మీ ఆరోగ్యం మీ చేతిలో ఉంటుంది. ఎవరో ఏదో చెప్తే..అలాగే ఫాలో అయిపోతే అంతా సెట్‌ అవుతుందనేది భ్రమ. కొన్నిసార్లు వైద్య నిపుణులు ట్రీట్‌మెంట్‌ ఇచ్చినా బాడీ రెస్పాండ్‌ కాదు. అలాంటిది గూగుల్‌ సమాచారమో లేక ఇంకేవరో స్వయం ప్రకటిత మేధావులు చెప్పినట్లు చేస్తే బాగుంటామని.. ఆరోగ్యాన్ని పాడుచేసుకోవద్దని సూచిస్తున్నారు వైద్య నిపుణులు. కావాల్సినంతే తినాలి. తిన్నది అరిగించడం కోసం ఎంతో కొంత శారీరక శ్రమ చేయాలని చెప్తున్నారు.

సీజనల్‌ వ్యాధులకు అయితే సొంత వైద్యం చేసుకోవద్దనేది వైద్య నిపుణుల సూచన. జ్వరం వచ్చిన వెంటనే పారాసిటమాల్‌, యాంటిబయాటిక్స్‌, పెయిన్‌ కిల్లర్స్‌ వాడటంపై కూడా ఆందోళన వ్యక్తమవుతోంది. డాక్టర్ల సూచన లేకుండా ట్యాబ్లెట్లు వాడటం చాలా డేంజర్‌ అని హెచ్చరిస్తున్నారు. రెండుమూడు రోజులు కంటిన్యూగా జ్వరం ఉంటే కచ్చితంగా టెస్టులు చేయించుకోవాల్సిందేని చెబుతున్నారు.

బయటికి ఆరోగ్యంగానే కనిపిస్తున్నా..
డెంగ్యూ, మలేరియా, టైఫాయిడ్‌ వంటి వ్యాధులకు వేర్వేరు రోగ లక్షణాలు ఉంటాయి. కొందరు యాంటిబయాటిక్స్‌, పెయిన్‌ కిల్లర్స్‌ వాడుతుండటంతో అవి వ్యాధి లక్షణాలను బయటపడకుండా చేస్తాయని అంటున్నారు డాక్టర్లు. బయటికి ఆరోగ్యంగానే కనిపిస్తున్నా..లోపల మాత్రం డెంగ్యూ ముదిరి ప్లేట్‌లెట్స్ పడిపోతాయని అలర్ట్ చేస్తున్నారు. ఇన్ఫెక్షన్‌ బాడీలోని ఊపిరితిత్తుల్లోకి, లివర్‌లోకి చేరిన తర్వాత హాస్పిటల్‌కు వెళ్తున్నారు. రెండుమూడ్రోజుల్లో కోలుకోవాల్సిన వారు..అప్పుడు వారాలపాటు చికిత్స పొందాల్సి వస్తుందని అంటున్నారు డాక్టర్లు.

డెంగ్యూ అందరిపై ఒకే రకమైన ప్రభావం చూపుతుందని అనుకోవడం భ్రమ అంటున్నారు హెల్త్ ఎక్స్‌పర్ట్స్‌. పెయిన్‌ కిల్లర్లు, ఆకు రసాలు తాగి ప్రాణాలమీదికి తెచ్చుకోవద్దని సూచిస్తున్నారు. బొప్పాయి ఆకుల రసం, బొప్పాయి ట్యాబ్లెట్లు కూడా ఎంతవరకు పనిచేస్తాయో క్లారిటీ లేదంటున్నారు వైద్య నిపుణులు. సొంత వైద్యం మీద ఆధారపడి ఆరోగ్యాన్ని నిర్లక్ష్యం చేయవద్దనేది వాళ్ల సూచన.

మరికొందరు.. ఫెండ్స్, ఫ్యామిలీ మెంబర్స్‌ ప్రిస్క్రిప్షన్‌ ఆధారంగా మందుల్ని వాడుతుంటారు. అనారోగ్యానికి గురైన వారి ఆరోగ్య పరిస్థితి ఏంటి?.. ఏ మందులైతే మంచిదో..డాక్టర్లు నిర్ధారించి రాసిన మెడిసిన్ అది. అదే ప్రిస్క్రిప్షన్‌ మిగతా వారికి పనికి రాదు. ఇక సోషల్‌ మీడియాలో వచ్చే వార్తల్ని నమ్మి చాలామంది ఆస్పిరిన్‌, ఎకోస్పిరిన్‌లు వాడేస్తున్నారు. ఇక కొంతమంది విటమిన్‌ సీ, డీ, జింక్‌ మందులను రోజువారీ మందుల మాదిరిగా వేసుకుంటున్నారు. మీతి మీరిన మెడిసిన్ కూడా మంచిది కాదంటున్నారు డాక్టర్లు. సొంత వైద్యంతో చాలామందికి బీపీ, షుగర్ అటాక్ అవుతుందంటున్నారు వైద్య నిపుణులు.

