెయిర్ డ్రయర్ : ఇంట్లోని గోడలపై పడిన క్రెయాన్స్ గీతలను హెయిర్ డ్రయర్​ను వాడి ఈజీగా పోగొట్టుకోవచ్చంటున్నారు నిపుణులు. ఇందుకోసం హెయిర్‌ డ్రయర్‌ని ఆన్‌ చేసి ఆ వేడి గాలిని కాసేపు ఆ మరకలపై తాకేలా చేస్తే చాలు. ఆపై సోప్‌ వాటర్‌లో ముంచిన క్లాత్‌తో తుడిచేస్తే గోడలు డ్యామేజ్‌ కాకుండానే క్రేయాన్ మరకల్ని సులభంగా తొలగించుకోవచ్చంటున్నారు.

వంటసోడా : ఇది కూడా గోడలపై గీసిన క్రేయాన్‌ గీతలు తొలగించడంలో చాలా ఎఫెక్టివ్​గా పనిచేస్తుందట. ఇందుకోసం ఒక గిన్నెలో చెంచా వంట సోడా తీసుకొని అందులో కాసిన్ని వాటర్ పోసి మిశ్రమంలా ప్రిపేర్ చేసుకోవాలి. ఆపై దాన్ని గోడపై గీతలు ఉన్న చోట రాసి పాత టూత్‌ బ్రష్‌తో రుద్ది, తడి గుడ్డతో తుడిస్తే చాలు. గీతలు ఈజీగా రిమూవ్ అవుతాయంటున్నారు నిపుణులు.

ఇంటి గోడలపై క్రెయాన్స్, పెన్సిల్ గీతలు మాత్రమే కాదు.. అప్పుడప్పుడు నూనె మరకలు పడుతుంటాయి. వీటిని తొలగించడానికి చాలా కష్టపడుతుంటారు మహిళలు. అయితే వాటిని కూడా ఇలా ఈజీగా తొలగించుకోవచ్చంటున్నారు నిపుణులు.

వెనిగర్ : వంటల్లో వాడే వెనిగర్‌ కూడా గోడలపై నూనె మరకలను తొలగించడానికి ఉపయోగపడుతుంది. వెనిగర్‌, నీళ్లు సమాన పరిమాణంలో తీసుకోవాలి. ఒక స్పాంజ్‌ తీసుకుని మరకలున్న చోట ఆ మిశ్రమాన్ని అప్లై చేయాలి. ఇరవై నిమిషాల తర్వాత మెత్తని వస్త్రంతో తుడిస్తే సరి. మరకలు ఈజీగా తొలగిపోతాయి!

లిక్విడ్‌ డిష్‌వాషర్‌ : ఇది కూడా గోడలపై నూనె మరకలను తొలగించడంలో చాలా బాగా సహాయపడుతుందంటున్నారు నిపుణులు. ఇందుకోసం ఒక స్ప్రే బాటిల్​లో కాసింత లిక్విడ్‌ డిష్‌వాషర్‌ పోసుకొని గోడలపై మరకలు ఉన్న చోట అప్లై చేసి అలా గంటపాటు వదిలేయాలి. ఆపై వేడినీటితో కడిగి మెత్తని క్లాత్‌తో శుభ్రం చేసుకుంటే సరిపోతుందని చెబుతున్నారు.