మితిమీరిన మందులు వాడటంతో
మితిమీరిన మందులు వాడటంతో దీర్ఘకాలిక రోగాలు వస్తాయని హెచ్చరిస్తున్నారు వైద్య నిపుణులు. ఆరోగ్యకరమైన జన్యువులు పాడై.. రాబోయే తరాలకు ఇప్పటి రోగాలను వారసత్వంగా అందించే పరిస్థితులు వచ్చాయని ఆందోళన వ్యక్తం చేస్తున్నారు. వైరస్‌ సోకినప్పుడు మాత్రమే యాంటీ వైరల్‌ డ్రగ్స్‌ని వాడాలని సూచిస్తున్నారు. లేకుంటే బరువు తగ్గడం, ఆకలి కాకపోవడం వంటి సమస్యలు వస్తాయని హెచ్చరిస్తున్నారు.

అజిత్రోమైసిన్‌ వంటి యాంటి బయాటిక్‌ మందులు ఎక్కువగా వాడితే గుండెపై ప్రభావం చూపుతాయని హెచ్చరిస్తున్నారు.
సొంత వైద్యం పెరగడానికి అందరికీ సోషల్ మీడియాలో అందుబాటులోకి రావడమే కారణంటున్నారు ఎక్స్ పర్ట్స్‌. స్మార్ట్‌ఫోన్‌ వాడుతున్న ప్రతి ఒక్కరు.. యూట్యూబ్‌, గూగుల్‌లో సెర్చ్‌ చేసి ఇష్టం వచ్చిన ట్యాబ్లెట్లు, ప్రకృతి వైద్యం అంటూ ఏది పడితే అది వాడేస్తున్నారు. అదే అనారోగ్యానికి కారణం అవుతోంది.

కాఫీ చాలా మందికి ఇష్టమైన పానీయం. ఉదయాన్నే నిద్ర లేచిన తర్వాత కప్పు కాఫీ తాగందే చాలా మందికి రోజు ప్రారంభం కాదంటే అతిశయోక్తి కాదు. వారి జీవిత్తాల్లో కాఫీ అంతగా మమేకమై పోతుంది. కానీ కాఫీ ఎక్కువగా తాగడం ఆరోగ్యానికి అంత మంచిది కాదు. శరీరంలో కెఫిన్ అధికంగా ఉండటం వల్ల అనేక సమస్యలు తలెత్తుతాయి.

శరీరంలో కెఫిన్ స్థాయిలు పెరగడం వల్ల నెర్వస్‌నెస్‌కి దారి తీస్తుంది. ఆందోళన ధోరణి కూడా పెరుగుతుంది. కాఫీ ఎక్కువగా తాగడం వల్ల శరీరంలో కెఫిన్ స్థాయి పెరుగుతుంది. దీని వల్ల నిద్ర సమస్యలు తలెత్తుతాయి.

కెఫీన్ ఆహారం జీర్ణక్రియకు ఆటంకం కలిగిస్తుంది. దీంతో ఎసిడిటీ, గుండెల్లో మంట వంటి సమస్యలు వస్తాయి. శరీరంలో కెఫిన్ స్థాయిని పెరగడం హృదయనాళ వ్యవస్థకు ఏమాత్రం మంచిది కాదని వైద్యులు చెబుతున్నారు. ఇది గుండె సమస్యలకు దారి తీస్తుంది.

రక్తంలో చక్కెర స్థాయిలు ఎక్కువగా ఉన్నవారు కప్పు కాఫీ కూడా తాగకూడదు. ఇది మధుమేహం పరిస్థితిని మరింత దిగజార్చవచ్చు. కెఫీన్ స్థాయిలు పెరగడం కళ్లకు కూడా మంచిది కాదు. గ్లాకోమాతో బాధపడేవారికి, ఎక్కువ కాఫీ తాగడం వల్ల వారి కంటి ఆరోగ్య పరిస్థితి మరింత దిగజారుతుంది.

శరీరంలో కెఫిన్ స్థాయిలు పెరగడం వల్ల మూత్రం ఉత్పత్తి పెరుగుతుంది. దీని వల్ల యూరినరీ బ్లాడర్ కు సంబంధించిన సమస్యలు కూడా వస్తాయని వైద్యులు చెబుతున్నారు. రోజుకు 400 మిల్లీ గ్రాములకు మించి కాఫీ తాగకూడదని నిపుణులు అంటున్నారు.

పండ్లు, డ్రై ఫ్రూట్స్ తీసుకోవడం మన ఆరోగ్యానికి మంచిదని భావిస్తారు. ద్రాక్ష పండు తీపి, పుల్లని రుచితో చాలా మందిని ఆకర్షిస్తుంది. ఎండుద్రాక్షను చాలా మంది ఇష్టపడే ద్రాక్షను ఎండబెట్టడం ద్వారా తయారుచేస్తారు. ఇది స్వీట్లు, తీపి వంటకాలను అలంకరించడానికి ఉపయోగిస్తారు. ద్రాక్షలో 80 శాతం నీరు ఉంటుంది. అయితే ఎండుద్రాక్షలో నీటి శాతం 15 శాతం మాత్రమే. అయితే, ప్రజలు ద్రాక్ష, ఎండుద్రాక్ష రెండింటినీ చాలా ఇష్టంగా తింటారు. అయితే ఈ పండ్లు, డ్రై ఫ్రూట్స్‌లో ఏది ఆరోగ్యానికి ఎక్కువ మేలు చేస్తుందో ఇక్కడ తెలుసుకుందాం..

ద్రాక్ష, ఎండుద్రాక్ష రెండూ ఆరోగ్యానికి ఉపయోగకరంగా ఉన్నప్పుడు, ఏది ఎక్కువ ఆరోగ్యకరమైనదిగా పరిగణించబడుతుంది..? అంటే.. ద్రాక్ష కంటే ఎండుద్రాక్షలో ఎక్కువ కేలరీలు ఉంటాయి. వాస్తవానికి, ద్రాక్షను ఎండబెట్టిన తర్వాత ఎండుద్రాక్ష తయారు చేస్తారు. ఈ ప్రక్రియలో, చక్కెర, యాంటీఆక్సిడెంట్లు ఉపయోగించబడతాయి. ఇవి కేలరీల రూపంలోకి మార్చబడతాయి. అరకప్పు ద్రాక్ష పండ్లను తింటే కేవలం 30 క్యాలరీలు, అదే మోతాదులో ఎండుద్రాక్ష తింటే 250 కేలరీలు శరీరానికి అందుతాయి.

ఎండుద్రాక్ష తినడం వల్ల కలిగే ప్రయోజనాలు..
ఎండుద్రాక్ష ఫైబర్ గొప్ప మూలంగా పరిగణించబడుతుంది. ఇది కాకుండా,ఐరన్, పొటాషియం వంటి ముఖ్యమైన ఖనిజాలు ఈ డ్రై ఫ్రూట్‌లో కనిపిస్తాయి. ఎండుద్రాక్షలో యాంటీ ఇన్ఫ్లమేటరీ గుణాలు కూడా ఉన్నాయి. ఇది పేగులోని బ్యాక్టీరియాను సమతుల్యం చేయడంలో సహాయపడుతుంది.

ద్రాక్ష తినడం వల్ల కలిగే ప్రయోజనాలు ..

విటమిన్ సి, యాంటీఆక్సిడెంట్లు ద్రాక్షలో ఉంటాయి. ఈ రెండు పోషకాలు మన చర్మ కణాలను యవ్వనంగా ఉంచడంలో సహాయపడతాయి. ఇది మీ చర్మాన్ని క్యాన్సర్‌కు కారణమయ్యే కిరణాల నుండి కూడా రక్షిస్తుంది. మీరు ద్రాక్షను తీసుకుంటే, ముఖం నుండి నల్ల మచ్చలు, ముడతలు తగ్గుతాయి.

ఎండుద్రాక్ష, ద్రాక్షలో ఏది ఎక్కువ ఆరోగ్యకరమైనది?

ఈ రెండు ఆహార పదార్థాలు వారి స్వంత మార్గంలో ఆరోగ్యానికి ఉపయోగకరంగా ఉంటాయి. కానీ ద్రాక్ష మరింత ఆరోగ్యకరమైనదిగా పరిగణించబడుతుంది. ఎందుకంటే తక్కువ కేలరీలు ఉన్న వస్తువు ఆరోగ్యానికి మంచిది. అందువలన దాని అసలు రూపంలో పండు తినడానికి ప్రయత్నించండి.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు infoline.one బాధ్యత వహించదు.)