యోగా గురించి ప్రత్యేకంగా పరిచయాలు అవసరం లేదు. యోగా గురించి అందరికీ తెలుసు. యోగాతో నయం చేయలేని జబ్బు ఉండదు. పూర్వం ఎక్కువగా యోగాసనాలు వేసేవారు. దీంతో ఎంతో ఆరోగ్యకంగా ఉండేవారు. యోగా చేయడం వల్ల ఎన్నో రకాల లాభాలు ఉన్నాయి. దీర్ఘకాలిక సమస్యలను సైతం యోగాతో తగ్గించుకోవచ్చు. అయితే యోగా ఎక్కువగా పెద్దలు మాత్రమే చేస్తూ ఉంటారు. కానీ పిల్లలు కూడా చేయవచ్చు. వీరికంటూ కొన్ని ప్రత్యేకమైన ఆసనాలు ఉన్నాయి. వీటిని వేయడం వల్ల పిల్లలు శారీరకంగా ఆరోగ్యంగా ఉంటారు. అంతే కాకుండా వీరి బ్రెయిన్ కూడా చాలా షార్ప్ అవుతుంది. తెలివి తేటలు బాగా పెరుగుతాయి. మరి పిల్లలు ఎలాంటి ఆసనాలు వేయడం వల్ల ఎలాంటి లాభాలు ఉన్నాయో ఇప్పుడు తెలుసుకుందాం.

సర్వాంగాసనం:
పిల్లలు తరచూ సర్వాంగాసనం వేయడం వ్లల వీరి మేధస్సు అనేది మెరుగు పడుతుంది. శరీరం బాగా సాగుతుంది. ఏమైనా నొప్పులు ఉంటే తగ్గుతాయి. అంతేకాకుండా రక్త ప్రసరణ కూడా సరిగ్గా జరుగుతుంది. మెదడు చురుకుగా పని చేస్తుంది.

బాల బకాసన:
పేరుకు తగ్గట్టుగానే ఈ ఆసనం పిల్లలు వేస్తారు. ఈ ఆసనం వేయడం వల్ల శరీరం అనేది ఫ్లెక్సిబుల్ అవుతుంది. యోగాసనాలు వేయడం వల్ల వారు భవిష్యత్తులో డ్యాన్స్ నేర్చుకోవడంలో హెల్ప్ అవుతుంది. శరీరంలో రక్త ప్రసరణ బాగా జరుగుతుంది. అలాగే బ్రెయిన్ యాక్టీవ్ అవుతుంది.

వృక్షాసనం:
వృక్షాసనం పెద్దలు, పిల్లలు కూడా వేయవచ్చు. ఈ యోగాసనం చేయడం చాలా సింపుల్. పిల్లలు ఈ ఆసనం చేయడం వల్ల వీరి శరీరం బ్యాలెన్స్ అవుతుంది. శరీరంలో రోగ నిరోధక శక్తి పెరుగుతుంది.

గరుడాసనం:
ఈ ఆసనం వేయడం కూడా చాలా సులభం. కానీ ఈ ఆసనంపై ప్రత్యేకంగా దృష్టి పెట్టాలి. దీని వల్ల వీరికి ఏకాగ్రత, దృష్టి సారించడం పెరుగుతుంది. దీంతో మతి మరుపు దూరమై జ్ఞాపక శక్తి పెరుగుతుంది.

పద్మాసనం:
పద్మాసనం వేయడం కూడా చాలా సులభం. ఈ ఆసనాన్ని ఎవరైనా చేయవచ్చు. పద్మాసనం అభిజ్ఞా పనితీరును మెరుగు పరుస్తుంది. మేధస్సును పెంచుతుంది. రక్త ప్రసరణను మెరుగు పరుస్తుంది. ఏకాగ్రత పెరుగుతుంది. తెలివి తేటలు కూడా పెరుగుతాయి.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు infoline.one బాధ్యత వహించదు.)

కాఫీ.. మనలో చాలా మందికి ఇది లేకుండా రోజు గడవని పరిస్థితి ఉంటుంది. ప్రతీ రోజు కచ్చితంగా లేవగానే కాఫీ ఉండాల్సిందే. ఎంత ఒత్తిడితో ఉన్నా సరే ఒక్క కప్పు కాఫీ తాగితే చాలు జోష్‌ వచ్చేస్తుంది. అయితే కాఫీ కేవలం రుచికి మాత్రమే కాకుండా అందానికి కూడా ఉపయోగపడుతుందని మీకు తెలుసా? అవును కాఫీతో చేసే ఫేస్‌ మాస్క్‌ ముఖ సౌందర్యాన్ని పెంచుతుందని నిపుణులు చెబుతున్నారు.

కాఫీ మాస్క్ ద్వారా చర్మ సంబంధిత సమస్యలు కూడా దరిచేరవని నిపుణులు చెబుతుంటారు. ముఖ సౌందర్యాన్ని పెంచుకోవడానికి చాలా మంది మార్కెట్లో దొరికే రకరకాల ఫేస్‌ మాస్క్‌లను ఉపయోగిస్తుంటారు. అయితే వీటి వల్ల కొన్ని సందర్భాల్లో సైడ్‌ ఎఫెక్ట్స్‌ వచ్చే ప్రమాదం ఉంటుంది. అలాగే ధర కూడా ఎక్కువగా ఉంటాయి. అయితే కాఫీ మాస్క్‌ ద్వారా ఎలాంటి ఖర్చు లేకుండా ముఖ అందాన్ని పెంచుకోవచ్చు. ఇంతకీ కాఫీ మాస్క్‌ను ఎలా తయారు చేసుకోవాలి.? దీనివల్ల కలిగే ప్రయోజనాలు ఏంటో ఇప్పుడు తెలుసుకుందాం..

కాఫీ మాస్క్‌ను తయారు చేసుకోవడానికి ముందుగా ఒక గిన్నెలో కొంత కాఫీ పొడి తీసుకోవాలి. అనంతరం అందులో కొంత తేనె వేసి చిక్కని పేస్ట్‌లా తయారు చేసుకోవాలి. అనంతరం ముఖాన్ని చల్లటి నీటితో శుభ్రంగా కడుక్కోవాలి. అనంతరం అంతకు ముందు తయారు చేసుకున్న క్రీమ్‌ను ముఖమంతా అప్లై చేసుకోవాలి. ఇలా 10 నుంచి 15 నిమిషాల పాటు మసాజ్‌ చేయాలి. అనంతరం గోరు వెచ్చని నీటితో శుభ్రం చేసుకోవాలి. చివరిగా మాయిశ్చరైజర్‌ను అప్లై చేసుకుంటే సరిపోతుంది.

కాఫీ మాస్క్‌ ఉపయోగాలు..
* కాఫీలోని యాంటీ ఆక్సిడెంట్లు డెడ్ స్కిన్ తొలగించడంలో సహాయపడతాయి. ఇది చర్మం అందంగా కనిపించేలా చేస్తుంది. చర్మం మృదువుగా మారుతుంది.

* ఇక కాఫీ రక్త ప్రసరణను మెరుగుపరచడంలో కీలక పాత్ర పోషిస్తుంది. ఇది ముఖాన్ని కాంతివంతంగా చేస్తుంది. ముఖానికి సహజంగా గ్లో లభిస్తుంది.

* ఆయిల్‌ స్కిన్‌ వాళ్లకి ఇది బెస్ట్‌ ఆప్షన్‌గా చెప్పొచ్చు. చర్మంలో అదనంగా ఉండే నూనెను తొలగించడంలో కాఫీ మాస్క్‌ ఉపయోగపడుతుంది.

* కాఫీలో యాంటీ బ్యాక్టీరియల్ లక్షణాలు ఉన్నాయి, ఇవి మొటిమలు, మొటిమలను కలిగించే బ్యాక్టీరియాను నాశనం చేస్తాయి. ఇక కాఫీలో యాంటీ ఆక్సిడెంట్లు ఉంటాయి, ఇవి ఫ్రీ రాడికల్స్ వల్ల కలిగే నష్టాన్ని నివారిస్తాయి, తద్వారా ముఖం ముడుతలను తగ్గిస్తుంది.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించిన వైద్యులను సంప్రదించడమే ఉత్తమం.